士多啤梨忌廉蛋糕

士多啤梨忌廉蛋糕 (食譜參考Kitchen Tigress)

蛋糕材料：

蛋    4隻
低筋粉  80g
糖    65g
油    45g

忌廉材料：

鮮奶油  250g
糖    25g

士多啤梨適量

參考以下做法：


How to Make Japanese Strawberry Shortcake (Strawberry Cream Cake)

 

後記：

原本食譜材料中有一樣叫Glucose的東西，但係烘焙店找不到，只發現一樣叫粟膠的類似物種，唔知係唔係一樣，所以都係算把啦。

咖啡杏仁冰淇淋

咖啡杏仁冰淇淋(食譜參考：小小米桶)

材料： 

鮮奶油  600ml (約700g)
煉奶350g，預先放入冰箱冰涼
濃縮咖啡粉 4大匙
濃縮咖啡酒 4大匙
杏仁 適量 (預先焗好)
棉花糖適量 
牛奶適量

做法：

1.  將咖啡粉用少量牛奶溶解，放涼，備用

2.  再將鮮奶油、煉乳、做法1的咖啡、咖啡酒混合攪拌至6~7分發(盆底可墊冰塊會較易打發)

3.  將攪拌好的鮮奶油放入雪櫃冰約1.5小時
4.  冰約1~1.5小時的狀態，有點軟又有點硬，再把杏仁粒與棉花糖放入冰淇淋中混合均勻

5.  再放回冰箱冷凍至少6小時或隔夜，即完成好吃的咖啡杏仁冰淇淋。

後記：

雪糕機放埋咗好耐都無用，因冰格無位可預先冰凍個容器，見到個食譜又好容易整，又嚟試下，真係好好味，雪糕好滑。

綠茶蜂蜜蛋糕

綠茶蜂蜜蛋糕

材料:

a. 蛋黃5個, 高筋麵粉120g, 綠茶粉10g,
b. 蛋白5個, 砂糖110g,
c. 蜂蜜45g, 暖牛奶50g,

做法：

1. 高筋麵粉加綠茶粉預先過篩，蜂蜜和暖牛奶拌勻。
2. 蛋白打發至起泡，再分次加入110克砂糖，
打發到企身。
3. 蛋黃分次加入攪拌，再加入蜂蜜和牛奶拌勻，最後加入粉類拌勻
4. 將麵糊由高處倒入紙盒
5. 拿一根竹籤在麵糊中間距1cm垂直水平來回畫S型2次，使得麵糊中的氣泡均勻
6. 放入已經預熱到170度C的焗爐下層焗10分鐘，再轉150度C繼續焗50-55分鐘至熟，取出蛋糕連紙盒從高處放下，然後除去紙盒放涼。

後記：

今次試下用分蛋方法整，蛋糕麵糊無過篩，焗好後底部組織好似比較實啲。蛋糕亦無倒轉放涼，雖無下塌，但近面部份就無咁濕潤。綠茶味同蜂蜜好夾。

蜂蜜蛋糕

蜂蜜蛋糕(參考周老師及Carol自在生活)

材料: 

雞蛋4個(200g) .    低筋麵粉125g.    砂糖110g.    牛奶38g(淡奶19g+水19g代替).     蜂蜜38g,     鹽1g

做法：


1. 雞蛋加砂糖加鹽放鋼盆內及坐暖水上用電動打蛋器高速打均，

2. 將蜂蜜加入持續攪打到體積膨脹並且可停留在打蛋器上一陣才滴落

3. 將低筋麵粉分2次篩入，拌勻

4. 最後分次倒入牛奶至完全拌勻

5. 完成的麵糊分次用濾網過篩

6. 再將麵糊由高處倒入紙盒中

7. 拿一根竹籤在麵糊中間距1cm垂直水平來回畫S型2次，使得麵糊中的氣泡均勻

8. 放入已經預熱到170度C的焗爐下層焗10分鐘，再轉150度C繼續焗40-45分鐘

9. 蛋糕出爐馬上用一張耐熱保鮮紙覆住倒扣放涼。

後記：


整蛋糕有時就好似做實驗咁好好玩，見到人地整，自己又試下得唔得，出嚟結果都唔錯，個仔仲話幾好味添。

雖然外表都係差咗啲，表面唔得平整，側咗一邊少少，應該一邊比較接近發熱線。未等全放涼就切咗嚟食，蛋糕質感好軟熟，只係覺得稍為甜咗啲，糖可減10-15克。

亦可參考Cooking with dog 

Castella (Kasutera Sponge Cake Recipe) カステラ 作り方レシピ

蘋果蛋糕

  

蘋果蛋糕(8吋模)

材料：  牛油 90g.   砂糖 90g.    蛋2隻.    低筋粉150g.   發粉1茶匙.    牛奶 7大匙.    蘋果 2個.  

