朱古力燕麥球

朱古力燕麥球 (食譜君之)

材料：燕麥片120克.      高筋麵粉40克.       奶粉20克.      細砂糖40克.      53%朱古力100克.      雞蛋10克.      牛油40克.

做法：
1、朱古力切成小塊放入碗中，加入牛油，坐熱水至全融化備用。
2、把奶粉、燕麥片、高筋粉混合。倒入融化的朱古力碗內。
3、用手把所有材料揉匀。揉好的混合物比較乾和鬆散，這時將10克蛋液加入混合物，攪拌均匀。令混合物較為濕潤。
4、用手取少許混合好的麵糰，用力捏成不易散開的小球。
5、捏好全部的小球以後，放入已預熱160度的焗爐，焗約20分鐘左右。

後記： 
又係君之食譜，佢整啲曲奇款款都好靚，又有詳細圖片，只要跟著做，多數都會成功。呢個朱古力燕麥球真係幾好味，口感比較硬，但就好有朱古力味，個仔睇見，仲以為我整咗金沙添。

整開頭幾個時，諗著用雙手搓圓佢，點知會越搓越散，之後先識得係要用力捏成一糰，用另外隻手指壓實，先唔會爆開。

草莓慕士蛋糕(櫻草)

草莓慕士蛋糕(櫻草)  6吋模 - 參考食譜幸福甜蜜之蛋糕點心DIY - 植本愉利子

材料：

原味海綿蛋糕
雞蛋 1個.   砂糖 22克   麵粉25克.   水1小匙.   牛油10克

綠茶海綿蛋糕
雞蛋 1個.   蛋黃1個.   砂糖 28克   麵粉30克.   綠茶粉1小匙.   水1小匙.   牛油15克

做法：

1.          將蛋置入不鏽綱盆內打散後加入砂糖。準備另外一個盆加入熱水，以隔水加熱的方式將蛋及砂糖利用打蛋器迅速攪拌。

2.          等到熱水到與體溫差不多時，便可以將裝有蛋與砂糖的盆子移離熱水，攪拌到提起時殘留捧子上的蛋白能靜止15-20秒不會往下滑動即可停止攪拌。
3.          利用打蛋器在盆內大動作的來回攪拌30次，讓蛋白和砂糖攪拌均勻。

4.          接著分兩次將篩過麵粉倒入盆內，利用打蛋器由下往上仔細攪拌均勻，直看不見麵粉的顆粒為止。如此攪拌個10次左右。

5.          最後加入水和加熱溶解後的牛油，儘快攪拌均勻。
6.          將麵糊倒入模後用力敲兩三下，再放入己預熱160度焗爐焗15-20分鐘左右。
7.          將焗好後的蛋糕連同焗模底盤一起倒扣在涼架上，將蛋糕放置3分鐘後，再翻回至正面繼續待涼。

草莓慕士材料：

草莓果醬120克.   魚膠粉5克.   水30克.   砂糖30克.  洋酒2小匙.   淡忌廉200克(預留一部份塗抹蛋糕)

做法：

1.          魚膠粉和水先叮溶備用，淡忌廉打至7分發備用
2.          草莓果醬，酒和砂糖攪拌均勻，加入魚膠粉水攪勻，再加入淡忌廉拌勻。

糖漿材料：

水30cc.   砂糖12克.    洋酒1-2小匙

蛋糕製作：

將糖漿材料混合均勻製作糖漿，塗抺在海綿蛋糕上，將原味海綿蛋糕放入烤模，再將預留的淡忌廉塗抺在蛋糕上，再放上已塗糖漿的綠茶海綿蛋糕，最後倒入草慕士後抺平，放進雪櫃冷藏使其凝固。

後記： 
呢本書內的每款蛋糕都整得好靚，自己又好似好耐無整蛋糕，所以揀番一款睇落比較容易啲嘅嚟試下整，個蛋糕名重好靚，叫櫻草。書中教到焗綠茶海綿蛋糕好容易產生大氣孔口感粗糙，所以如在材料中增加蛋黃的份量，便可以焗得口感比較細緻綿密。但相信都要配合熟練的手法，先可真係做得到佢講的這種口感。

