鮮奶酪

鮮奶酪(4杯)

材料:   淡忌廉225g.   鮮奶275g.   砂糖40g.   魚膠粉7g.   水50g.

作法:
1.       先將魚膠粉溶於50g水中，放微波爐中叮溶備用
2.       取一部份鮮奶加糖叮溶，續加入鮮奶及淡忌廉攪拌均勻後，再加入魚膠溶液中拌勻
3.      拌勻後裝入杯中，蓋上蓋子送進雪櫃冰涼即可。

後記： 因買了一大盒的淡忌廉就嚟到期，為要用晒佢，所以今次整呢個鮮奶酪。鮮奶酪出嚟口感十分嫩滑，甜度適中，但自己覺得比較厚和膩。

朱古力蛋糕

朱古力蛋糕(6"模)


材料：   低筋麵粉60g.    可可粉10g.    蛋3個.     砂糖60g.    牛奶25g

做法：
1.          烤箱預熱180度，蛋糕模鋪上牛油紙。低筋粉和可可粉預先篩好備用。
2.          蛋加砂糖打至蛋漿呈濃稠狀態，先將低筋粉、可可粉輕手拌入，再將奶加入攪拌勻。 
3.          將麵糊倒入模中，輕敲幾下後入焗爐180度約焗25分鐘，取出除去牛油紙，放在網架至涼透。

軟朱古力醬： 淡忌廉125克.  甜朱古力粒75克 

做法：

1.          朱古力粒放鋼盤中坐熱水加熱至溶解，分次加入淡忌廉攪勻備用。(放雪櫃雪至稍凍後更易處理)

2.          將蛋糕切開成3片，唔要最面嗰塊。在其中一片塗上軟朱古力醬後，再蓋上另一片蛋糕片。將其餘的軟朱古力醬塗抹在蛋糕面及四周至均勻即可。

後記：這個蛋糕係用新買的麵包刀嚟塗軟朱古力忌廉嘅，個蛋糕塗忌廉部份雖然塗得唔靚，其實都唔關把刀嘅事，係自己技術重好差，我已經整咗好耐，個面同側邊都係唔平滑，無法，但比起之前用其他嗰啲刀巳經好好多。切開出嚟係再無蛋糕碎喇。蛋糕最面的一層一切開已比我食咗，口感鬆軟，但當變成朱古力蛋糕時，口感就覺得比較實咗啲(後補：我知喇，原來我無切去最底層蛋糕)，其實如蛋糕再分多一層，相信效果會較好，最主要是因怕技術唔夠會切爛。蛋糕係用全蛋法整，但出嚟時個面比平時發的，有小小裂紋，唔知係唔係用180度焗太猛火力呢。這個蛋糕做法算是簡單，軟朱古力忌廉亦好易整和好好味。

菠蘿批

菠蘿批(食譜何家私房菜)

撻皮 (16cm)

材料：  牛油15g.  植物牛油(錯用粟米油) 15g.  糖霜 15g.  低筋麵粉 63g.  雞蛋 1/2隻.  果占小許(忘記落) 

撻皮做法：
1.      牛油及植物放軟，加糖霜打至奶白色
2.      遂小放入雞蛋搞勻
3.      篩入低粉搞成粉團，雪20分鐘
4.      將已雪之粉團擀成撻皮(用食物袋/保鮮紙包住去擀，免痴底)，然後按入撻模
5.      再放入雪櫃20分鐘，然後係撻皮塗上薄薄一層果占 (可令撻皮脆啲)(忘記塗果占)

餡料材料：  牛油 25g.  沙糖 25g.  低筋麵粉13g.  雞蛋 1/2隻.  杏仁粉 15g.  菠籮適量 

餡料做法：
1.       牛油加沙糖打至奶白色
2.       遂小放入雞蛋搞勻
3.       篩入低粉，加入杏仁粉搞成糊狀

合併做法：
1.      將餡料倒入撻皮內
2.      將菠籮排係餡料上, 然後提起焗盆用輕力在枱上楑幾下,令菠籮痴實餡料
3.      放入已預熱210度焗爐(我用200度，放底層)，焗20-25分鐘即可，出爐後脫模。

