豬肉雲耳包

雲耳豬肉包

包材料：(約40g一份共12個)

中筋麵粉300g.
無鋁泡打粉1g.
糖30g.
速溶酵母4g.
水160g
煮食油8g


做法：

1. 將麵粉和其餘材料放在盤中，慢慢加入水，攪拌至均勻。
2. 再將麵粉揉成糰，醒10分鐘。
3. 再將發麵揉至光滑便可使用。
4. 將發麵分成12份，再將小麵糰擀開成一大片，包入豬肉雲耳餡(約20g一份)，放在蒸包紙上。
5. 放入鑊內的蒸架上，蓋上鑊蓋再發酵約25分鐘。
6. 凍水開火蒸，以水滾起計，中小火蒸約12分鐘，小火5分鐘，熄火3分鐘才開蓋。

後記：

豬肉碎餡調味就用平時煮餸用的已可以，只是加多少少水及薑末攪至成糰即可。

其他配搭方面，喜歡放什麼就放什麼，如雲耳，紅蘿蔔等。

花生軟糖

花生軟糖(食譜參考孟兆慶)

材料:

麥芽糖 100 g 

細砂糖 50 g 

水 20 g 

粟粉 1 茶匙

水 1 湯匙

熟花生 200 g 

花生醬 50g

做法:

1. 麥芽糖加細砂糖、及水，用小火煮至121℃。
2. 離火，粟粉加水調勻，直接加入1.項的熱糖漿中攪勻。
3. 然後加入熟花生及花生醬，小火攪拌至沒有糖漿在煲底，混合均勻後鋪在正方形的模型內。
4. 待凝固後，即可切割成塊狀。

後記：

原本這花生軟糖做法係Youtube 有得睇，但之後唔知點解被刪除咗，好在當時有cap到材料份量圖。

花生糖好耐之前都有做過一款硬糖，都好食，不過真係好硬，都係鐘意食呢款多啲。

視頻入面有教到做好的花生糖係要，放涼後拎起佢時，佢雖然係版狀，但就要有開始微微向下灣的形態，才算成功。才不會太淋或太硬。這次切完放一起都不會互相黏在一起，不用獨立包裝，又有嚼艮。(第二天才比較黏)
上次試過整得太淋，應沒有攪拌至無糖漿係煲底的狀態，就算包上糖果紙都黏住張紙，因無包到糯米紙。
20g水是我自己加上去，覺得加小小水會比較容易煮溶啲糖和煮好時好似無咁杰。
希望短時間都唔再整住，因自已好像不受控制咁，不停攞嚟食，差不多全部都係我食晒，不過真係好好味。

椰塔

椰塔(7CM圓塔模8個)

材料:

撻皮:

牛油       70 g.

糖           27 g. 

蛋黃       1 隻. 

花奶       8 g. 

低粉       115 g

香草精   1/8茶匙

餡: 

糖            75 g. 

水            50 g. 

牛油        20g. 

蛋            1隻. 

花奶        10g. 

椰蓉        60g. 

泡打粉    1/4茶匙

做法:

撻皮:
1. 牛油和糖打勻至淺色，再加蛋打鬆
2. 加入花奶和香草精打均，最後加入麵粉，攪拌成粉團後，放入雪櫃冷藏片刻

3. 取出麵糰，壓至約5mm厚，用模吸出撻皮形狀
4. 將撻皮放入撻殼中央，由底部開始按壓，撻皮圍邊要高於撻殼。

餡：
1. 糖、水、牛油和椰蓉細火煮至糖溶，冷卻後加入蛋及花奶混合
2. 再加入泡打粉拌勻，雪凍
3. 將椰餡倒入撻模，放焗爐底層180度焗約25 分鐘.

後記：

好耐無食過椰塔，自從食過自己整嘅之後，出面買的已覺得無咁好食，雖然唔係話自己整得好好食，不過剛出爐未涼透，塔皮仲脆時真係好味。
好耐無咁勤力整嘢食，因呢排喜歡看的美劇比較少上新，我鐘意睇嘅Good Wife又做完，真係有啲唔捨得佢完。比到我呢種唔捨得佢完嘅就仲有Breaking Bad 。而希望佢快啲完嘅係Glee，初初好鐘意睇，但後尾就想佢快啲完，但又唔想中途唔睇，最後嗰季係用Fast Forward嚟睇。
咁多咗時間，所以不如玩下烘焙。

香草磅蛋糕

香草磅蛋糕(食譜參考下厨房-天然气小姐—Ariel )

材料：

牛油 100g
雞蛋 2个（蛋液约100g）
砂糖 65g
低粉 100g
泡打粉 1/2小匙

香草精 1/4小匙

做法：

詳情看下廚房，十分詳盡。

170度焗40分鐘，竹簽插入不粘。(應多焗5分鐘比較好，看似有少部分未熟透，不過沒有回縮問題)

16g 糖加40g 的水煮的糖水份量太多，用唔晒。

後記：

之前都整過磅蛋糕，係要喺焗緊時用刀界一刀，蛋糕面先會爆開，呢款就會自己爆，只要操作時攪打得足夠，佢就會自動爆開。這食譜用65g 糖已夠甜。口感好軟熟，雖然原食譜話不推薦用安佳，但我只得安佳牛油，成品自己覺得都很好味。
只係整看似簡單的磅蛋糕原來已有很多學問，好在整完呢個先睇到愛和自由磅蛋糕的微信文章，如果唔係都唔知會用乜嘢方法嚟整。

