豆沙包

豆沙包

發麵材料：   低筋麵粉24g.   中筋麵粉96g(低筋48g+高筋48g).    糖30g.    速溶酵母2g.    水70g.    植物油3g.    紅豆茸 200g

做法：

1. 將麵粉放容器內，其餘材料放在中間，慢慢加入水，攪拌至均勻。
2. 再將麵粉揉成光滑麵糰，醒40分鐘。

3. 將發麵麵糰排氣後，再分成8份約25g一份，將一份的麵糰壓扁加入23g紅豆餡，收口係底，放在牛油紙上。

4. 放入蒸籠內，放鑊中蓋上鑊蓋，再發酵45分鐘。
5. 真接凍水開火蒸，以中火蒸約10分鐘，收至慢火蒸2分鐘，熄火，留在鑊內約5分鐘後取出。

後記： 

平時包好餡後只需再發酵20-30左右，因呢幾日天氣凍，成日覺得麵糰無發大，最後等到45分鐘都要開火蒸。蒸好後好彩又無發過頭。好多時包包蒸出嚟都皺皮，今次試下咁樣調教細火後才熄火，包包又真係無塌陷喎。

材料今次無放泡打粉，只放酵母，口感都唔係好覺有分別。紅豆包都係百吃不厭。

杏仁蘋果派

 杏仁蘋果派     (食譜  -  自在生活)

派皮材料:    牛油100g切丁,      中筋麵粉200g,     冰水90g,     監小許

做法：
1.   將牛油放入中筋麵粉中,用切拌方式與麵粉混合均勻
2.   倒入冰鹽水,全部材料反覆搓揉混合均勻,放入冰箱冷藏2個小時
3.   冰好之派皮橄成約0.3cm的厚度,鋪在派模上,切去超出派模邊緣多餘的派皮
4.   用叉子在派皮上戳一些洞

內餡材料:

A.  蘋果半顆磨泥,  另半個切細粒，  砂糖1大匙,  檸檬汁1大匙,
B.  砂糖50g,  雞蛋1個,  牛油50g,  低筋麵粉30g,  杏仁粉55g,  蘭姆酒1小匙,  淡忌廉2大匙

做法:
1.   蘋果半個磨泥及半個切粒加砂糖和檸檬汁，熬煮成濃稠的蘋果茸
2.   牛油加砂糖，用打蛋器攪拌均勻後加入雞蛋攪拌均勻
3.   再加入低筋麵粉,杏仁粉,蘭姆酒,淡忌廉攪拌均勻
4.   將冷卻的蘋果泥(A)與杏仁奶油(B)攪拌均勻即成內餡
5.   將內餡填入派皮中抹平,另切1個蘋果切薄片整齊鋪在杏仁餡料上
6.   在蘋果片上刷上一層融化的牛油,灑上肉桂粉,放入已經預熱至180度c的焗爐中焗35-40分鐘

後記：  呢款蘋果批未試過，所以又要試下先。今次個蘋果批整得唔係咁滿意，因整批皮時搓揉過度，批皮出現筋性，令到批皮唔鬆脆，失敗。自己鐘意多啲蘋果嘅餡，呢款唔係咁對自己口味。

義大利聖誕水果麵包

義大利聖誕水果麵包   (食譜 - 自在生活)

湯種麵糊

材料:
冷水165g,高筋麵粉35g

步驟:
1.    將冷水加入高筋麵粉中攪拌均勻
2.    將攪拌均勻的麵糊放入爐上用中小火加熱,邊煮邊攪拌,煮到開始變濃稠就關火繼續攪拌,呈現出漩渦狀麵糊就好
3.    放涼後放冰箱可以冷藏3天

主麵團:

材料:
湯種麵糊100g,    高筋麵粉250g,    低筋麵粉50g,     速發酵母3/4茶匙,    雞蛋1隻,
淡忌廉80cc,    細砂糖30g,     蜂蜜10g,    牛油50g,