後記：睇見何家私房菜嘅菠蘿批真係好吸引，所以特登買罐菠蘿返嚟整，之前重整咗菠蘿卷先。焗緊時發覺批底有油滴出，心諗何太話呢個食譜係佢之前學嘅，重整過幾次都好成功，無理由會滴油架，一路都唔明白，直到打食譜(改回16cm的份量)先知睇錯植物牛油，自己意為係植物油，所以用咗粟米油，整時都覺得好油咁，原來自己嘅問題。整到個批底口感比較硬，唔係好脆。又唔記得係批底塗果占，真失敗，重有嘅係放菠蘿時，我見佢凸晒出嚟，dun極佢都係咁，為有用手指按佢落去，原來係唔洗嘅，焗時因餡料會漲高小小，焗出嚟先會好似何家私房菜嘅咁靚，所以我個批啲菠蘿凹咗落去。但大至上嚟講都ok嘅，同菠蘿一齊食都唔會好甜。

肉鬆卷及豆沙包

肉鬆卷及豆沙包(食譜參考麵麵俱到一書)

發麵材料：   (低筋麵粉36g.   中筋麵粉144g)(全用中筋麵粉180g).     泡打粉1.8g.    黃豆粉3.6g(我無落).    糖20g.    速溶酵母2.7g.    水96g    豬油3.6g(煮食油4g)

做法：
1. 將麵粉放容器內，其餘材料放在中間，慢慢加入水，攪拌至乳化均勻。

2. 再將麵粉揉成糰，醒10分鐘。

3. 再將發麵揉至光滑便可使用。

4. 將發麵麵糰分2份，其中一份擀開成一大片，在上面塗小小油再加豬肉鬆，捲起成筒形，用刀切成4份，放在牛油紙上。將另一份發麵麵糰分成4份約35g一小份，將一小份的麵糰壓扁加入20g紅豆餡，收口係底，放在牛油紙上。

5. 放入蒸籠內，再發酵30-60分鐘(25分鐘)。
6. 鍋內水滾後放上蒸籠，以中小火蒸8-12分鐘(蒸11分鐘，再等1分鐘才開蓋)。

後記：之前我都用同一樣的肉鬆和紅豆餡整麵包，不過今次改咗做中式包點，一樣咁好味。做中式包點就比較省時和省力啲，重好快有得食添。搓麵包就比較費力，有時放工已很累，很難再得起日肝嚟搓麵包。

菠蘿卷

菠蘿卷

蛋糕體:(烤盤為26cm乘21cm)
材料：  低筋粉55克.  蛋2隻.  砂糖38克.  粟米油10克.   罐頭菠蘿水20克.
做法：

1.         烤箱預熱200度，烤盤鋪上鍚紙

2.         蛋加砂糖坐熱水打勻至企身，先加低筋粉拌勻，再加罐頭菠蘿水和粟米油攪勻。

3.     將麵糊倒入烤盤中，輕敲幾下後入焗爐200度約焗8分鐘，取出放在網架上，再用鑊蓋在上罩著(用作保濕)，要留番小小梳氣位，然後放至涼透。
忌廉餡料： 淡忌廉100克.  糖粉15克.  菠蘿片2塊(切碎隔水)
作法：
1.     淡忌廉加糖打至8成發待用.

2.       將冷卻後的蛋糕片蓋上一張保鮮紙後翻起，除掉鍚紙。再將忌廉餡全部抺在蛋糕片上，塗抹均勻後，再鋪上碎菠蘿片捲起，用保鮮紙包緊後放雪櫃雪凍即可。

後記：今次試吓用菠蘿嚟整瑞士卷，用理啲罐頭菠蘿水嚟整，不過出嚟的效果係，蛋糕體好似粗咗啲。本來諗住做過幾次瑞士卷，以為巳經有啲經驗，點之真係次次焗出嚟都唔一樣。蛋糕體都係有啲裂紋，同埋捲得太鬆。唔知點解今次切完會有咁多蛋糕碎走出嚟，所以今日見二德惠有把8吋長的麵包刀做特價，咁就買咗返嚟，睇吓下次會唔會切得靚啲。