做法﹕

1. 粉類先過篩。牛油放軟加糖打至發白成忌廉狀
2. 蛋分次加入，每加一次必須與牛油完全打勻混合

3. 將粉類加入並均勻地混合，然後倒入牛奶充分地攪拌
4. 倒入模型中，等間隔地排放上已切好的蘋果
5. 焗爐預熱175度，焗約35分鐘後取出。待冷郤後將模取下。

後記： 

簡簡單單一件蘋果蛋糕作為下午茶己十分滿足。

花捲

花捲

發麵材料：
   
中筋麵粉120g.     
泡打粉1.2g.
糖12g.    
速溶酵母2g.    
牛奶64g    
煮食油3g

做法：

1. 將麵粉和其餘材料放在盤中，慢慢加入牛奶，攪拌至均勻。

2. 再將麵粉揉成糰，醒10分鐘。
3. 再將發麵揉至光滑便可使用。
4. 將發麵分成6份，再將小麵糰擀開成一大片，用刀切成幼條，取數條拉長再捲成塔型，放在牛油紙上。

5. 放入蒸籠內，再發酵約30分鐘。
6. 凍水落鍋，以水滾起計，中小火蒸約10分鐘，再等2分鐘才開蓋。

後記：

好耐無自己整花捲食，好好味，雖然無其他額外材料，但都覺得好好食，好彈牙。唔知點解，覺得花捲又好食過饅頭，其實都係同一樣野嚟。

椰絲餅乾

椰絲餅乾(食譜花开声音の草根厨房 )

材料：    低粉150克、椰絲50克、蛋1隻、砂糖60克、牛油60克、牛奶少許、裝飾椰絲適量。


做法：
1.  牛油略軟化後，加入糖打起至忌廉狀
2. 分次加蛋攪拌後，加入麵粉和椰絲拌成一糰，如麵糰太軟，可先放雪櫃一會兒。
3.  在面糰上蓋上保鲜紙，用擀面棍擀成一大薄片。用餅模黏小許高筋麵粉，然後在麵皮上壓出形狀。
4. 在表面掃上薄薄一層牛奶，最後撒上椰絲。
5. 放己預熱170度焗爐，焗約12分鐘或至金黃即可。

後記：

這曲奇都是屬於少糖和少油的一款，食多幾塊都唔怕。

上次整這款曲奇己是08年，睇返之前，時間真係過得好快。Hope always better in time. just like the song I picked.

紅豆月餅

紅豆月餅(餅模63g)

皮料：   低筋麵粉   270g     糖漿   180g      粟米油   57g   梘水  3g

紅豆餡(每份35g)滾圓備用。

製法：

1.    先將糖漿、生油、梘水拌勻，然後加入粉再輕力攪拌，略略搓成粉團，靜置最少1至2小時或包保鮮紙放雪櫃一晚。

2.    將皮料分成小粒，每粒約25g，先搓圓、按扁，包入餡料，收口，再拍上小許手粉。

3.    將月餅粉團放入已撲上手粉的餅模，慢慢在枱上按實2至3下再退出模，將月餅放置在焗盆上。

4.    噴少許水在餅面上，放入已預熱的焗爐內，用 200ﾟC焗約8分鐘至餅面上色，取出掃2次蛋漿，將爐溫調低至175ﾟC再焗約15分鐘視乎情況在最後幾分鐘關底火，焗至餅身呈金黃至熟，待2天回油後便可食用。

紅豆餡(參考周老師的美食教室) 

材料：      紅豆    600g       粟米油  300g      砂糖  300g        麥芽糖  150g

做法：

1)     紅豆先洗一下，瀝乾，和兩倍的水一起倒入悶燒鍋內鍋裡。
2)    煮沸，立刻放入外鍋中，蓋好，燜4小時至豆淋，瀝乾。
3)     然後用攪拌機打爛成蓉