水果乾:
杏桃乾,    酒漬葡萄乾,    金葡萄乾,     蔓越莓乾,     蜜漬橙皮各30g

麵包表面裝飾:
蛋液

步驟:
1.    將所有材料(牛油除外)搓揉成為一個有彈性不黏手的麵團   (液體的部份保留20-30g在搓揉的時候慢慢加入)
2.    將牛油加入繼續攪拌搓揉成薄膜的麵團,再將所有果乾加入,慢慢將果乾搓揉進麵團使得果乾分佈均勻即可
3.    麵團滾圓,收口朝下捏緊放入抹少許油的盒中
4.    表面噴灑些水,密封放冰箱冷藏發酵至隔天(約2倍大)
5.    第一次發酵完成的麵團由冰箱拿出恢復室溫,再將空氣拍出,分割成4份滾圓(麵團大小約是模的容量的3/5左右,依照實際狀況做適當分割)
6.    模內底部及周圍墊上防沾烤焙紙
7.    將麵團放入模中,表面噴一些水放置溫暖空間再發酵60分鐘
8.    發酵到約8-9分滿在麵團表面上塗抹上一層蛋液
9.    放入已經預熱至170度c的烤箱中烘烤22-25分鐘至表面呈現金黃色即可
10.  將烤好的麵包從模中倒出來放涼

後記： 
差不多全篇都是搬自原食譜，有興趣請點自在生活連結，圖文都非常詳細。

舊年聖誕整咗聖誕戚風蛋糕，今年見到自在生活網誌嘅聖誕麵包又試下先。麵糰放雪櫃22小時後取出，只係發得半倍大，跟著再發酵咗4個半鐘，先免強夠2倍大，跟著做整形，入模，再發酵咗個半鐘，好似差唔多OK咁，就入爐，焗完成品睇落和食落都係覺得第二次發酵仲未夠，麵包唔夠鬆，口感比較實。麵包初時放中層焗，見到面頭開始變燶，先醒起要放番落下格。

檸檬戚風蛋糕

檸檬戚風蛋糕 

材料： 

A.       蛋黃 4 隻.     砂糖 20克.      檸檬皮茸 1個.     檸檬汁30克.      牛奶 40克.       菜油 37克.       低筋粉 80克
B.       蛋白 4隻.      砂糖 40克.

做法：

1.   蛋黃加20克糖打至混合。先加入油及檸檬汁拌勻後，再加入檸檬皮茸及粉拌勻。

2.   蛋白分次加入40克糖，打到企身。

3.   將1/3的蛋白霜加入，用膠刮輕手攪拌後再將剩下的蛋白加入切底拌勻，入模。拿起模dun兩下。

4.   放入已預熱165度的焗爐，焗50分鐘(如中途覺得蛋糕面太焦，可蓋鍚紙)。出爐後馬上倒扣。

後記：  原來整咗咁多次戚風蛋糕都未整過檸檬味，見到GRACE整我先醒起。打蛋時，其中一隻蛋倒出時見到一舊嘢，以為跌咗啲垃圾落去啦，睇真啲，原來係蛋中蛋，不過另一隻發育不健全，好細隻，同埋個殼仲係軟架，入面仲有一粒好細嘅蛋黃添。而家整戚風蛋糕已無近面濕濕地嘅情況，不過焗嘅時間就要耐啲。

花生糖

花生糖 (食譜  -  幸福之家)

材料：  
洗淨的生花生  1斤
水  200ml
細砂糖  125g

麥芽糖  125g

鹽小許

炒香的白芝麻適量

太白粉  1大匙
水  1/5杯

作法：

1.          水、砂糖、鹽和麥芽糖放鑊中煮至糖溶。

2.          把花生全部放進鑊中，開大火煮滾.，期間須不斷的翻炒，避免鍋底燒焦
3.          炒至花生有聲音發出，可改至中小火，一樣不斷的翻炒

4.          直至呈現焦糖色及牽絲模樣，將炒香的白芝麻灑上，

5.          將開好的太白粉加水，分次小量加入翻炒，直至全部加入，就可起鑊。
6.          整型之後趁熱切割。

        

       

後記：   自己本身對花生糖麻麻地，不過上次聽到阿媽話鐘意食，又見材料簡單，又易整，咁又試下。網上搵到2個花生糖食譜，另一個寶貝媽咪，材料中要落油。呢一個食譜唔使落油，咁梗係試唔使落油個先，諗著唔落油健康啲。整好之後，梗係第一時間比阿媽試食，但原來阿媽係鐘意食軟嘅花生糖，我呢個都係口感比較硬，佢仲話啲花生唔夠脆和炒得過龍添。咁我之後自己諗，寶貝媽咪食譜中，油嘅作用係咪可令到花生變脆呢，下次有機會再試。

 