最近係報紙睇到話，如果一個人學一種技術，只要練番一萬次定十萬次以上，每個人都可以作為該樣技術的天才。我都相信勤加練習一定會越整越好嘅。雖然今次整呢個蛋糕和書中幅圖都差好多，不過都希望下次會做到更好。就算睇落好似簡單嘅海綿蛋糕都唔係咁容易整到細緻綿密。

蜜桃撻

蜜桃撻 (食譜彭程)

塔底材料：  低筋麵粉165g.   牛油 67g.   糖粉67g.    香草精油數滴.    雞蛋45g

做法：

1.          牛油切碎，和糖粉充份和匀成糰
2.          將雞蛋和香草精油倒在和好的糖麵糰，充份拌匀後，再加入麵粉拌勻，放入雪櫃雪30分鐘已上。
3.            取適量的麵糰按入模，用义插些小孔，放入己預熱170度焗爐，焗約20-25分鐘左右。取出放涼備用。

忌廉餡材料:    牛奶125g.    糖32g.    蛋黄1隻.    吉士粉7g.    麵粉8g.    牛油7g.    淡忌廉150g

做法：
1.          一半糖依次加蛋黄，吉士粉，麵粉攪匀備用，淡忌廉打到七分發備用。

2.          牛奶加另一半糖煮滾，倒一半到(1)中，然後再全部倒回煲内，放小火煮及不停攪拌，到開始杰身就可離火，加入牛油拌勻，放涼備用

3.          將淡忌廉加入已放涼的(2)中攪拌均勻即可。

組合：在撻皮上抺上一層薄薄嘅朱古力，然後唧上忌廉餡，再放上切片罐頭蜜桃即可。

後記：   今次整嘅撻皮口感比較硬，唔知係唔係我理解問題，不過多數都係自己未夠功夫。食譜度話牛油和糖和勻成糰，但一加入蛋液充份和勻後牛油就溶晒，再加麵粉後，就算放回雪櫃再雪，麵糰己太溶合，口感就好難會鬆脆。定係呢個撻皮食譜口感要求係咁呢。口感比較硬都有好處，就係第二日食就無咁硬喇。

紅豆糯米卷

紅豆糯米卷 (食譜笛子)

材料：  糯米粉100克     澄粉20克     糖40克     油30克     水150克      紅豆茸適量

做法：
1. 所有材料(除水外)混合均匀，再將水分次加入，攪成稀糊狀，放進微波爐，先叮2分鐘取出攪拌，檢視麵糰熟的程度，如未熟再叮，每次一分鐘，直到叮熟。

2. 叮好後取出，趁熱放入保鮮袋，略搓幾吓，擀成長方形片，然後放凉。
3. 放涼後，剪開袋，把適量豆沙茸鋪滿一層，卷起，切開即可。
4. 成型的糯米卷可沾上各種你喜歡的粉類（如椰茸，可可粉和綠茶粉等）

後記：  之前整糯米糍類，多數都係用美味DIY個食譜，其實比較番今次和之前，材料大家都係差不多份量。今次見到用微波爐整，所以又要試吓先，過程真係好方便和快捷。不過呢個食譜裏面用嘅油，就點攪都唔能夠和麵糰溶合一齊，啲油喺未叮和叮緊中途都係浮面或和麵糰分離，所以覺得可不放油落去都可，不過小量嘅油就可令到麵糰無咁黏。

紫菜肉鬆條

紫菜肉鬆條 (食譜君之)

材料：   低筋麵粉160克，   有鹽牛油75克，   雞蛋50克，   細砂糖10克，   鹽1克，   泡打粉3克，    肉鬆40克，    紫菜4克(約16片)。

做法：
1.  牛油切小塊室溫軟化。紫菜切碎備用
2.  將紫菜碎與肉鬆、泡打粉倒入低筋麵粉裏混合
3.  牛油加入糖和鹽，用打蛋器打到稍為鬆發變白。
4.  分三次加入蛋液，攪拌均匀。
5.  倒入(2)的麵粉混合物。揉成光滑的麵糰。放枱上，擀成長方形，用鋒利的刀切成條狀。
6.  把切好的麵條排入焗盤，放入已預熱170度焗爐，焗約15分鐘左右。烤至微金黄色即可。

後記：  自己就唔係好鐘意食紫菜，不過加埋肉鬆一齊整味道都唔錯，味道咸咸香香咁。個仔食第一條就話好似怪怪地，可能未試過食唔係甜嘅曲奇，但食食吓又話幾好味呢。