蘋果環形蛋糕

蘋果環形蛋糕(食譜西點大百科)

材料：  牛油 100g.   砂糖 85g.    蛋2隻.    低筋粉120g.  杏仁粉20g.   發粉2茶匙.    牛奶 2大匙.    蘋果 1個.  

做法﹕
1. 粉類先過篩。牛油放軟加糖打至發白成忌廉狀
2. 蛋分次加入，每加一次必須與牛油完全打勻混合
3. 將粉類加入並均勻地混合，然後倒入牛奶充分地攪拌
4. 倒入天使模型中，等間隔地排放上已切好的蘋果
5. 焗爐預熱170-180度，焗約35分鐘後取出。待冷郤後將模取下。

後記：  呢個蛋糕個名叫蘋果環形蛋糕，好似好特別，其實即係牛油蛋糕加咗蘋果嚟焗，不過因好耐無食牛油蛋糕，所以都要試吓先。原食譜用100g砂糖，已減至85g。蘋果雖然普通，但用嚟焗蛋糕和整批餅又真係好好味。

呢幅好似外星人呀！

芒果布甸

芒果布甸 (食譜參考longway)

材料 :
芒果2個.   砂糖50g.   牛奶230g.   淡忌廉80g.   魚膠粉8g .   水200g.

做法：
1.   淡忌廉打至8成放雪櫃備用，魚膠粉加50g水叮溶備用

2.   將芒果肉起出，1個切粒另外1個連牛奶一同用打爛成芒果奶

3.   將150g水和50g糖加熱至溶，倒入芒果奶中攪勻，之後加埋入魚膠粉水待涼
4.   將淡忌廉取出，分次將(3)加入拌勻，拌勻後加入切粒既芒果肉即可入模。

                    

後記：  原食譜淡忌廉份量應該要用多啲，但我用剩得80g，所以加多啲奶和減番啲水嚟補充奶味，如有興趣可到連結睇番原食譜。成品出嚟口感唔錯，幾滑，自己已減糖。先生和媽媽食過都話好味，自己覺得比上次成品滑啲無咁漏。

杏仁咖啡卷

杏仁咖啡卷
 
材料：
1.   蛋黃 3個.   砂糖 20g.   鮮奶 40g.   沙拉油 20g.   即溶咖啡  1大匙(3g).     低筋麵粉 45g.   杏仁粉20g.

2.   蛋白 3個.   砂糖 35g.

朱古力忌廉餡：  淡忌廉125g.    朱古力粒50g.

朱古力餡做法：  半量淡忌廉加朱古力粒坐熱水至溶解，再加入剩餘的淡忌廉，坐冰水打至8分備用。
 
蛋糕卷做法：
1     即溶咖啡先溶於暖鮮奶中備用。
2     蛋黃加20g砂糖拌勻，再放入沙拉油、咖啡牛奶拌勻，最後加入過篩後的低筋麵粉和杏仁粉拌勻，成蛋黃麵糊。
3     蛋白攪拌至發泡後再分次放入砂糖一起打至溼性偏乾性發泡，成蛋白麵糊。
4     先取部分作法3蛋白麵糊加入作法2的蛋黃麵糊中拌勻後，再將剩餘加入拌勻，即成蛋糕體麵糊。
5     取烤盤，於內層鋪上一層鍚紙，將作法4的蛋糕體麵糊倒入、抹平，放入烤箱以180℃烤約10分鐘。
6     取出烤好的蛋糕體放涼，撕掉鍚紙後以較漂亮面朝下，另一面均勻抹上朱古力忌廉餡料，再用桿面棍與保鮮紙一起捲起，即可放雪櫃至定形。

後記：  今次打朱古力忌廉打過頭，變回流質狀，好失敗。見過書話可再加番小小淡忌廉再稍為攪拌便可。又好似好小小咁，不過都放返入雪櫃雪一陣等佢比較硬身番小小先。覺得整蛋糕卷用全蛋法比較用分蛋法效果好啲。雖然今次蛋糕卷出嚟個樣和顏色唔係咁靚，不過味道都唔錯架。

合桃香蕉戚風蛋糕

合桃香蕉戚風蛋糕

材料：  

1.   粟米油 20克.   奶50克.   低筋粉85克.   蛋黃4個.  糖20克.   香蕉茸110克.    合桃肉30克
2.   蛋白4個.   糖 40克.  

做法：

1.   預熱焗爐170度。合桃預先烘香，低筋粉先篩好。香蕉壓成茸備用。

2.   蛋黃加20克糖打至糖溶解混合，加入油、奶及香蕉茸拌勻，再將粉類加入拌勻。

3.   蛋白打發至起泡，再分次加入40克砂糖，打發到企身。

4.   將1/3的蛋白霜加入(2)裏面，用膠刮拌勻後再將剩下的蛋白加入切底拌勻，入模。拿起模dun兩下。入爐，焗25-30分鐘(如中圖覺得蛋糕面太焦，可蓋鍚紙)。出爐後馬上倒扣。

後記：  最近提唔起興趣整蛋糕甜品，都無乜嘢特別想整，見到食剩一隻好熟嘅蕉係屋企，已經好淋，唔會有人想食佢，咁為有又整香蕉戚風蛋糕啦，本來有諗過用嚟整牛油香蕉蛋糕，因未整過，但要用成100克牛油咁多，又驚會好肥。所以最後都係整番戚風蛋糕，不過今次加咗啲合桃肉落去。原來唔單只提唔起興趣整，連食都唔係好想食，覺得唔係好好食咁，但食譜都係差唔多啫。

香橙戚風蛋糕

香橙戚風蛋糕 (10吋水泡模)

材料：  
1.   蛋白4個.   砂糖 40克.  
2.   低筋粉70克.   蛋黃4個.  砂糖20克.   沙拉油28克.   橙汁60克.   橙皮茸1個

做法：

1.   蛋黃加20克糖打至混合。先加入油及橙汁拌勻後，再加入粉拌勻。
2.   蛋白分次加入40克糖，打到企身。
3.   將1/3的蛋白霜加入，用膠刮輕手攪拌後再將剩下的蛋白加入切底拌勻，入模。拿起模dun兩下。

4.   放入已預熱170度的焗爐，焗25-30分鐘(如中途覺得蛋糕面太焦，可蓋鍚紙)。出爐後馬上倒扣。

後記： 之前整?戚風蛋糕原來唔夠水份，所以整得唔夠鬆軟，因見食譜油?份量都落好多，所以成日自己改，改到一塌胡塗。而家發覺可用部份水份代替油份都可以。上次?香蕉和今次?香橙自己都覺得有進步，好軟熟，好味。

藍莓芝士小蛋糕

藍莓芝士小蛋糕

材料: (9小個)

牛油50g.     砂糖50g.     蛋1個.      自發粉100g.    牛奶50g.     芝士片2塊.      藍梅醬50g.

做法:
1.  先將牛奶加熱坐溶芝士片，自發粉過篩備用
2.  牛油軟化後和糖放盆中充分打勻變白。
3.  蛋液分次加入打勻，加入自發粉拌勻，再將牛奶及芝士溶液加入拌勻，最後將藍梅醬也加入拌勻。
5.  分別倒入9個紙模至8分滿。
6.  放已預熱烤箱170度C焗20-25分鐘即可。

後記： 參考西點大百科，原食譜係將蛋糕焗咗5分鐘後，先至將藍梅醬加在蛋糕面，咁焗出嚟效果靚好多。點知我自作聰明，將藍梅醬加入攪拌，仲要分多次加入攪拌，令到蛋糕出嚟口感唔夠鬆，顏色變到瘀瘀黑黑咁添。