香蕉戚風蛋糕

香蕉戚風蛋糕

材料：  

A.   低筋粉80克.   蛋黃4個.     糖12克.    植物油 33克.   奶36克.     香蕉茸130克
B.   蛋白4個.   糖 40克.  

做法：
1.   預熱焗爐165度，低筋粉先篩好。香蕉先壓成茸備用。

2.   蛋黃加12克糖打至糖溶解混合，加入植物油、奶及香蕉茸拌勻，再將粉類加入拌勻。

3.   蛋白打發至起泡，再分次加入40克砂糖，打發到企身。
4.            將1/3的蛋白霜加入(2)裏面，用膠刮拌勻後再將剩下的蛋白加入切底拌勻，入模。拿起模dun兩下。入爐，焗約50分鐘(如中途覺得蛋糕面太焦，可蓋鍚紙)。出爐後馬上倒扣。

     

後記：  又係香蕉戚風蛋糕，今次都還可以，蛋糕好鬆軟，無下陷，不過都係爭小小，覺得未全熟，近面仲係有小小濕，取出按下，仲有沙沙聲。唔知點解焗嘅時間要越嚟越耐。下次可能要焗一個鐘先得。可能水份仲係太多。

元寶酥

元寶酥 (食譜 貝太美食菜譜)

材料：
牛油     114g
砂糖     80g
雞蛋     34克
奶粉     14g
低荕麵粉 115g
高荕麵粉 115g
红豆沙餡 200g

做法：

1.     把红豆沙餡分成每份10g的小份，然後搓成小圓球餡料備用。
2.     牛油切成小塊放入盤中，隔水加熱融化牛油。加入砂糖用打蛋器攪拌均匀，然後加入雞蛋，繼續攪拌均匀成糊。
3.     將麵粉、奶粉過篩，加入到牛油糊中，然後揉成麵糰。把揉好的麵糰蓋上保鲜紙放入雪櫃冷藏10分鐘。
4.     把醒好的麵糰分成每份約23g的小麵糰（共20個），然後包入一份红豆沙餡料。
5.     把包好餡的麵糰整理成略胖的枣核形，用一個圓嘴在枣核形麵糰的腰部按一下，形成元寶形。在表面掃一層蛋黄液(份量外)，
6.     放入預熱170℃焗爐，焗約10分鐘，取出再次掃上蛋黄液後，繼續焗約10分鐘即可。

後記： 另一款的紅豆酥，呢款個皮係似曲奇多啲，口感比較脆。我無用全蛋黃掃面，只用用剩1/3的雞蛋液掃面，所以顏色無咁靚。加粉時見個麵糰好似好油咁，咪自己加多30克麵粉落去，唔知係咪咁，所以個個焗完都裂晒口。亦可能我較原食譜焗多5分鐘所至。雖然唔靚，但都好好味。

椰絲餅乾

椰絲餅乾(食譜花开声音の草根厨房 )

材料：    低粉150克、椰絲50克、蛋1隻、砂糖60克、牛油60克、牛奶少許、裝飾椰絲適量。

做法：

1.  牛油略軟化後，加入糖打起至忌廉狀

2.  分次加蛋攪拌後，加入麵粉和椰絲拌成一糰，

3.  在面糰上蓋上保鲜紙，用擀面棍擀成一大薄片。用餅模黏小許高筋麵粉，然後在麵皮上壓出形狀。

4.  在表面掃上薄薄一層牛奶，最後撒上椰絲。
5.  放已預熱160度焗爐，焗約10分鐘，轉150度焗約5分鐘或金黃即可。

     

後記：  呢排見到有幾款椰絲曲奇食譜，睇落款款都好好味咁，就由呢款椰絲份量比較少的試先。我自已比較懶，通常要用曲奇模印出嚟的都比較少做，因要花多好多時間慢慢整，不過又真係睇落靚啲咁。之前睇到楊桃文化教整曲奇的示範，先知用擀面棍在麵糰上推開，比碌出嚟的效果還好。

芝士戚風蛋糕杯

芝士戚風蛋糕杯 (食譜格式烘焙的BLOG)

材料：  忌廉芝士45克.   牛奶70克.   糖15克.   蛋黄4隻.   油30克.   低粉90克.   蛋白4隻.   糖50克.
 
