旦丁烘焙自作頁: 小蛋糕

顯示具有 小蛋糕 標籤的文章。顯示所有文章

2015年8月5日星期三

菠蘿小蛋糕

菠蘿小蛋糕 (食譜Carol自在生活)

材料：

低筋麵粉 200g

無鋁泡打粉 1茶匙

罐頭菠蘿汁 100cc

全蛋 2個
砂糖 90g

有鹽牛油 90g

罐頭菠蘿肉 200g

做法：

1. 牛油加砂糖打至泛白，分次加蛋打至均勻
2. 再將過篩的粉類及菠蘿汁交替分3次加入攪拌均勻
3. 然後將事先切好的一半菠蘿肉丁加入混合均勻
4. 完成的麵糊封上保鮮膜放置30分鐘
5. 用湯匙將醒置均勻的麵糊放入紙杯中約7分滿
6. 最後在麵糊上鋪上剩下的菠蘿片
7. 放進已經預熱至180度c的焗爐中焗約25 - 30分鐘至表面金黃,且竹籤插入中心沒有沾粘即可出爐，取出放到鐵網上放涼即可

後記：

今晚諗住整菠蘿炒牛肉，一罐用唔晒，剩番啲就整菠蘿蛋糕啦。菠蘿隔水唔夠乾，所以麵糊拌勻後比較濕。

2009年9月6日星期日

紅莓小蛋糕

材料: (9小個)

牛油50g. 砂糖50g. 蛋1個. 麵粉100g. 泡打粉1小匙. 牛奶60g. 紅莓乾50g

做法:
1. 預先將紅莓乾用水略浸後，隔乾水份。
2. 牛油軟化後和糖放盆中充分打勻變白。
3. 蛋液分次加入打勻，加入半量牛奶攪拌。
4. 麵粉及泡打粉混合過篩後加入拌合均勻後，再將餘下的牛奶拌勻。
5. 最後紅每乾也加入混合後，分別倒入9個紙模至7分滿。
6. 放已預熱烤箱170度C烤20~25分鐘即可。

後記：
個仔投訴屋企呢排企無嘢食，所以嗱嗱聲搵啲容易整又好味嘅蛋糕仔塞住佢把口先。不過呢排真係少咗整蛋糕和曲奇餅，剩係顧住整雪糕。等我玩雪糕機嘅狂熱過咗，就會平衡番啲架喇。

佢另外仲點名要食威化餅，鐘意食佢嘅口感。呢隻餅我就無本事整比佢食，一定要買喇，真係好耐無食過呢隻餅，記得上次買時價錢好似大約$5.50至$6.0，而家已加價至$8.5一包。

2009年5月24日星期日

蜂蜜蛋糕仔

蜂蜜蛋糕仔 (食譜君之)

材料：低筋麵粉80克.     蛋2隻.     蜂蜜40克.     砂糖35克.    無味植物油30ml

做法：
1.   在盤中打入蛋，將砂糖和蜂蜜加入，坐熱水打至杰(打蛋器上的蛋糊保持2-3鈔不滴落)。
2.   分2次加入麵粉拌勻。
3.   在拌好的麵糊裏倒入植物油攪拌均匀。
4.   把蛋糕糊倒入紙杯仔中，放入預熱180度的焗爐，焗約10分鐘，或表面金黄色即可。

後記：好多時係餅鋪見到一包包，細細隻一袋的蛋糕仔都會買嚟食，鐘意佢細細粒一啖一隻，又好味。見到呢個食譜第一樣嘢就係諗起蛋糕仔，雖然成品出嚟並唔係一模一樣，不過個樣都好似。佢就帶小小蜜糖味。

2008年12月8日星期一

芝士戚風蛋糕杯

芝士戚風蛋糕杯 (食譜格式烘焙的BLOG)

材料：忌廉芝士45克. 牛奶70克. 糖15克. 蛋黄4隻. 油30克. 低粉90克. 蛋白4隻. 糖50克.

做法：
1. 忌廉芝士温室軟化(或微波嚧叮軟)，加入15克糖攪拌均匀。
2. 分次加入雞蛋攪拌均匀。
3. 加入牛奶和油攪拌。
4. 篩入麵粉攪拌均匀。
5. 蛋白分次加入50克糖打至硬性發泡。
6. 取三分之一蛋白霜加入蛋黄糊中攪拌，再將蛋糊倒入剩餘的蛋白霜中攪拌均勻。
7. 入模,放已預熱160度焗爐，焗約30分鐘左右。

後記：我每次整戚風蛋糕都整得唔好，唔係回縮得好緊要，就係蛋糕面層仲濕濕地咁。見到人地同一份量，只需焗30-35分鐘左右，我就起碼焗多20分鐘先得。所以今次用小杯模嚟焗，但出嚟口感都係比較un，可能又焗得太耐，同埋唔係好覺芝士味。

2008年6月4日星期三

藍莓芝士小蛋糕

材料: (9小個)

牛油50g. 砂糖50g. 蛋1個. 自發粉100g. 牛奶50g. 芝士片2塊. 藍梅醬50g.

