椰塔

椰塔(7CM圓塔模8個)

材料:

撻皮:

牛油       70 g.

糖           27 g. 

蛋黃       1 隻. 

花奶       8 g. 

低粉       115 g

香草精   1/8茶匙

餡: 

糖            75 g. 

水            50 g. 

牛油        20g. 

蛋            1隻. 

花奶        10g. 

椰蓉        60g. 

泡打粉    1/4茶匙

做法:

撻皮:
1. 牛油和糖打勻至淺色，再加蛋打鬆
2. 加入花奶和香草精打均，最後加入麵粉，攪拌成粉團後，放入雪櫃冷藏片刻

3. 取出麵糰，壓至約5mm厚，用模吸出撻皮形狀
4. 將撻皮放入撻殼中央，由底部開始按壓，撻皮圍邊要高於撻殼。

餡：
1. 糖、水、牛油和椰蓉細火煮至糖溶，冷卻後加入蛋及花奶混合
2. 再加入泡打粉拌勻，雪凍
3. 將椰餡倒入撻模，放焗爐底層180度焗約25 分鐘.

後記：

好耐無食過椰塔，自從食過自己整嘅之後，出面買的已覺得無咁好食，雖然唔係話自己整得好好食，不過剛出爐未涼透，塔皮仲脆時真係好味。
好耐無咁勤力整嘢食，因呢排喜歡看的美劇比較少上新，我鐘意睇嘅Good Wife又做完，真係有啲唔捨得佢完。比到我呢種唔捨得佢完嘅就仲有Breaking Bad 。而希望佢快啲完嘅係Glee，初初好鐘意睇，但後尾就想佢快啲完，但又唔想中途唔睇，最後嗰季係用Fast Forward嚟睇。
咁多咗時間，所以不如玩下烘焙。

蘋果批

 蘋果批 (6吋)

材料：

批皮： 牛油 70g.  低筋麵粉 120g.  砂糖25g.  凍水 4大匙

餡： 蘋果3小個切粒.  砂糖 30g.  粟粉 1大匙.  肉桂粉1小匙.  牛油10g.


做法：　

1. 牛油、低粉和糖，用手指搓至麵包糠狀，倒入凍水，稍微拌至呈團狀即可，不要過度攪拌。放進雪櫃雪一陣。

2. 取出麵糰，搓幾搓，分成2份，約6和4的比例，桿成圓形薄片，放進6吋派盤裡，整理服貼。用叉子在批皮上刺孔，另一張麵皮桿至剛好6吋。

3. 餡：煲內放入蘋果粒，混合砂糖及牛油拌勻，煑至蘋果淋身收乾水份，將肉桂粉、粟粉倒入蘋果片中拌一拌即可。

4. 將備好的餡料倒入批盤裡鋪平，蓋上另一張批皮，將多出來的批皮邊覆上壓緊。然後用叉子在批皮邊緣壓出紋路。在蓋好的批皮上界幾刀。

5. 放已預熱200度的焗爐焗25分鐘。至表面金黃色即可，放在網架上待涼。






後記：

雪櫃有3個放咗一排，皺晒皮的蘋果，見到都唔想食，又好耐都無整蘋果批，老公又出晒口講話最好整蘋果批，咁就整啦。呢個係少甜版，食譜都係跟之前整過嘅，不過就將糖的份量全部減少，當早餐食都唔會覺得太甜。

蘋果批

蘋果批 (16cm)  (食譜Eupho Café) 