日式红豆水羊羮

日式红豆水羊羮(食譜參考COOK 1 COOK)

材料：

红豆 200g
大菜絲 8g
冰糖 150g
水與豆沙加起約 1000g左右

做法：

1. 大菜絲先用水浸30分鐘，再用500g水煮至溶。
2. 紅豆煮淋，用篩洗豆隔去皮，成豆沙槳。
3. 豆沙槳與糖及(1)一起煮滾(要攪拌，以免痴底)，稍放涼後倒入模中，放雪櫃雪凍即可。

後記：

很容易整的一款甜品。

鳯梨卷

鳯梨餡材料 ：

罐頭菠蘿 1大罐
麥芽糖 1大匙
玉桂粉 1/8茶匙
做法:
1. 先將菠蘿隔去水份，用义壓成絲再剪碎，稍為渣乾水份；
2. 放入鍋內，加入所有配料炒乾，要不停攪拌，直至乾身離火，放涼留用。(成品有145g)
3. 分成8g一粒。


酥酥外皮材料 (食譜Lyric Loves)

低筋面粉 90g
粟粉 10g
牛油 70g
煉奶 15g
蛋黃 6g

做法:
1) 牛油放軟, 攪打一下至忌廉狀, 加入煉奶攪打均勻, 再拌入蛋黃混合
2) 低筋面粉, 粟粉過篩後拌入, 攪拌成團即可
3) 面團放入唧咀, 唧出約5-6cm長度, 卷入一個鳯梨餡， 放入雪櫃約1 -2小時, 取出入爐180度15分鐘，見皮變金黃色即可。

後記：

終於都整咗呢個鳳梨卷，睇咗幾個blogger整嘅食譜，揀咗呢個酥皮做法，真係好鬆同好酥，小小甜，好味。一共只做到18粒，仲有啲皮剩。
個大號唧咀係家政方買，底有3cm闊，20蚊。

花卷

花卷

包材料：

中筋麵粉300g.
無鋁泡打粉3g.
糖30g.
速溶酵母4g.
水160g
煮食油12g
椰子粉 20g
椰子油 適量

做法：

1. 將麵粉和其餘材料放在盤中，慢慢加入水，攪拌至均勻。
2. 再將麵粉揉成糰，醒10分鐘。
3. 再將發麵揉至光滑便可使用。
4. 將發麵糰擀開成一大片，塗上椰子油，上下覆合成三折，用刀切成細條，每六細條一同疊好，拉長打結後放在蒸包紙上。
5. 放入蒸籠內，再發酵約25分鐘。
6. 凍水落鑊，以水滾起計，中小火蒸約12分鐘，再等5分鐘才開蓋。

後記： 

比起慢頭，喜歡這種花卷的口感多些，今次加咗椰子粉和椰子油，但椰子味都不太有。

芝麻糊

芝麻糊

材料： 黑芝麻110g. 花生20g. 白米60g. 糯米10g. 水4-5杯. 冰糖120-130g..

做法：
1. 白米和糯米洗淨浸水2小時。黑芝麻和花生洗淨，用白鑊炒香，盛起待凉
2. 把已炒過的黑芝麻和花生加2杯水攪拌隔喳，倒至煲中先煲約15分鐘。浸過的白米和糯米放有隔喳網的攪拌機，加2杯水攪打成槳，約2次3分鐘，至微粒更加幼細，然後全倒進煲裏(這時差不多沒有喳)。
3. 將冰糖碎加入煲中同煮，用慢火，邊煮邊攪，以防黏底，至糖溶及滾起即可。

後記：

今次嘅芝麻糊和之前整嘅改咗啲，加咗花生和糯米，希望會令到煲出嚟嘅芝麻糊香啲和口感好啲。

蘋果批

 蘋果批 (6吋)

材料：

批皮： 牛油 70g.  低筋麵粉 120g.  砂糖25g.  凍水 4大匙

餡： 蘋果3小個切粒.  砂糖 30g.  粟粉 1大匙.  肉桂粉1小匙.  牛油10g.


做法：　

1. 牛油、低粉和糖，用手指搓至麵包糠狀，倒入凍水，稍微拌至呈團狀即可，不要過度攪拌。放進雪櫃雪一陣。

2. 取出麵糰，搓幾搓，分成2份，約6和4的比例，桿成圓形薄片，放進6吋派盤裡，整理服貼。用叉子在批皮上刺孔，另一張麵皮桿至剛好6吋。

3. 餡：煲內放入蘋果粒，混合砂糖及牛油拌勻，煑至蘋果淋身收乾水份，將肉桂粉、粟粉倒入蘋果片中拌一拌即可。

4. 將備好的餡料倒入批盤裡鋪平，蓋上另一張批皮，將多出來的批皮邊覆上壓緊。然後用叉子在批皮邊緣壓出紋路。在蓋好的批皮上界幾刀。

5. 放已預熱200度的焗爐焗25分鐘。至表面金黃色即可，放在網架上待涼。






後記：

雪櫃有3個放咗一排，皺晒皮的蘋果，見到都唔想食，又好耐都無整蘋果批，老公又出晒口講話最好整蘋果批，咁就整啦。呢個係少甜版，食譜都係跟之前整過嘅，不過就將糖的份量全部減少，當早餐食都唔會覺得太甜。