做法：
1.  忌廉芝士温室軟化(或微波嚧叮軟)，加入15克糖攪拌均匀。
2.  分次加入雞蛋攪拌均匀。
3.  加入牛奶和油攪拌。
4.  篩入麵粉攪拌均匀。
5.  蛋白分次加入50克糖打至硬性發泡。
6.  取三分之一蛋白霜加入蛋黄糊中攪拌，再將蛋糊倒入剩餘的蛋白霜中攪拌均勻。
7.  入模,放已預熱160度焗爐，焗約30分鐘左右。

 

 

後記：  我每次整戚風蛋糕都整得唔好，唔係回縮得好緊要，就係蛋糕面層仲濕濕地咁。見到人地同一份量，只需焗30-35分鐘左右，我就起碼焗多20分鐘先得。所以今次用小杯模嚟焗，但出嚟口感都係比較un，可能又焗得太耐，同埋唔係好覺芝士味。

覆盆莓慕士蛋糕

覆盆莓慕士蛋糕 (參考食譜幸福甜蜜之蛋糕點心DIY - 植本愉利子)

原味海綿蛋糕:  (6吋模)

材料：   牛油10克 .   牛奶10克.    低筋粉50克.    蛋2個.    糖40克.

做法：
1.   將蛋打散後加入砂糖。以隔水加熱的方式將蛋及砂糖利用打蛋器迅速攪拌，攪拌到提起時殘留捧子上的蛋白能靜止15-20秒不會往下滑動即可停止攪拌。
2.   將過篩過之低筋麵粉2次加入，用膠刮刀混合，
3.   接著將部份(2)加入暖和的植物油和牛奶混合，再倒回(2)中攪拌均勻即可。
4.   將麵糊倒入鋪有牛油紙的圓形模中，放入已預熱165度的焗爐中焗約25分鐘或竹籤插入不黏即可。取出倒扣放涼後切開備用。

蛋糊忌廉(巴伐露斯)

材料：  蛋黃1個.   砂糖25克.   牛奶100cc.   香草精數滴.    (魚膠粉5克   水30克.)    櫻桃酒1小匙.   淡忌廉100克

做法：
1.   糖和蛋黄一起混合均勻。 牛奶放煲內加熱至未滾，倒一部分到蛋漿中攪拌，然後再全部倒回煲内，小火煮及不停攪拌，一直煮到冒出熱氣為止，大約80度左右。
2.   在步驟(1)中加入已叮溶魚膠粉水，接著用濾網過濾後加入櫻桃酒添味，再隔著冰水使其加速冷郤。
3.   將已打至8分發的淡忌廉加入已放涼的(2)中攪拌均勻即可。

覆盆莓醬

材料：   覆盆莓泥50克.   砂糖20克.   (魚膠粉2克.    水12克.)     淡忌廉 65克.

做法：
1. 將覆盆莓泥和砂糖一起混合均勻後加熱使其溶解，接著加入己叮溶的魚膠粉水，再隔著冰水使其冷郤。
2. 將已打至8分發的淡忌廉加入已放涼的(1)中攪拌均勻即可。

果凍

材料：   砂糖15克.    覆盆莓泥50克.   水20克.      (魚膠粉2克.     水12克.)

做法：  將覆盆莓泥與砂糖一起混合後，隔著熱水加熱至與體溫一樣高時停止加熱，接著再加入已叮溶的魚膠粉水。

組合：

1. 將海綿蛋糕放入模內，
2. 將覆盆莓醬倒入蛋糊忌廉中，但是不要有攪拌的動作。
3. 用杓子將覆盆莓泥和蛋糊忌廉舀起淋上蛋糕上，使其呈現出大理石紋路，再放入雪櫃冷藏使其凝固。
4. 凝固後從雪櫃取出，在慕士表面淋上果凍液，再放入雪櫃冷藏使其凝固，脫模後，放上裝飾即可。

後記：

呢個蛋糕每一個部分都唔難整，最難就係要整大理石紋，因魚膠粉水一凍咗就好快杰，想話好似書咁講，將兩種忌廉一齊筆起淋落蛋糕上，係好難會做到溜落嚟嘅狀態，所以花紋整得唔係咁靚。下次可將魚膠粉份量減小小，及將覆盆莓醬先預備好，才整蛋糊忌廉，可能比較容易處理。
之前草莓慕士蛋糕和呢個覆盆莓慕士蛋糕都係嚟自呢本書，但比較兩種慕士，自己就喜歡呢個多啲，呢種慕士食落香啲，酸酸甜甜好好味。
呢個蛋糕係整比我先生嘅生日蛋糕，佢今年另外再收到2個蛋糕，都係伊XX嘅蛋糕，一個係朱古力蛋糕，我無食到。另一個係芒果鋪面嘅蛋糕，外表睇落都唔錯，但食落好差，蛋糕無味，無蛋味無甜味，好似就咁食麵粉咁，連啲忌廉都好難食。我未自己整蛋糕前，都成日買佢啲芝士蛋糕食，都幾好味架，今次都係第一次食佢嘅其他蛋糕，真係好失望。