草梅蛋糕

草梅蛋糕

戚風蛋糕:(6吋模)

材料: 沙拉油24克.  鮮奶36克.  糖55克.  低筋粉65克.  蛋3個.  泡打粉1/4茶匙

做法:
(1) 將蛋加入糖坐暖水打至綿密，
(2) 分次加入粉類及暖的奶和沙拉油再拌勻，拌勻入模後即可入烤箱。

(3) 焗爐預熱170度烤焗10分鐘後見蛋糕面開始轉色，可將溫度轉至160度，總共大約焗30分鐘。如用竹簽插入沒有粉黏著即可。倒扣放涼後可切開兩半備用。

忌廉：淡忌廉180克加糖粉20g打至8成企身放雪櫃備用

草梅醬：草梅100g打爛加20g糖及小許檸檬汁攪勻

組合：將蛋糕切開兩片，在其中一片塗上草梅醬後放上切片的草梅，再塗上忌廉，再蓋上已塗草梅醬的另一片蛋糕片。將其餘的忌廉塗抹在蛋糕面及四周至均勻即可。最後在側面貼上杏仁片和放上草梅做裝飾。

後記：這個蛋糕係做嚟作結緍週年紀念的，諗咗一輪，好似從未做過草梅蛋糕，芒果蛋糕就整得多，咁就試吓啦，其實變化都不太，只係用唔同的生果，顏色出嚟都幾靚，味道都唔錯。貼上杏仁片係嚟遮醜的，因忌廉抺得很醜，不過加上杏仁片又幾好味。不經不覺結咗緍已經咁多年，真係雙手雙腳都數唔晒。

豆沙包

豆沙包(食譜參考麵麵俱到一書)

發麵材料：   低筋麵粉24g.   中筋麵粉96g(低筋48g+高筋48g).     泡打粉1.2g.    黃豆粉2.4g(我無用).    糖12g.    速溶酵母2g.    水64g(牛奶70g).    豬油2.4g(煮食油3g)

做法：
1. 將麵粉放容器內，其餘材料放在中間，慢慢加入牛奶，攪拌至乳化均勻。
2. 再將麵粉揉成糰，醒10分鐘。
3. 再將發麵揉至光滑便可使用。

4. 將發麵麵糰分成8份約25g一份，將一份的麵糰壓扁加入20g紅豆餡，收口係底，放在牛油紙上。

5. 放入蒸籠內，再發酵30-60分鐘(30分鐘)。
6. 鍋內水滾後放上蒸籠，以中小火蒸8-12分鐘(今次因中途個火熄咗，所以唔知確實蒸咗幾耐)。

後記：今次好開心，成品個樣都唔錯，雖然個火中途熄咗再蒸，但出嚟都無縐皮。上次縐皮的真正原因我都唔肯定，可能發酵太耐或太大火嚟蒸，所以今次發酵時間縮短咗及用返中小火嚟蒸。之前將麵糰分10分，好迫，因個蒸盤太細，所以今次分8個份就剛剛好。

駭人的紅豆包

嘩！駭人的紅豆包(食譜參考麵麵俱到一書)

發麵材料：   低筋麵粉24g.   中筋麵粉96g(低筋48g+高筋48g).     泡打粉1.2g.    黃豆粉2.4g(我無用).    糖12g.    速溶酵母2g.    水64g(68g).    豬油2.4g(煮食油3g)

做法：
1. 將麵粉放容器內，其餘材料放在中間，慢慢加入水，攪拌至乳化均勻。
2. 再將麵粉揉成糰，醒10分鐘。

3. 再將發麵揉至光滑便可使用。

4. 將發麵麵糰分成10份約20g一份，將一份的麵糰壓扁加入15g紅豆餡，收口係底，放在牛油紙上。
5. 放入蒸籠內，再發酵30-60分鐘(45分鐘)。
6. 鍋內水滾後放上蒸籠，以中小火蒸8-12分鐘(今次我用中大火蒸9分後焗1分鐘才開蓋)。

