南乳吊燒雞

南乳吊燒雞

有興趣整的網友請click入這裡(食譜參考

韋太烹飪教室)

後記：醃料和做法，大致上都依足原食譜，我只係上皮料改用蜜糖和雙蒸酒，因唔想要另外再買。原食譜用200度焗，我用200度焗到20分鐘後，見雞已幾燶，便改為185度焗多15分鐘至插入竹枝無血水為止。要注意嘅係，焗雞時原來會有好多油滴出來，最好要預備定一隻錫紙盤放在雞下。隻雞都好夠味但唔知係唔係我等佢無咁熱先攞出嚟，大約30分鐘有多，嗰皮一啲都唔脆。

法式蘋果批

法式蘋果批(6"模)

撻皮材料﹕ 牛油3０ｇ.  麵粉6０ｇ.  砂糖 3０ｇ.  蛋黃1個

餡料： 蘋果2個.  牛油1湯匙.  砂糖2０ｇ.  檸檬汁１/2湯匙.   黃梅醬1湯匙

批面材料﹕ 蘋果1個.  砂糖1湯匙.   檸檬汁1茶匙.   黃梅醬1湯匙

撻皮做法：
１.  麵粉放於大碗中，中間開穴，將牛油、糖放於中央 ２.  用手將所有材料混合成麵包糠狀後，加蛋黃搓成圓球，然後冷藏１小時 ３.  將撻皮粉糰搓薄，放上批模上，用叉剌孔，再冷藏片刻 ４.  放入預熱焗爐底層，以１８０Ｃ焗２０分鐘，取出

蘋果餡做法：
１.  蘋果去皮去心，切粒，
２.  燒熱牛油，放入蘋果粒，慢火煮至軟身後，攪爛成茸 ３.  加入糖、檸檬汁、黃梅醬，用中大火煮至水分收乾 ４.  盛起蘋果茸，放入批盤內
蘋果批面做法：
１.  蘋果２個去皮去心，切薄片 ２.  排放上蘋果茸上，掃上檸檬汁及洒上糖 ３.  置入己預熱焗爐中層，以１８０Ｃ焗２０分鐘至金黃色，最後掃上黃梅醬

後記：這個法式蘋果批餡料部份比較甜，20g砂糖太多，可能因我不是用青蘋果。我用嘅係細細個紅紅地青青地個啲。同埋我放面的蘋果片切得唔夠薄，出嚟效果麻麻，唔夠貼。切好蘋果片後應放中層再焗，但我放在底層10分鐘後見蘋果冇著色才改放中層。除咗比較甜外，個批都好好味，一出爐巳被我和我先生食晒。

聖誕樹頭朱古力蛋糕

聖誕樹頭朱古力蛋糕(食譜參考點心達人輕鬆學 - 小川智美著)

蛋糕體(模26” x 21”)：

材料：   低筋麵粉63g.    可可粉8g.    蛋3個.   砂糖60g.    牛奶25g

做法：

1.          烤箱預熱180度，烤盤鋪上鍚紙。低筋粉和可可粉預先篩好備用。

2.          蛋加砂糖坐熱水打勻至企身，將低筋粉、可可粉及奶加入攪拌勻。 
3.          將麵糊倒入烤盤中，輕敲幾下後入焗爐180度約焗12分鐘，取出放在網架至涼透。

忌廉餡料： 淡忌廉250克.  朱古力70克 

做法：

1.          淡忌廉加朱古力坐熱水加熱至溶解，朱古力溶解後，將容器抵在冰水裡，用手提攪拌器起泡到八分。

2.          將海綿蛋糕的紙撕掉後，切成細長的3等份，在表面塗抺半量的朱古力餡。首先將1片捲起來再豎立著，接著繼續捲其餘的海綿蛋糕。剩餘的奶油就用來塗抺在側面，呈現如樹墩的圍邊，最後可放上聖誕裝飾或生果。

後記： 相信這是最易整嘅聖誕節蛋糕，因聖誕節都要返工，所以為有之前整咗嚟應節。原食譜朱古力粉的份量比例應為12g，但到整先發現用剩得8g，好彩都夠朱古力味。忌廉餡嘅淡忌廉和朱古力份量可減至220g和60g，因整完個蛋糕重有剩。這本書重有教整瑞士卷在入爐前可噴水在蛋糕面及出爐後將蛋糕連紙放膠袋至涼，可保蛋糕濕潤，無咁易爆裂。原來淡忌廉加熱後都可再打返起，出嚟嘅效果係比較有張力添，唔知係唔係因為有朱古力的原因，加其他材料會唔會有同樣效果呢。