蘋果餡材料：  蘋果2個切粒.    砂糖 45g.     麵粉 1大匙.    肉桂粉1小匙.   檸檬汁半個

做法： 大碗裡放入蘋果片與檸檬汁拌勻。再混合砂糖、麵粉、肉桂粉拌勻，倒入批中即可。

批皮：  牛油 80g.   中筋麵粉 160g.   冰水4大匙

做法：　

1. 用手指快速混合凍牛油粒及麵粉至麵包糠狀。分3次加入冰水，稍微拌至呈糰狀即可，不要過度攪拌，整成一糰，放雪櫃約1小時。

2. 取出麵糰分成2份，擀壓成圓形薄片，放一片進6吋批盤裡，整理貼服。另一張麵片也桿成一樣大小。覆蓋保鮮膜，放進雪櫃雪約半小時。

4. 焗爐預熱至200度。從雪櫃取出麵片，將預備好的餡料倒入批盤裡鋪平。如表面覆蓋格子狀的批皮，就把表面那張批皮切割成等寬的長條狀，編織成格子圖樣，因為格子狀批皮己有空隙，所以不用再開通氣孔。

5. 蛋黃加水1大匙拌勻，用刷子刷在派皮上。放進焗爐底格200度焗約15分鐘後轉175度焗約40分鐘直到表面呈金黃色。餡料冒泡熟軟即可取出，放在網架上待涼。

後記： 

呢個食譜係好耐之前己睇見，但當時見到啲食譜蘋果批餡料多數都要先煮好，所以一路都無嘗試整，驚個批皮咁整會唔脆。但最近睇到一套劇集叫做"欲海情魔.Mildred.Pierce"，裏面睇到佢地整啲蘋果批餡都係唔洗預先煮好，所以都好想試下，唔試過永遠都唔會知係點。結果係好好味，蘋果餡仲好食，果肉比起煮過嗰啲仲有咬口，仲無想像中咁會好水，蘋果汁變晒糖漿咁好杰，唔會令到個批底變淋。真係好啦，以後整蘋果批就更容易，餡料只要混合即可。

蘋果批

蘋果批 (18 cm)

材料：
批皮： 牛油 150g.  低筋麵粉 240g.   砂糖70g.   蛋 40g.

做法：　

1. 牛油和低粉，輕輕用手指搓至麵包糠狀，再加入糖拌勻。倒入蛋醬，稍微拌至呈團狀即可，不要過度攪拌。
2. 覆蓋保鮮紙，放進雪櫃雪至少1個鐘至完全冰涼。
3. 取出麵糰，稍為按壓，分成2份，桿成圓形薄片，放進派盤，整理服貼之後。用叉子在批皮上刺孔，另一張麵皮也桿成一樣大小。
4. 將放涼後的餡料倒入批盤裡鋪平，蓋上另一張批皮，將多出來的批皮切去。在蓋好的批皮中刺孔，然後用叉子在批皮邊緣壓出紋路。
5. 小量蛋漿加水拌勻，掃在批皮上。
6. 放已預熱180度的焗爐底層焗30分鐘。至表面金黃色，取出脫模放回焗爐只用底火150度再焗10分鐘，便可取出放在網架上待涼。

蘋果餡材料：  蘋果3顆切粒.  砂糖 80g.   粟粉 1小匙.   肉桂粉1小匙.  牛油30g.   檸檬汁半個

做法：煲內放入蘋果粒，混合砂糖、粟粉及牛油拌勻，煑至蘋果淋身，最後將肉桂粉和檸檬汁倒入拌勻即可放涼備用。

後記：  今次餡料用咗3個蘋果，份量剛好，不過自己稍覺甜咗啲，但個仔話OK。焗批自己通常都會將焗好的批脫模後再放回焗爐用底火焗多一陣，可令成個批皮都咁鬆脆。

杏仁蘋果派

 杏仁蘋果派     (食譜  -  自在生活)

派皮材料:    牛油100g切丁,      中筋麵粉200g,     冰水90g,     監小許

做法：
1.   將牛油放入中筋麵粉中,用切拌方式與麵粉混合均勻
2.   倒入冰鹽水,全部材料反覆搓揉混合均勻,放入冰箱冷藏2個小時
3.   冰好之派皮橄成約0.3cm的厚度,鋪在派模上,切去超出派模邊緣多餘的派皮
4.   用叉子在派皮上戳一些洞

內餡材料:

A.  蘋果半顆磨泥,  另半個切細粒，  砂糖1大匙,  檸檬汁1大匙,
B.  砂糖50g,  雞蛋1個,  牛油50g,  低筋麵粉30g,  杏仁粉55g,  蘭姆酒1小匙,  淡忌廉2大匙

做法:
1.   蘋果半個磨泥及半個切粒加砂糖和檸檬汁，熬煮成濃稠的蘋果茸
2.   牛油加砂糖，用打蛋器攪拌均勻後加入雞蛋攪拌均勻
3.   再加入低筋麵粉,杏仁粉,蘭姆酒,淡忌廉攪拌均勻
4.   將冷卻的蘋果泥(A)與杏仁奶油(B)攪拌均勻即成內餡
5.   將內餡填入派皮中抹平,另切1個蘋果切薄片整齊鋪在杏仁餡料上
6.   在蘋果片上刷上一層融化的牛油,灑上肉桂粉,放入已經預熱至180度c的焗爐中焗35-40分鐘

後記：  呢款蘋果批未試過，所以又要試下先。今次個蘋果批整得唔係咁滿意，因整批皮時搓揉過度，批皮出現筋性，令到批皮唔鬆脆，失敗。自己鐘意多啲蘋果嘅餡，呢款唔係咁對自己口味。

蜜桃撻

蜜桃撻 (食譜彭程)

塔底材料：  低筋麵粉165g.   牛油 67g.   糖粉67g.    香草精油數滴.    雞蛋45g

做法：

1.          牛油切碎，和糖粉充份和匀成糰
2.          將雞蛋和香草精油倒在和好的糖麵糰，充份拌匀後，再加入麵粉拌勻，放入雪櫃雪30分鐘已上。
3.            取適量的麵糰按入模，用义插些小孔，放入己預熱170度焗爐，焗約20-25分鐘左右。取出放涼備用。

忌廉餡材料:    牛奶125g.    糖32g.    蛋黄1隻.    吉士粉7g.    麵粉8g.    牛油7g.    淡忌廉150g

做法：
1.          一半糖依次加蛋黄，吉士粉，麵粉攪匀備用，淡忌廉打到七分發備用。

2.          牛奶加另一半糖煮滾，倒一半到(1)中，然後再全部倒回煲内，放小火煮及不停攪拌，到開始杰身就可離火，加入牛油拌勻，放涼備用

3.          將淡忌廉加入已放涼的(2)中攪拌均勻即可。

組合：在撻皮上抺上一層薄薄嘅朱古力，然後唧上忌廉餡，再放上切片罐頭蜜桃即可。

後記：   今次整嘅撻皮口感比較硬，唔知係唔係我理解問題，不過多數都係自己未夠功夫。食譜度話牛油和糖和勻成糰，但一加入蛋液充份和勻後牛油就溶晒，再加麵粉後，就算放回雪櫃再雪，麵糰己太溶合，口感就好難會鬆脆。定係呢個撻皮食譜口感要求係咁呢。口感比較硬都有好處，就係第二日食就無咁硬喇。

香蕉批

香蕉批(6吋批模)

材料
1.     批皮(可做2個)：  牛油60g.  砂糖 35g.  低筋麵粉 120g.  杏仁粉30g.    雞蛋 1/2隻.      
2.     吉士餡材料：  糖25g.  牛奶250g.  蛋1隻.  粟粉15g.   吉士粉5g.    香草精約2滴
3.     香蕉一條.  砂糖適量

批皮做法：
1.     牛油放軟打起，再分次加砂糖打至淺色
2.     分次加入雞蛋拌勻，再加入杏仁粉攪拌
3.     篩入低粉拌至9成即可，用保鮮紙包好雪30分鐘
4.     取出之粉團輕輕搓壓成糰，然後擀成批皮，然後按入批模，用叉剌孔，用豆類或重物壓著來焗己防拱起
5.     放入已預熱180度的焗爐底層焗10分鐘，取去壓著物，塗份量外的蛋液在批面，放中層再焗10分鐘，取出放涼，再塗一層份量外的朱古力漿

