迷你腸仔包

迷你腸仔包(蘋果日報)

材料

中種：全蛋 20克、鮮奶 40毫升、酵母 2(1.5)克、脫脂奶粉 5克、高筋麪粉 70克 

麪糰：酵母 2(1.5)克、砂糖 28(25)克、鹽少許、水 15(+適量)毫升、高筋麪粉 50克、淡牛油（放軟） 15克　 餡料：脆皮芝士腸仔 15(11)條

做法；

1.先做中種，全蛋、鮮奶、酵母、脫脂奶粉用鈎狀攪拌器以慢速拌勻，加高筋麪粉拌勻後，以快速攪拌成粗糙麪糰。

2.將麪糰放入掃上油的盤內，蓋上保鮮紙，放於 28℃室溫約 60分鐘，發酵至原來體積的 2.5倍，切成小塊備用。

3.做麪糰，酵母、砂糖、鹽、水以慢速拌勻，加入高筋麪粉及中種拌勻，加淡牛油轉用快速將麪糰打至光滑及煙韌。

4.將麪糰向中間對摺兩次，反轉略搓成圓形，放在已掃油的盤上，蓋上保鮮紙，放 28℃室溫下約 25分鐘，發酵至原來體積的 2倍。

5.取出麪糰，用手掌壓走空氣，將麪糰兩邊向中央對摺，再捲成長條狀，分割成約 20克的小麪糰，滾圓後用保鮮紙覆蓋，發酵約 15分鐘。

6.將麪粒略拍扁，再搓成約 20厘米的長條，打圈圍着香腸，放於已掃油的焗盤上。

7.在麪包表面噴水，放於 38℃及相對濕度 80%的室溫下，發酵約至 2.5倍大。

8.麪包面掃上蛋漿，放入預熱至 180℃焗爐的中層，焗至麪包上色後，轉用 150℃的面火，整個烘焗過程約 15分鐘

後記:

好耐無整包，睇見蘋果日報登出食譜就手癢，想試下。因無機，所以暫時都係手搓。紅色部份係自己改咗嘅。

食譜麪糰得15毫升水，太少，不能成糰，一路搓一路少少咁加，所以都唔知加咗幾多。到整形時，所有之前學的要訣都忘記晒，收口都無按緊，所以大部份都鬆晒，最後得一個比較好樣用黎影相。爐火全程都用180度焗12分鐘。