呢把刀諗住可一物二用，用嚟當埋塗忌廉用，唔知得唔得呢。

金絲捲

金絲捲(食譜參考麵麵俱到一書)

發麵材料：   (低筋麵粉24g.   中筋麵粉96g)(全用中筋麵粉120g).     泡打粉1.2g.    黃豆粉2.4g(我無落).    糖12g.    速溶酵母2g.    水64g    豬油2.4g(煮食油3g)

做法：

1. 將麵粉放容器內，其餘材料放在中間，慢慢加入水，攪拌至乳化均勻。

2. 再將麵粉揉成糰，醒10分鐘。
3. 再將發麵揉至光滑便可使用。
4. 將發麵麵糰擀開成一大片，在上面塗油再加火腿碎，摺疊成3層，用刀切成幼條，取數條拉長再捲成塔型，放在牛油紙上。
5. 放入蒸籠內，再發酵30-60分鐘(30分鐘)。
6. 鍋內水滾後放上蒸籠，以中小火蒸8-12分鐘(蒸10分鐘，再等1分鐘才開蓋)。

後記：這發麵麵糰做的中式包點成品口感真的唔錯，新鮮出爐時拍得住出面街賣嗰啲架。因無做法係手，只知材料份量，所以第一個做錯咗，咁就順手將佢攺做迷你銀絲卷啦，橫掂我都好鐘意食銀絲卷嘅。

朱古力戚風蛋糕

朱古力戚風蛋糕 (6吋模)

材料：   蛋白3個.   糖 40克.   菜油28克.   奶48克.   低筋粉55克.   朱古力粉10克.   蛋黃3個.  糖20克.  

做法：

1.            預熱焗爐180度，低筋粉和朱古力粉先篩好。

2.            蛋黃加20克糖打至混合，再加入菜油及暖奶拌勻。
3.            蛋白加入40克砂糖，打到企身。
4.            將低粉及朱古力粉加入(2)拌勻，再將1/3的蛋白加入裏面，用手打蛋器拌勻後再將剩下的蛋白切底拌勻，入模。拿起模dun兩下。入爐，焗35分鐘(如中圖覺得蛋糕面太焦，可蓋鍚紙)。出爐後馬上倒扣。

後記：很久沒有整戚風蛋糕喇，因自己比較喜歡吃有鮮忌廉的蛋糕捲。今次因時間不夠而只係整啲比較省時和簡單的戚風食譜。蛋糕口感非常鬆軟，用嚟做早餐就最好不過。

黑芝麻蓉包(

黑芝麻蓉包(食譜參考麵麵俱到一書)

發麵材料：   低筋麵粉24g.   中筋麵粉96g.     泡打粉1.2g.    黃豆粉2.4g(我無落).    糖12g.    速溶酵母2g.    水64g(牛奶67g).    豬油2.4g(煮食油3g)     另黑芝麻蓉160g

做法：

1. 將麵粉放容器內，其餘材料放在中間，慢慢加入牛奶，攪拌至乳化均勻。

2. 再將麵粉揉成糰，醒10分鐘。

3. 再將發麵揉至光滑便可使用。

4. 將發麵麵糰分成8份約25g一份，將一份的麵糰壓扁加入20g黑芝麻餡，收口係底，放在牛油紙上。

5. 放入蒸籠內，再發酵30-60分鐘(30分鐘)。

6. 鍋內水滾後放上蒸籠，以中小火蒸8-12分鐘(蒸10分鐘後熄火，等1分鐘才開蓋)。

後記：今次我去雜貨舖買咗啲麵粉返嚟，諗住整中式包會方便啲。唔知係唔係隻麵粉問題，蒸出嚟口感無咁彈牙，係比較淋身咗小小嗰隻同有啲黏牙咁。之前用低筋和高筋反而口感比較Q啲，或下次試試全用這隻麵粉嚟整唔加低粉，睇吓會唔會好啲。可能呢隻麵粉偏向低粉多啲。