芝麻蛋白蛋糕

芝麻蛋白蛋糕:(6吋模) 

材料: 沙拉油8克.  鮮奶22克.  糖35克.  低筋粉40克.  蛋白4個.  芝麻粉25克 

做法:
(1) 將蛋白加糖打至綿密企身，
(2) 分次加入已篩低筋粉及暖的奶和沙拉油再拌勻，拌勻入模後即可入烤箱。(3) 焗爐預熱160度烤焗約40分鐘。如用竹簽插入沒有粉黏著即可。倒扣放涼即可。

後記：第一次整蛋白蛋糕，因整燉蛋和腰果酥用剩4個蛋白，為有搵樣嘢係只用蛋白嚟整嘅蛋糕，可一次過用晒佢地。講真用全蛋整嘅蛋糕比只用蛋白係香好多嘅。同埋唔知係唔係將蛋白打發過度，蛋糕出嚟啲口感有啲un，不夠鬆軟，不過都唔係太差，食得落肚嘅。

餐肉/花生醬/果占包

餐肉包

花生醬包/果占包(右上)

餐肉/花生醬/果占包

材料：  高筋麵粉180g.   低筋麵粉20g.   吉士粉6g.  奶粉6g.  即溶酵母4g.   糖40g.   牛油20g.   蛋33g,   暖水90g.  

做法：
1.            預先將酵母用部分暖水浸10分鐘。將所有粉類、酵母、糖、蛋以及暖水攪勻，搓成一團。
2.           再 將牛油加入在粉團內，繼續搓至軟滑有彈性。

3.            麵團作第一次發酵約60分鐘，視當天溫度而定。

4.            將粉團分成8份，每份約47克，搓成小圓球，靜置10分鐘後。其中2份用手將圓球壓扁，將小麵團放在手中心，取1大匙果占於小粉團內，用手指抓起周圍，令到粉團接口緊貼。另2份輕輕壓扁後鋪上花生醬，將麵團對接覆蓋，在對接口界上幾刀即成。另4份輕輕壓扁，包上餐肉，將接口收好壓在底下。

5.            排好小麵團於烤盤上，用保鮮紙蓋好，讓其自然發酵至1倍大，大概1小時。在麵團上掃上蛋汁(分量外)。
6.            放入已預熱焗爐(180度)，焗12分鐘，即成。

後記：終於食晒啲蘿蔔糕喇，又可食返麵包。今次整咗三款麵包，最好食係餐肉包，其他兩款只是一般，果占包收口不太好，有部分漏咗出嚟及好甜。

腰果酥

腰果酥(食譜參考西式甜品一書)

材料： 牛油90克.   砂糖50克.   麵粉140克.   奶粉1湯匙.   腰果150克.   蛋黃2個

做法： 
1.            預熱焗爐150度

2.            腰果用滾水略浸5分鐘，盛起抺乾，放入焗爐以150度焗約10分鐘，90克碎成粉。

3.            牛油加入糖，打至奶白色呈忌廉狀，加入蛋黃1個拌勻。
4.            加入己篩勻的麵粉、奶粉、腰果碎，搓勻成粉糰，並分作2份，每份做成直徑2.5厘米的長條，放入冰格雪2小時。
5.            取出切成1/2厘米厚的餅塊，餅面掃上蛋黃，再放上腰果。
6.            放入預熱焗爐以150度焗約15-18分鐘，餅乾放在鐵綫架上待涼。

後記：諗著農曆新年整啲中式曲奇，但好奇怪，這款曲奇是在西式甜品一書入面。曲奇口感非常鬆脆，好好味。近來先發覺我個焗爐啲爐火好似越來越熱咁，書裏面其實係用180度焗20分鐘，但如我用150度焗20分鐘就己經會好燶。

豬肉乾

豬肉乾


材料 : 碎豬肉 400克
調味料 : 魚露 1湯匙.  老抽 3/4湯匙.  生抽 1湯匙.  酒 1湯匙.  糖 65克.  印尼花生辣椒醬50克.

