綠茶紅豆糯米糍(草餅)

綠茶紅豆糯米糍(草餅)

材料：   澄麵粉10g.  糯米粉90g.  砂糖55g.  奶粉5g.  水160ml..  綠茶粉5g.  熟糯米粉40g.  紅豆蓉210g.

做法：
1.            預先將40g糯米粉在鑊中慢火炒熟，放涼。
2.            將糯米粉、澄麵粉、奶粉、綠茶粉及砂糖撈勻，慢慢注入清水，將材料溶解至沒有粒狀物，成為軟滑粉漿。將粉漿傾倒至鍚紙盤中蒸熟，約5-6分鐘。
3.            將粉團放涼，平均分約25g一份，約14份。
4.            用熟糯米粉黏滿糯米糍皮表面，壓扁包入15g紅豆蓉，搓成球形。

後記：今次的綠茶紅豆草餅皮的材料都係和之前的芒果糯米糍差不多，只係將澄麵粉減10g和加糯米粉10g，水的粉量都加多咗10g。這綠茶皮比之前的芒果糯米糍皮軟熟和淋身啲。熟糯米粉係睇之前從圖書館借回來的書，話炒熟啲糯米粉就可用嚟整糯米糍或草餅的手粉。因第一次炒，我炒咗10分鐘，應該熟架喇。初初係諗著整糯米糍嘅，但出嚟效果和口感係似草餅多啲。紅豆蓉今次炒得比較乾身，如整草餅應可濕番小小。

紅豆包及火腿芝士包

紅豆包及火腿芝士包


材料：  高筋麵粉180g.   低筋麵粉20g.   即溶酵母4g.   糖26g.   牛油20g.   蛋33g,   奶76g. 

做法：
1.    將所有粉類、酵母、糖、蛋及牛奶攪勻，搓至均混。
2.    將牛油加入在粉團內，繼續搓至軟滑有彈性。
3.    麵團作第一次發酵約60分鐘，視當天溫度而定。
4.    將粉團分成6份，每份約60克，搓成小圓球，靜置10分鐘後。將其中4份壓扁，加入紅豆茸包起收口，輕輕壓扁，另2份用手將麵團壓扁，將芝士碎和火腿碎放於小粉團上，用手將粉團捲起，再用手指壓實粉團邊圍，令到粉團接口緊貼。
5.    排好麵團於烤盤上，用保鮮紙蓋好，讓其自然發酵至1倍大。塗蛋水，用蛋汁沾濕圓形物體(我用量匙)頂部，然後上罌粟籽，輕輕按壓麵團上 。
6.    放入已預熱焗爐(180度)，焗13分鐘即成。

後記：點解好似整嚟整去都係呢幾款包咁，真係要諗吓有乜新款包，但我又只係比較鐘意食港式包，又要材料易搵和易整，都係算把啦。最緊要隨心所欲，鐘意整乜就整乜。

芒果卷

芒果卷

蛋糕體:(烤盤為26cm乘21cm)
材料：  低筋粉53克.  蛋2隻.  砂糖47克.  粟米油10克.   鮮奶20克.
做法：

1.                 烤箱預熱200度，烤盤鋪上鍚紙
2.                 蛋加砂糖坐熱水打勻至40度及企身，先加低筋粉拌勻，再加暖的鮮奶和粟米油攪勻。
3.    將麵糊倒入烤盤中，輕敲幾下後入焗爐200度約焗8分鐘，取出放在網架上，再用鑊蓋在上罩著(用作保濕)，要留番小小梳氣位，然後放至涼透。
忌廉餡料： 淡忌廉100克.  糖粉15克.  芒果肉一個
作法：
1.  淡忌廉加糖打至8成發待用.

2.    將冷卻後的蛋糕片蓋上一張保鮮紙後翻起，除掉鍚紙。再將忌廉餡全部抺在蛋糕片上，塗抹均勻後，再鋪上芒果肉捲起，用保鮮紙包緊後放雪櫃雪凍即可。

後記： 每次在街市見到芒果都會忍唔著買，買番嚟又諗吓可整啲乜，結果又係芒果捲，本來都想整糯米糍，但好似整咗無幾耐，不過芒果糯米糍真係好好味。呢個芒果捲雪到第二日食重鮮味，芒果味完全溶入忌廉度。

焗藍莓芝士蛋糕

焗藍莓芝士蛋糕(6吋模)  (食譜參考為食猫)

餅底材料︰  消化餅4塊.  牛油30g

餡料︰  藍莓醬48g.  忌廉芝士170g.  糖40g.  淡忌廉100g.  蛋35g.