4)     炒鍋燒熱，放已打爛的紅豆蓉大火炒到水份收乾，先加糖，油再分次加入，大火不斷翻炒。

5)  最後加入麥芽糖，直到感覺豆泥不黏鍋，就是鍋鏟刮過時豆泥有離鍋的感覺，即可熄火，放涼備用。

後記：

今年用另一種方法整豆沙餡，覺得咁整好似仲香啲添。今年整月餅又有得著，原來餡炒得唔夠乾，焗時個餡因太多水份漲起，咁之後就會另到個月餅同餡離殼。高温啲焗，月餅會快啲定形，就無咁易有象腳出現。

但今年只整咗20個豆沙月餅，因整咗好多奶皇月餅，所以仲剩低成斤餡，只好放入冰格遲啲用來整第二樣嘢。

簿皮月餅並不是我所好，因我都好鐘意食個皮，所以皮餡個比例唔會咁大。

脆皮奶皇月餅

脆皮奶皇月餅(葉潤發師傅刊於壹週刊的食譜)

月餅餡（ 16個@19克）(24個@25克)

材料：
砂糖　　　 60克 (100克)
低筋麵粉　 18克 (36克)
吉士粉　　 18克 (36克)
奶粉　　　 18克 (36克)
椰子粉　　少許(約一茶匙)(無落)
煉奶　　　 23克 (46克)
雞蛋　　　 30克 (60克)
椰汁　　　 90克(90克)
花奶　　　 7克(90克)
牛油　　　 45克 (90克)
鹹蛋黃　　 4隻(3隻)

月餅皮    (16個@30克)  (24個@25克)

材料：
砂糖　　　 67克  (80克)
牛油　　　 130克(142克)
雞蛋　　　 22克 (26克)
花奶　　　 25克 或 鮮忌廉 (24克花奶)
低筋麵粉　 252克 (302克)
吉士粉　　 17克 (20克)

步驟

1.先做月餅餡：將糖和麵粉、吉士粉、奶粉及椰子粉撈勻，加煉奶、雞蛋、一半椰汁，撈勻後再加另一半椰汁和花奶撈勻，然後加牛油（不用撈勻）。
2.滾水落鍋蒸 15至 20分鐘。拿出撈勻(要即時撈，否則涼後底部會變硬)(壓碎鹹蛋黃，在這時加入撈均，搓至有黏性)，攤凍即成奶黃餡，放入雪櫃雪一晚。
3.做月餅皮︰大碗中，加入砂糖、牛油搓勻，然後加雞蛋、花奶，撈勻後加麵粉及吉士粉，搓勻。放入雪櫃雪半小時。
4.奶黃餡從雪櫃取出，再略搓勻，分成 19克(25克)一粒。每粒壓平成圓形，包入 1/4隻已蒸熟的鹹蛋黃。
5.月餅皮粉團分成 30克(25克)一粒，每粒壓平成圓形，邊稍薄，將餡包入餅皮中。
6.月餅先撲上小量麵粉，光滑一面向下放入餅模中造型。留意餅模要灑上極少麵粉，以免黏着月餅皮。
7.預熱焗爐 250度。先焗 5分鐘(6分鐘，放焗爐最底格)，取出掃薄薄一層蛋漿，吹乾約 10分鐘後，再掃一層蛋漿，然後焗 4分鐘(只用上火200度焗5分鐘或至夠色，無掃糖漿)，取出掃一層糖漿，最後焗一分鐘。大功告成。

後記：

今日終於整咗呢款月餅，其實平時都不是很喜歡食奶皇包，但呢個奶皇月餅又真係幾好味。
餅皮十分脆，奶皇又唔係好漏。出爐無耐，趁仲係熱熱地，就即刻食咗一個。

今次真係要多謝EVA同學仔個食譜。前一排都成日係網上揾呢款月餅嘅食譜，咁arm佢又有朋友教佢，咁就好好彩咁益埋我。仲要係非常出名嘅望月食譜添。

Thank you very much EVA。

最後係壹週刊找到食譜。紅色係我整的份量。

有興趣亦可參考膠膠B的膠品味生活的酥皮奶黃月餅。佢個月餅整得好靚。
雖然佢都係望月食譜，但成份和我整呢個都有啲出入。