做法:
1. 先將牛奶加熱坐溶芝士片，自發粉過篩備用
2. 牛油軟化後和糖放盆中充分打勻變白。
3. 蛋液分次加入打勻，加入自發粉拌勻，再將牛奶及芝士溶液加入拌勻，最後將藍梅醬也加入拌勻。
5. 分別倒入9個紙模至8分滿。
6. 放已預熱烤箱170度C焗20-25分鐘即可。

後記：參考西點大百科，原食譜係將蛋糕焗咗5分鐘後，先至將藍梅醬加在蛋糕面，咁焗出嚟效果靚好多。點知我自作聰明，將藍梅醬加入攪拌，仲要分多次加入攪拌，令到蛋糕出嚟口感唔夠鬆，顏色變到瘀瘀黑黑咁添。

2008年3月25日星期二

蘋果小蛋糕

材料: (9小個)

1. 蘋果1個. 砂糖一湯匙. 檸檬汁一湯匙

2. 牛油50g. 砂糖50g. 蛋1個. 牛奶60g. 低筋麵粉105g. 泡打粉半茶匙. 梳打粉半茶匙.

做法:

1.      蘋果去皮切薄片，放煲內加入1湯匙砂糖及1湯匙檸檬汁，煮到乾水為止。
2.      牛油軟化後和糖放盆中充分打勻變白。
3.      蛋液分次加入打勻，加入半量牛奶攪拌。
4.      麵粉、梳打粉及泡打粉混合過篩後加入拌合均勻後，再將餘下的半份牛奶拌勻。最後加入煮乾水的蘋果片。
5.      分別倒入9個紙模至8分滿。放已預熱烤箱170度C烤20-25分鐘即可。

後記：今次煮呢個係紐西蘭蘋果，切出嚟好似幾多吓，點知煮完得番啲咁多，下次要揀隻大啲至得。今次梳打粉好似落多咗小小，出嚟嘅口感鬆泡泡咁。上次係蘋果日報睇過，好似話整小蛋糕的粉係唔需要先過篩，如果唔係蛋糕口感亦都會太鬆。

2008年3月15日星期六

香橙小蛋糕

材料: (9小個)

牛油50g. 砂糖50g. 蛋1個. 低筋麵粉100g. 泡打粉半茶匙. 梳打粉1/4茶匙. 橙汁連渣100g.

做法:
1. 預先將橙榨汁。
2. 牛油軟化後和糖放盆中充分打勻變白。
3. 蛋液分次加入打勻，加入半量橙汁攪拌。
4. 麵粉、梳打粉及泡打粉混合過篩後加入拌合均勻後，再將餘下的橙汁拌勻。
5. 分別倒入9個紙模至8分滿。
6. 放已預熱烤箱170度C烤25分鐘即可。

後記：今次小蛋糕改用橙汁作變化，用咗100g橙汁連渣，水份比上次紅莓小蛋糕多，但出嚟口感較軟熟。不過可能因泡打粉落得小咗，所以爆得無咁靚。橙味亦不是很夠，下次可落小小橙皮茸，增加橙味。

2008年2月22日星期五

紅莓小蛋糕

材料: (9小個)

牛油50g. 砂糖50g. 蛋1個. 麵粉100g. 泡打粉1小匙. 牛奶60g. 紅莓乾40g

做法:
1. 預先將紅莓乾用水略浸。
2. 牛油軟化後和糖放盆中充分打勻變白。
3. 蛋液分次加入打勻，加入半量牛奶攪拌。
4. 麵粉及泡打粉混合過篩後加入拌合均勻後，再將餘下的牛奶拌勻。
5. 最後紅每乾也加入混合後，分別倒入9個紙模至7分滿。
6. 放已預熱烤箱170度C烤20~25分鐘即可。

後記：農曆新年前係灣仔買咗半磅$20嘅紅莓乾，所以差不多各種蛋糕都加入紅莓乾。小蛋糕食譜好易整，只要改放其他提子乾或果仁類，就可變出其他好味嘅小蛋糕。

2008年1月27日星期日

合桃提子牛油蛋糕

合桃提子牛油蛋糕

材料(8個)：牛油 90g. 蛋2隻. 糖 75g. 低筋粉100g. 發粉1/3茶匙. 提子干50g. 合桃30g

做法﹕
1. 粉類過篩，合桃預先烤烘備用，提子干用水浸透。
2. 牛油放軟加糖打至發白成忌廉狀，分次加入雞蛋，每加一次必須與牛油完全打勻，
3. 將粉類加入拌勻，最後加入提子干攪拌均勻。
4. 將麵糰裝入紙模至8成滿，最後放上合桃碎即可
5. 預熱180度焗爐，焗約25分鐘或用竹籤插入沒黏著物即可。