做法 : 1. 將碎豬肉放入大碗內，然後加入調味料，用筷子將所有材料順一方向攪勻，直至起膠黏成一團. 
2. 把碎豬肉分二份，分別放在不黏烤布上，然後放一張保鮮紙在碎豬肉上，用棍在保鮮紙上來回轆過，把碎豬肉壓成一底約2分厚的肉餅.
3. 預熱焗爐至125度，焗20分鐘成肉乾，取出挾起放上網架，再焗25分鐘左右即可。
4. 把待冷後的豬肉乾剪成一片片。

後記：通常我整甜品和嘢食都是因為見到而想食，所以今次都唔例外，昨天行過見到珍香園(應無記錯)賣的豬肉乾好好味咁，但好貴，要成過佰元半公斤，所以即到超市買碎豬肉($6)回來整。今次碎豬肉比上次多90克，跟據上次經驗，所用調味料同上次大致一樣，只加多咗糖的份量和用咗第二種辣椒醬，這辣椒醬是一個印尼人自己調配的，好好味，不過都係未夠辣。比上次成品更好味。

燉蛋Creme brulee

燉蛋Creme brulee(食譜參考美味DIY)

材料：  鮮奶 125g.  淡忌廉 125g.  砂糖 28g.  蛋黃 2個

做法：

1)   忌廉加蛋拌勻         
2)   倒少許牛奶入(1)，並將餘下牛奶煮滖，加糖煮至溶

3)   將忌廉蛋奶液拌勻，倒熱奶分次加入

4)   將以上蛋液倒回煲內加熱

5)   把以上材料倒入杯中，放上焗爐，隔水以140度焗40-50分鐘即成。

後記：之前試整過一次，原食譜用180度焗，但成品太老不滑，好多泡泡，及太過甜(40g糖)。今次糖減至28g，但依然覺得過甜。爐火改為140度，焗咗40分鐘，依然有泡泡在燉蛋內，但滑過上次，不過出爐後內心重有小小未熟得晒。真係覺得好難控制火侯。

葱花及紅豆包

葱花及紅豆包(食譜參考Amigo”s點心工坊)

材料：  高筋麵粉180g.   低筋麵粉20g.   即溶酵母4g.   糖26g.   淡牛油20g.   蛋26g,   暖牛奶106g.   鹽1/5小匙.  罌粟籽少許.   紅豆茸72g  (葱花適量加小許鹽及油)

做法：
1.            預先將酵母用部分暖牛奶浸10分鐘。將所有粉類、酵母、糖、蛋以及暖的牛奶攪勻，搓成一團。
2.            將牛油搽加入在粉團內，繼續搓至軟滑有彈性。
3.            麵團作第一次發酵約60分鐘，視當天溫度而定。
4.            將粉團分成8份，每份約46克，搓成小圓球，靜置10分鐘後。其中4份用手將圓球壓扁，將小麵團放在手中心，取18克紅豆蓉於小粉團內，用手指抓起周圍，令到粉團接口緊貼。另4份再輕輕壓扁後，搓成小圓球。

5.            排好小麵團於烤盤上，用保鮮紙蓋好，讓其自然發酵至1倍大，大概1小時。在紅豆包麵團上掃上蛋汁(分量外)，用蛋汁沾濕圓形物體(我用量匙)頂部，然後上罌粟籽，輕輕按壓麵團上 。在葱花麵團上剪開成十字，掃上蛋汁再加上葱花。

6.            放入已預熱焗爐(180度)，焗12分鐘，即成。

後記：。今天是農曆年初一，本來應該食年糕及蘿蔔糕的，但因昨天已食咗一次，今天已不想咁快又食，所以都係食返麵包，麵包真係百食不厭。

芝麻瑞士卷

芝麻瑞士卷

蛋糕體:(烤盤為26cm乘21cm)
材料： 鮮奶20克.  低筋粉40克.  芝麻粉20克.  蛋2個.  蛋白1個(蛋共重132克).  砂糖45克.  發粉1/4茶匙
做法：

