䓤油曲奇

䓤油曲奇(食譜小高姐)

材料：  原食譜份量的一半

牛油 75g
糖  15g
低粉 80g
䓤 1條

爐温180度17分鐘

做法： 小高姐Youtube

後記：

用咗12年嘅Loyola 18L 終於壞咗，上面兩條發熱線都唔著。因為要就番原來位置的大細，最後揀咗Rasonic 25L,實惠做緊特價$488,連會員優惠及積分只要四佰五十幾，都覺得好底。
用新爐整嘅第一樣嘢，揀咗小高姐嘅䓤油曲奇，材料簡單，容易整嘅曲奇，但新爐仲未掌握到爐温控制。曲奇好香䓤味，鬆化。
特登買咗個焗爐温度計，結果係滿意嘅，温度真係可以去到250度，測量結果係5分鐘去到150度，12分鐘去到250度.

五香臘味芋頭糕

五香臘味芋頭糕(食譜參考大師姐)

材料：

35g 澄麵改成 ：  澄麵  25g   粟粉 10g
瑤柱2粒
蝦米隨意
無落冬菇
臘腸1條
(瑤柱水加蝦米水加水)合共一杯開粉(無落雞湯)  
另外用2杯水煮芋頭
其他材料和調味料跟足

做法：  youtube 

後記：

第一次整芉頭糕，喺 youtube 睇咗好幾個食譜，終於揀咗大師姐嘅食譜，成品好好味，無令我失望。
切嘅時候感覺比較實，但煎好後口感就啱啱好。

焦糖爆谷

焦糖爆谷(Vita Dolce 甜蜜生活手作甜點)

材料：
爆谷 100g   牛油 40g
糖 150g,   牛油 30g

做法：
1.  40g 牛油先落鑊中小火至溶化，放爆谷粒，小火炒至牛油起泡，蓋上蓋，爆谷粒開始爆，需時3至5分鐘，耐唔耐遙下隻鑊免爆谷粒變燶。
2. 150g糖落鑊，細火至溶，炒至金黃，加牛油，再炒一陣，可落已爆好的爆谷，炒至每一粒都有焦糖包住。

後記：

真係好好味，每一粒都脆。100g 的爆谷粒整好的份量都好多。

原味古早味蛋糕

原味古早味蛋糕

材料：

低筋粉  60g

油  50g

糖  45g

牛奶  40g

蛋  4隻

鹽小許

做法參考：

後記：

呢排呢隻蛋糕好紅，排哂長龍，咁我都襯下高興。

芝士戚風蛋糕

芝士戚風蛋糕

材料:

車打芝士片2塊約40g

淡忌廉85g
低筋麵粉 50g.
蛋黃 3隻.
蛋白 3隻. 

糖 60g
　
做法：

1) 將芝士片及淡忌廉坐熱水溶至冇粒粒，完全溶解。
2) 離開熱水後，分3次加入蛋黃攪拌均勻，再加低筋粉攪勻。

3) 將糖分3次加入蛋白打發至企身。將1/3已打好的蛋白加入麵糊中拌勻，再加入其餘蛋白拌勻。入模。拿起模dun兩下。
4) 放入已預熱170度的焗爐，焗10分鐘，轉150度焗30-35分鐘，或竹籤插入無粘粉即可。出爐後馬上倒扣。

後記：

好耐無寫，本來唔諗住放網誌，但出嚟好好味，所以寫低嚟做紀錄。
淡忌廉係好耐之前用剩放係冰格，已打不起，好在還可以咁用。

豬肉雲耳包

雲耳豬肉包

包材料：(約40g一份共12個)

中筋麵粉300g.
無鋁泡打粉1g.
糖30g.
速溶酵母4g.
水160g
煮食油8g


做法：

1. 將麵粉和其餘材料放在盤中，慢慢加入水，攪拌至均勻。
2. 再將麵粉揉成糰，醒10分鐘。
3. 再將發麵揉至光滑便可使用。
4. 將發麵分成12份，再將小麵糰擀開成一大片，包入豬肉雲耳餡(約20g一份)，放在蒸包紙上。
5. 放入鑊內的蒸架上，蓋上鑊蓋再發酵約25分鐘。
6. 凍水開火蒸，以水滾起計，中小火蒸約12分鐘，小火5分鐘，熄火3分鐘才開蓋。

後記：

豬肉碎餡調味就用平時煮餸用的已可以，只是加多少少水及薑末攪至成糰即可。

其他配搭方面，喜歡放什麼就放什麼，如雲耳，紅蘿蔔等。

花生軟糖

花生軟糖(食譜參考孟兆慶)

材料:

麥芽糖 100 g 

細砂糖 50 g 

水 20 g 

粟粉 1 茶匙

水 1 湯匙

熟花生 200 g 

花生醬 50g

做法:

1. 麥芽糖加細砂糖、及水，用小火煮至121℃。
2. 離火，粟粉加水調勻，直接加入1.項的熱糖漿中攪勻。
3. 然後加入熟花生及花生醬，小火攪拌至沒有糖漿在煲底，混合均勻後鋪在正方形的模型內。
4. 待凝固後，即可切割成塊狀。

後記：

原本這花生軟糖做法係Youtube 有得睇，但之後唔知點解被刪除咗，好在當時有cap到材料份量圖。

花生糖好耐之前都有做過一款硬糖，都好食，不過真係好硬，都係鐘意食呢款多啲。

視頻入面有教到做好的花生糖係要，放涼後拎起佢時，佢雖然係版狀，但就要有開始微微向下灣的形態，才算成功。才不會太淋或太硬。這次切完放一起都不會互相黏在一起，不用獨立包裝，又有嚼艮。(第二天才比較黏)
上次試過整得太淋，應沒有攪拌至無糖漿係煲底的狀態，就算包上糖果紙都黏住張紙，因無包到糯米紙。
20g水是我自己加上去，覺得加小小水會比較容易煮溶啲糖和煮好時好似無咁杰。
希望短時間都唔再整住，因自已好像不受控制咁，不停攞嚟食，差不多全部都係我食晒，不過真係好好味。