蜜桃蛋糕

蜜桃蛋糕(16cm x 16cm)(食譜參考意大利的心靈湯)


材料： 低筋粉 30 克.   粟粉 20克.   蛋 3只.    糖 50克.    淡忌廉 50克.    牛油30克.    罐頭蜜桃2塊及一塊切碎

做法﹕

1.           焗爐預熱170度，粉類篩好備用。

2.          蛋白和30克糖打至企身，蛋黃20克加糖伴混，再將兩者混合好後再拌入粉類。

3.          牛油和淡忌廉格水加熱至溶再加進麵糊，最後落切碎蜜桃拌勻入模，
4.          170度焗至蛋糕面開始有小小轉色(約12分鐘)，可放切片蜜桃在面，全程焗約50分鐘至全熟。

後記：  蛋糕圖片上排是在蛋糕焗約8分鐘時放蜜桃片，但當放到第三塊蜜桃片時，蜜桃片沉咗落去，可能切得太大舊太重，蛋糕的表面唔夠承托力。所以等再焗多大約4分鐘，先再放其餘3塊。我原先預計整完會係好似切開單一嗰塊咁，靚靚仔仔，但事實永遠都同理想不同。不過都好彩有一塊比較似樣。這蛋糕不建議落切碎的蜜桃在內，因蜜桃出水，整到蛋糕有蜜桃的部份比較濕。同埋這蛋糕係雪凍好食過焗好即食。

日式綠茶芝士蛋糕

日式綠茶芝士蛋糕(6吋模)

材料： 忌廉芝士95克.  雞蛋(分蛋)3隻.  淡忌廉75克.  糖40克.  低根粉20克.  粟粉10克.  綠茶粉10克

做法：

1.          焗爐預熱165度，預先在爐內放入網架及有水的焗盆在爐內，粉類過篩備用
2.          將芝士和淡忌廉坐熱水攪匀，至冇粒粒，完全溶解。

3.          離開熱水後分3次加入蛋黃拌勻，再篩入粉類拌匀。

4.          將蛋白分3次加入糖打至企身。將1/3蛋白加入麵糊中拌匀，再加入其餘蛋白拌匀，放上網架入爐。

5.          入爐後等蛋糕面微色，轉150度焗，全程焗約1個鐘。

後記：今次是外觀最靚的一次，蛋糕面無爆開(不過燶咗小小)，因今次打蛋白無打至10成，只打到蛋白尖重微微向下。雖然個面無爆開，但就成個蓋在側面裂開再升起，所以冷卻後睇唔出。口感就無將蛋白打到十成咁鬆軟。係唔係永遠無兩全其美呢，可做到又靚又鬆軟又唔爆。我相信應該只係的我技術未夠。比較原味和綠茶味，我喜歡原味多啲，因覺得這芝士蛋糕好似無乜芝士味。蛋糕面亦比較濃，應在後期加上鍚紙蓋一蓋。

失敗的朱古力瑞士卷

失敗的朱古力瑞士卷

蛋糕體:(烤盤為28cm乘24cm)
材料： 低筋粉30克.  可可粉12克.  蛋2個.  蛋黃1個.  砂糖40克.  沙律油20克 

做法：

1.           烤箱預熱170度，烤盤鋪上鍚紙。低筋粉和可可粉預先篩好備用。

2.           蛋加砂糖坐熱水打勻至企身，將低筋粉、可可粉及油加入攪拌勻。

3.           將麵糊倒入烤盤中，輕敲幾下後入焗爐170度約焗12分鐘，取出放在網架至涼透。

忌廉餡料： 淡忌廉80克.   糖粉12克. 

做法：

1.  淡忌廉加糖打至企身待用.
2.   將冷卻後的蛋糕片蓋上一張烘焙紙後翻起，除掉鍚紙。再將忌廉餡全部抺在蛋糕片上，塗抹均勻後灑上提子乾捲起，用烘焙紙包緊後放雪櫃雪凍即可。

後記： 今次整呢個朱古力瑞士卷好失敗，落粉時已覺得啲泡消失得好快，所以倒落焗盤時都唔咁dun啲泡出嚟，所以焗完出嚟變到好多豆皮粒粒係面。同埋應該焗過咗火，蛋糕放涼後側邊位變得比較脆和乾。相信這個份量應焗10分鐘就可以。捲時見到個蛋糕咁裂曬都無心機整，真係整得好醜樣。

好多豆皮粒粒係面

核桃豆沙包

核桃豆沙包(食譜來自東洋點心DIY)