1.  烤箱預熱170度，烤盤鋪上鍚紙

2.  蛋加砂糖坐熱水打勻至40度及企身，將低筋粉、芝麻粉及暖的鮮奶加入攪拌勻。
3.  將麵糊倒入烤盤中，輕敲幾下後入焗爐170度約焗11分鐘，取出放在網架至涼透。
忌廉餡料： 淡忌廉80克.  糖粉10克. 
作法：
1.  淡忌廉加糖打至8成發待用
2.   將冷卻後的蛋糕片蓋上一張保鮮紙後翻起，除掉鍚紙。再將忌廉餡全部抺在蛋糕片上，塗抹均勻後，用保鮮紙包緊後放雪櫃雪凍即可。

後記：芝麻粉係將黑芝麻炒香後磨碎，方便和好用。今次蛋糕體完全無裂痕，可以話得上係成功嘅。其實我都唔知點解，每次的做法和份量都唔係太大分別，但有時成功，有時就會失敗。

心太軟

心太軟(食譜參考sina)

材料：   朱古力(53%) 50g.  淡牛油50g,  蛋1隻.  蛋黃1隻.  低筋粉25g.  糖20g
做法 :
1. 焗杯預先掃上牛油和麵粉(份量外)備用。全蛋、蛋黃加糖打致糖溶起泡。
2. 朱古力和牛油隔水煮溶，離火後，加入蛋漿，用手動打蛋器拌勻。
3. 麵粉分兩次再加入拌勻。
4. 將朱古力漿倒入杯內，稍為登平後放入雪櫃雪最小一小時。
5. 焗爐預熱180度，焗約12分鐘。見面成形即可。

後記：本來個心太軟係預備情人節食，但因晚餐太飽，為有留返今日先焗返嚟食，因今天開始放兩星期的農曆新年假啦。因知道這個心太軟焗的時間非常重要，見12分鐘即取出，驚焗得太過熟就變咗朱古力蛋糕。但倒出見蛋糕底重未結得晒，於是放回其中一個再焗多一陣，取出後睇嚟應該會可以，但等到倒出依然都係咁，無法啦。因未整過這食譜，所以試一試，其實都非常之漏，食一小個已經好夠，這份量可做2杯。

芒果糯米糍

芒果糯米糍 (食譜參考美味DIY)

材料：   澄麵粉20g.  糯米粉80g.  砂糖55g.  吉士粉10g.  水150ml..  芒果肉1個.   椰絲適量

做法：
1.            將糯米粉、澄麵粉、吉士粉及砂糖撈勻，慢慢注入清水，將材料溶解至沒有粒狀物，成為軟滑粉醬漿。將粉漿傾倒至鋼盤中蒸熟，約6分鐘。
2.            將粉團放涼，平均分約25g一份，約12份。
3.            用乾椰絲黏滿糯米糍皮表面，壓扁包入芒果肉，搓成球形。

後記：原食譜材料中用奶粉，我用吉士粉代替，我貪吉士粉顔色會靚啲和香啲。我覺最難部份是包餡，很難做得個皮薄啲和埋口都做得不靚。這糯米糍皮口感好軟孰，甜度剛好。放雪櫃一晚雖然稍為變得硬小小，但是可接受的。

芝士火腿包

芝士火腿包

材料：  高筋麵粉160g.   低筋麵粉40g.   即溶酵母4g.   糖40g.   牛油20g.   蛋30g,   水90g.  芝士2片(切碎).  火腿2片(切碎)

做法：

1.            預先將酵母用部分暖水浸10分鐘。將所有粉類、酵母、糖、蛋以及暖水攪勻，搓成一團。

2.            將牛油搽加入在粉團內，繼續搓至軟滑有彈性。

3.            麵團作第一次發酵約60分鐘，視當天溫度而定。
4.            將粉團分成8份，每份約50克，搓成小圓球，靜置10分鐘後。用手將圓球壓扁，將小麵團放在手中心，將芝士碎和火腿碎放於小粉團上，用手將粉團捲起，再用手指壓實粉團邊圍，令到粉團接口緊貼。