做法：

1.          將消化餅輾成餅碎。

2.          熱熔牛油後，與餅碎混合，壓在餅模上放入雪櫃備用。
3.          40g糖加入忌廉芝士打至滑身。
4.          將藍莓醬、蛋和淡忌廉逐一加入芝士漿打勻。
5.          將芝士糊倒入餅底，坐於注有熱水的焗盤上，以140度焗40分鐘，取去注水的焗盤再焗15分鐘。待涼後，置雪櫃凍食。

後記：好耐無整過焗嘅芝士蛋糕喇，諗番第一個芝士蛋糕係差不多一年前，睇咗美味DIY網友綠萼的極品藍莓芝士蛋糕之後整嘅，今次係第二個，呢個食譜簡單啲。耐無食，又覺得幾好味喎，不過唔可食太多，我只食咗圖中的一角，好之味，酸酸甜甜咁。因我比較喜歡食唔洗焗嘅凍芝士餅多啲，覺得無咁漏，所以多數都係整凍餅，不過耐無食焗嘅，有時又會想食咁。耐無整乜步驟都唔記得晒，個模又無掃牛油和用粉圍邊，所以焗完為有用刀刮出嚟。下次都要做多啲事前準備先得。

吉士忌廉包及肉鬆包

吉士忌廉包及肉鬆包


材料：  高筋麵粉130g.   低筋麵粉20g.   即溶酵母3g.   糖20g.   牛油20g.   蛋32g,   奶68g.   老麵50g.

做法：
1.  先將老麵(整細份)用暖水浸一陣。將所有粉類、酵母、糖、蛋及老麵攪勻，搓成一團。
2.  將牛油加入在粉團內，繼續搓至軟滑有彈性。

3.  麵團作第一次發酵約60分鐘，視當天溫度而定。

4.  將粉團分成8份，每份約40克，搓成小圓球，靜置10分鐘後。將其中4份壓扁，加豬肉鬆包起收口，另4份整成三角形，包入吉士忌廉，沿邊邊拉起收口。

5.  排好麵團於烤盤上，用保鮮紙蓋好，讓其自然發酵至1倍大。塗蛋水，在肉鬆包面剪二吓。

6.  放入已預熱焗爐(180度)，焗11分鐘即成。

吉士餡：  牛奶50g.  糖16g.  牛油8g.  蛋10g. 吉士粉10g.

1.  牛釢加吉士粉攪勻，加糖拌至糖溶。

2.  加入蛋拌勻再加己溶牛油攪拌均勻即可。

3.  放微波爐叮至熟。

後記：上次食過肉鬆包好好味，所以即刻又整。吉士忌廉餡都唔錯，最緊要係容易整。好多時都想係做形方面整多啲變化，唔洗整嚟整去都係咁樣。

發酵完

塗上蛋水(點解好似細咗咁)

蛋捲

蛋捲(食譜參考TPC復活日記)
材料:  牛油25g.  糖38g.  蛋1隻.  粉30g.    香草油2滴

作法:
1. 粉類過篩
2. 將奶油、細砂糖、鹽攪打至糖溶化
3. 分次加入蛋液攪拌均勻後續加入粉類拌勻
4. 攪拌均勻後，將圓板加熱後放入一小匙麵糊，蓋上另一塊圓板壓實，烘烤至熟成，趁熱捲起，待涼即可。

後記：睇TPC復活日記，見到整蛋捲整得好靚，自己都好鐘意食。但無佢用的台灣電蛋捲機，咁為有用另一種方法試試，我用兩塊圓蛋糕模的底板放在石油氣爐上來整，不過就要十分小心，所以我只是用咗佢嘅1/4份量試整。結果只有2條係見得吓人，其他都捲不成形，不過味道好好，好香和好脆。

捲捲吓，己經硬咗

上面的捲得太鬆

好難控制火力，比較燶

初初一兩塊，剷得嚟己捲唔到

咖啡瑞士卷

咖啡瑞士卷

蛋糕體:(烤盤為26cm乘21cm)
材料： 低筋粉55克.  砂糖50克.  蛋2個.   鮮奶15克.  粟米油10克.   咖啡粉3克.
做法：

1.        烤箱預熱200度，烤盤鋪上鍚紙
2.        蛋加砂糖坐40度熱水打勻至企身。先將篩好的低筋粉加入拌勻，再將已溶入咖啡粉的暖鮮奶和油加入拌勻即可。
3.        將麵糊倒入烤盤中，輕敲幾下後入焗爐200度約焗10分鐘，取出放在網架至涼透。
忌廉餡料： 淡忌廉93克.  糖粉10克.  杏仁片16克(預先烤香)