吉士餡做法：

1.     將部份牛奶加入粟粉和吉士粉攪開
2.     蛋和一半份量糖打至發白
3.     牛奶加一半份量糖煮熱至糖溶，加入一部份至(2)中攪拌，再將(1)加入攪開，然後將全部熱牛奶加入攪拌。最後倒回煲中，一路煮一路攪拌免煮燶，煮至杰身，加入香草精攪勻，坐冰水攪拌至涼便可

香蕉做法：

鑊中加適量砂糖，放上切片香蕉，再加砂糖在香蕉面，煎至砂糖變焦，便可番轉香蕉稍煎即可

組合：  取已塗朱古力漿的批皮，加上一層吉士餡抺平，再放上焦糖香蕉即可

  

後記：      見到台灣網友整香蕉批，不過佢地係批面加打發的蛋白霜，再用火鎗燒燶，出嚟效果好靚。整好批後，都有考慮好唔好加蛋白霜，最後都係決定唔加，一來因無火鎗(雖然可放焗爐焗燶)，二來又好怕會好甜，或下次整檸檬批先試吓整蛋白霜。焦糖香蕉唔記得隔去水份，放上批後先發覺有小小出水情形。香蕉要用比較生的為好。第一次加蛋液塗批皮再焗，因睇到網友話可令到批更脆，不過都係唔放心，再加朱古力漿塗係批面，免吉士餡令到批皮變淋。   

蘋果批

蘋果批(8吋)

餡材料：  蘋果1個(重約340g).  砂糖 55g.  粟粉 1小匙.   牛油20g.   肉桂粉1小匙.

做法：   煲內放入蘋果粒、砂糖及牛油，煮至淋身及乾水加粟粉，熄火後加入肉桂粉拌勻即可。

批皮：  牛油 140g.   低筋麵粉 100g.   高筋麵粉 100g.   冰水3大匙

做法：　

1. 用义壓爛及混合凍牛油及麵粉至粒粒狀。分3次加入冰水，稍微拌至呈糰狀即可，不要過度攪拌，整形成四方形，放雪櫃1小時。

2. 將麵糰取出，枱面灑點高筋粉，將麵糰放上擀成長方形，摺成3層，灑粉再幹長，再摺成3層，再重複一次，放雪櫃雪1小時。

3. 取出麵糰分成2份，擀壓成圓形薄片，放一片進8吋批盤裡，整理服貼之後，用叉子义孔及輕輕切下派盤邊緣多餘的批皮。另一張麵片也桿成一樣大小。覆蓋保鮮膜，放進雪櫃雪半小時。
4. 焗爐預熱至180度。從雪櫃取出麵片，將預備好的餡料倒入批盤裡鋪平。如表面覆蓋格子狀的批皮，就把表面那張批皮切割成等寬的長條狀，編織成格子圖樣，因為格子狀批皮有空隙，所以不用再開通氣孔。
5. 蛋黃加水1大匙拌勻，用刷子刷在派皮上。放進焗爐底格焗約40分鐘直到表面呈金黃色。取出，放在網架上待涼。

後記：      今次試整唔甜嘅批皮，出嚟效果唔錯，幾脆。不過批面啲格子批皮擀得唔夠薄，厚咗啲。蘋果用咗一個大富士蘋果，點知原來煮出嚟又係得咁少，只舖到得薄薄一層嘅餡，下次要用2個至得。餡啲砂糖可落番少啲，因初初諗著批皮無落糖，咁餡咪應加多少少糖，但食落個餡好似甜咗少少。批盤無塗油及曬粉，用咗烘焙紙舖底，留番小小紙角，焗完就咁可以成個批拎出嚟。個批拎咗出嚟後，我再放番入爐再焗多個底10分鐘，想要令到個批底都上色和脆啲。

先生好喜歡食蘋果批，佢話咁多款我整過嘅蘋果批，最好食係呢個，話個批好脆。