5.            排好小麵團於烤盤上，用保鮮紙蓋好，讓其自然發酵至1倍大，大概1小時，用刀在包面界上2刀，掃上蛋汁(分量外)， 。

6.                           放入已預熱焗爐(180度)，焗12分鐘，即成。

後記：今次都係晚上做好放於雪櫃，第二朝取出再發酵。但好似重差小小，未夠時間等佢發酵夠就放焗爐，好似無上次咁鬆。今次份量比上次多小小，可做到8小個，食唔晒，剛剛媽媽到訪，比佢試咗一個，佢都話幾好味。

芒果卷

芒果卷

蛋糕體:(烤盤為26cm乘21cm)
材料： 鮮奶20克.  低筋粉60克.  蛋150克.  砂糖50克.  發粉1/4茶匙
做法：

1.         烤箱預熱170度，烤盤鋪上鍚紙

2.     蛋加砂糖坐熱水打勻至40度及企身，將低筋粉及暖的鮮奶加入攪拌勻。
3.    將麵糊倒入烤盤中，輕敲幾下後入焗爐170度約焗11分鐘，取出放在網架至涼透。
忌廉餡料： 淡忌廉100克.  糖粉10克.  芒果肉適量
作法：
1.  淡忌廉加糖打至8成發待用.
2.   將冷卻後的蛋糕片蓋上一張烘焙紙後翻起，除掉鍚紙。再將忌廉餡全部抺在蛋糕片上，塗抹均勻後，再鋪上芒果肉捲起，用烘焙紙包緊後放雪櫃雪凍即可。

後記：芒果係我至愛，做蛋糕甜品係最好味。今次無跟任何食譜，諗著都是差不多份量，好彩出嚟效果都唔錯，只係蛋糕體表面重有小小裂痕，口感都好軟孰。我自己一個人都食咗半條有多。

紅豆餡麵包

紅豆餡麵包(食譜參考為食貓)

材料：  高筋麵粉140g.   低筋麵粉35g.   即溶酵母3g.   糖30g.   牛油14g.   蛋30g,   暖牛奶60 至70亳升.   罌粟籽少許.   紅豆茸150g

做法：

1.            預先將酵母用部分暖牛奶浸10分鐘。將所有粉類、酵母、糖、蛋以及暖的牛奶攪勻，搓成一團。
2.            將牛油搽加入在粉團內，繼續搓至軟滑有彈性。
3.            麵團作第一次發酵約60分鐘，視當天溫度而定。
4.            將粉團分成6份，每份約55克，搓成小圓球，靜置10分鐘後。用手將圓球壓扁，將小麵團放在手中心，取25克紅豆蓉於小粉團內，用手指抓起周圍，令到粉團接口緊貼。
5.            排好小麵團於烤盤上，用保鮮紙蓋好，讓其自然發酵至1倍大，大概1小時，掃上蛋汁(分量外)，用蛋汁沾濕圓形物體(我用量匙)頂部，然後上罌粟籽，輕輕按壓麵團上 。
6.            放入已預熱焗爐(180度)，焗11分鐘，即成。

後記：好耐無整過麵包啦，因上次個仔返來放暑假時整比佢食，佢個評語係麻麻地，所以當堂將整麵包的熱誠降溫。直到最近比我睇到一個教人整麵包的video後，又令我再度提起興趣。個麵包係夜晚整定，做形後放雪櫃一晚，第二朝早取出，完成埋後半部份程序。咁早餐就有新鮮出爐嘅麵包食啦。今次老公重話：「咦，今次幾好味喎，好軟孰。」嘩當堂開心得我丫。

第一次發酵完成

靜置完後

剛入爐

出爐啦