材料： 

A.        (蛋黃1個、細砂糖26克)
B.  (蛋白1個、細砂糖40克)、蘇打粉2克、水2/3小杯(7.5ml)、低筋麵粉130克、紅豆粒餡250克、蛋黃汁(蛋黃1個、味醂5cc)、核桃11個

做法：
1.  把A混勻呈現檸檬色。再把B打發起泡到呈乳白色加入於A，又加以用份量水溶解過的蘇打粉，拌勻。
2.  篩入低筋麵粉，拌勻後蓋上保鮮紙放進雪櫃雪1小時。在沾粉(我用低粉)上放適當分出11份(每份約20克)。每份包入1個22克的紅豆餡丸。
3.        排入烤盤，抺上蛋黃汁，上面壓入已洪烤過核桃，再放進預熱180度的焗爐焗15分鐘。

紅豆餡(參考CL的手創點心坊)

材料:
紅豆200克.  細砂糖100克.  牛油10克.

做法:
1. 紅豆(預先浸過夜)洗淨煮至熟軟後。
2. 牛油入鍋中加熱至溶，加入紅豆與糖攪拌均勻.
3. 煮至稍收乾成黏性即可! (在煮的過程中要不停的攪拌)

後記：這個便是上次整錯咗冒牌銅鑼燒的真身。上次因食譜寫水的份量為2/3小杯，睇曬全本書都找不到一小杯即幾多份量，咪以為2/3量杯，但整出嚟係太稀。所以今次我參考本書其餘食譜，水加蘇打粉的份量，都係靠估，但都可以成形。原食譜麵糰的份量可整到20個，豆沙餡要600克，每個餡30克。但我試過用15克粉糰包22克豆沙餡，免強都包到，但個皮好薄，一壓粒核桃落去就好易爆。所以都係用多啲粉糰包小啲餡。原本個包應該再壓扁啲。另外要留意就係，個粉糰整形時好黏手，要預備多啲手粉。蛋黃汁要用味醂，我無，所以用咗3cc水加幾滴白醋。這個核桃豆沙包，一整出嚟放涼一陣，我就食咗3個，個皮重脆脆地好好味。這個日式的甜品同之前整的甜品真是完全不同風味。

蜜桃生日蛋糕

蜜桃生日蛋糕

戚風蛋糕:(6吋模) 

材料: 沙拉油32克.  鮮奶36克.  糖60克.  低筋粉65克.  蛋3個
做法:
(1) 將蛋加入糖坐暖水打至綿密，
(2) 分次加入低筋粉及暖的奶和沙拉油再拌勻，拌勻入模後即可入烤箱。
(3) 焗爐預熱170度烤焗10分鐘後見蛋糕面開始轉色，可將溫度轉至160度，總共大約焗25分鐘。如用竹簽插入沒有粉黏著即可。倒扣放涼後可切開兩半備用。

忌廉餡：淡忌廉150克.  15克糖粉.  罐頭蜜桃半個切粒

淡忌廉加糖粉打至9成企身放雪櫃備用

組合：在兩片切開的蛋糕面都抺上忌廉，然後在其中一塊放上蜜桃粒，再將兩塊合埋。將其餘的忌廉塗抹在蛋糕面及四周至均勻即可。最後唧花和鋪上蜜桃。

後記：今日係我先生的生日，所以特別整咗呢個蜜桃生日蛋糕同佢慶祝，喻意我地永遠都咁甜甜蜜蜜。
我係度祝佢生日快樂、身體健康和事事順利。第一次整塗忌廉的蛋糕，真係有一定的困難，蛋糕切開後有好多蛋糕碎，當塗抹時，忌廉和蛋糕碎黏埋一齊，全部忌廉都布滿蛋糕碎。都唔似睇人整咁，忌廉真係只有忌廉，好乾淨咁。同埋因我無塗忌廉用旳抺刀，只係用切嘢的刀，所以整得麻麻，不過誠意搭夠啦。150克淡忌廉剛剛好薄薄塗滿一個6吋蛋糕。今次整戚風蛋糕本來是用分蛋法，但點知打蛋時整爛咗啲蛋黃，咁就試吓用全蛋法來整戚風，咁重算唔算係戚風呢。全蛋法有一個好處就係個面好靚，無爆開。因星期日都要返工，所以這蛋糕是星期六晚整定放雪櫃，好彩星期日返工前攞出嚟睇，個蛋糕個形重係到，幾驚啲忌廉溶曬。蜜桃就等食之前先放。

剛剛舖好，忌廉度好多蛋糕碎。

唧完花，睇落靚咗啲。

冒牌銅鑼燒

冒牌銅鑼燒

本來係整第二樣嘢，但食譜裏面水的份量有唔清楚的地方，卒之出嚟變咗太稀要煎，為有當銅鑼燒食囉。但味道都ok架。遲幾日會再試整原本想整的東東。