作法：
1.  淡忌廉加糖打至8成發待用

2.  .   將冷卻後的蛋糕片蓋上一張保鮮紙後翻起，除掉鍚紙。再將忌廉全部抺在蛋糕片上，塗抹均勻後，平均加上杏仁片，捲起後，用保鮮紙包緊後放雪櫃雪凍即可。

後記：今次見到另一本食譜焗瑞士捲用200度的溫度焗10分鐘，所以試一試，但出嚟蛋糕體比較乾和有裂紋，或下次可縮短焗的時間。上次整草莓蛋糕曾在側邊加過杏仁片，覺得忌廉加杏仁幾好味，所以今次都在忌廉餡加上杏仁片。原來唔覺唔覺我的自作業已寫到第100篇，咁我即係整咗100樣嘢食啦，雖然有部份重復咗，但自已都唔太相信咁，真係有無咁多呀。用網誌來作紀錄真係幾好，又有圖片又可錄影(我重未有這設備)，有時睇番都覺得有趣，如有時間寫多啲後記重好，可令自己記得多啲當時的心情和想法。

墨西哥包及肉鬆包

墨西哥包及肉鬆包

材料：  高筋麵粉130g.   低筋麵粉20g.   即溶酵母3g.   糖20g.   牛油20g.   蛋32g,   水68g.   老麵50g.

做法：

1.            先將老麵(整細份)用暖水浸一陣。將所有粉類、酵母、糖、蛋及老麵攪勻，搓成一團。

2.            將牛油加入在粉團內，繼續搓至軟滑有彈性。

3.            麵團作第一次發酵約60分鐘，視當天溫度而定。
4.            將粉團分成6份，每份約55克，搓成小圓球，靜置10分鐘後。將其中3份用棍擀長，加豬肉鬆卷起收口，另3份整成圓形收口係底，輕輕壓扁。
5.            排好麵團於烤盤上，用保鮮紙蓋好，讓其自然發酵至1倍大，將墨西哥餡料唧在其中3份麵團上。
6.             放入已預熱焗爐(180度)，焗11分鐘即成。

墨西哥餡料：低筋麵粉20g.  牛油20g.  糖20g.  蛋13g

1.       將牛油隔水坐溶加入糖攪勻 。
2.      加入蛋拌勻再加已過篩之麵粉， 攪拌均勻即可。
3.      將皮料放入唧筒，在麵團上以順時針方式繞圈唧上。

做法：今次的2種麵包做形不同，一種需要搟長，另一種只輕輕做形，因無為意，兩種麵包的第二次發酵所需時間應略有不同，肉鬆包因曾搟長壓扁，所需時間應略為增加，所以焗完出嚟，墨西哥包口感比較鬆軟。今次墨西哥餡比較塗得厚，焗時的餡就會溜落嚟，成個蓋住。

紅豆大餅

紅豆大餅(食譜參考麵麵俱到一書)

發麵材料：   低筋麵粉24g.  中筋麵粉96g(低筋48g+高筋48g).  泡打粉1.2g(2g).  黃豆粉2.4g(我無用).  糖12g.  速溶酵母2g.  水64g(72g).   豬油2.4g(煮食油).   紅豆粒餡120g

做法：
1.    將麵粉放容器內，其餘材料放在中間，慢慢加入水，攪拌至乳化均勻。
2.    再將麵粉揉成糰，醒10分鐘。
3.    再將發麵揉至光滑便可使用。
4.    將發麵糰分成每個約70g的份量，搟成大圓片。
5.     紅豆餡分每一個40g重，用皮包餡，做成包子狀，收口朝下，稍壓扁，搟開為直徑約15公分的餅，醒30分鐘。

6.    平底鍋燒熱，鍋底抺少許油，放入紅豆餅，蓋上鍋蓋，小火烙至兩面金黃。

後記：本來諗住整金絲捲，但搓咗麵粉先知無火腿係度，咁為有再用紅豆餡，但又唔係好夠，所以紅豆餡份量係少咗啲嘅。紅豆餅皮口感比較煙un，紅豆餡就無街賣嗰啲咁甜。樣就幾似，但口感就有啲分別。今次水份落多咗小小，因搓時覺得比較乾，但加咗水又覺得好黏手。

迷你水晶包(

迷你水晶包(食譜參考成報)

材料：　木薯粉1.5安士(20g)(可在一般印尼店買到，亦可用生粉代替）.  澄麵1.5安士(20g).    清水4安士(56g).    紅豆蓉隨意。

做法：
1. 把木薯粉及澄麵拌勻，再倒入滾水中，熄火之後拌勻，趁熱用手搓成粉糰，切成16份(8份)；

2. 用中式點心棍把粉糰壓薄，再包入豆沙餡料。再用手搓圓及按扁；

3. 隔水蒸5至7分鐘，即成。

後記：找到2個食譜做水晶包，揀咗這個因有木薯粉係手，要用梗啲。第一次做水晶包，份量只試做一半，口感上，茶樓嗰啲比較軟孰。另一食譜水的份量比較多，或下次試試，可能另一個會軟孰啲。包皮完全無落糖，比較淡口，全靠紅豆蓉的甜味。做出嚟先知原來咁迷你嘅。