後記：諗著上次整過雙色饅頭後，都ok喎，但今次改咗小小嘢就失敗喇。材料方面落多咗4g水，麵糰搓落比較黏手，相信這個都不是主要問題所在，而係蒸時的火候大小問題，上次用中小火蒸就好地地，今次開大咗啲就出事喇。臨熄火時見到啲包重好好地，脹卜卜，但開蓋就即刻縮晒縐晒皮，好醜樣。其實書入面都有講，中筋粉係要用中小火蒸就得。低筋粉就要用大火蒸，咁先唔會黏牙。同埋開蓋太快，會令到溫度驟降，表面收縮得太快，就會縐皮。今次都無落黃豆粉，去咗幾間雜貨舖都無得賣，不過從其他書知道黃豆粉係用炒過的黃豆磨成粉就得，落黃豆粉或檸檬汁可令到麵糰出嚟比較白。這紅豆包雖然醜樣但都好味。會下次再試。

剛剛包好紅豆餡

發酵完代入爐，都重好地地

日式芝士蛋糕

日式芝士蛋糕(6吋模)


材料：  忌廉芝士95克.  雞蛋(分蛋)3隻.  淡忌廉78克.  糖40克.  低筋粉12克.  粟粉12克

做法：
1) 將芝士和淡忌廉坐熱水攪溶至冇粒粒，完全溶解。
2) 離開熱水後分3次加入蛋黃攪勻，再篩入粉類拌勻。
3) 將蛋白分3 次加入糖打發至杰身約6成，將1/3蛋白加入麵糊中拌勻，再加入其餘蛋白拌勻。
4) 放入已預熱140度的焗爐(預先在爐內放入網架及有水的焗盆)，焗約10分鐘即蓋上鍚紙，免蛋糕面太燶，全程焗約1小時15分鐘。

後記：得到上幾次整日式芝士蛋糕的經驗後，今次都算最靚的一次。今次蛋白只打到杰身，重可流動的狀態，用低過上次的溫度去焗，蛋糕面無爆開及無燶。不過焗咗1個鐘後，用竹籤插入重有小小黏著，便再用150度焗多15分鐘。出嚟口感非常鬆軟，不過底部有小小沉底，未夠完美。

在焗爐中發得幾高

取出後自動收縮

好味

火腿包

火腿包

材料：  高筋麵粉130g.   低筋麵粉20g.   即溶酵母3g.   糖20g.   淡牛油15g.   蛋35g,   暖牛奶62g.   鹽1/5小匙.  老麵50g.   火腿片數塊

做法：
1.     老麵先在暖奶中浸一會備用。將所有粉類、酵母、糖、蛋、老麵以及暖的牛奶攪勻，搓成一團。

2.     將牛油加入在粉團內，繼續搓至軟滑有彈性。

3.     麵團作第一次發酵約60分鐘，視當天溫度而定。

4.     將粉團分成6份，每份約55克，搓成小圓球，靜置10分鐘後。麵糰擀成正方形，鋪上火腿片在上面，然後捲起來成長條形。在上面切3刀，但不可切斷，將睇見火腿的一面轉向上，將最前一段撘在最後的一段上的切口位即可。
5.     排好麵團於烤盤上，用保鮮紙蓋好，讓其自然發酵至1倍大。在麵團上掃上蛋汁(分量外)，
6.    放入已預熱焗爐(180度)，焗12分鐘，即成。

後記：經過上次整雙色鏝頭後才知我的酵母是不用預先浸都一樣效果，所以今次就咁直接加在材料中，省郤浸酵母這一部份。本來睇見網友的麵包整形係切4刀，可做成好像一朵花的形狀，但我整出來的效果好像異形，所以為有切3刀，做得比較簡簡單單就算。這麵包加咗沙津醬好食好多架，放咗才焗和之後才加分別不太，都好味。

切4刀的做形好像異形

Coffee Biscotti

Coffee Biscotti(食譜參考妹雅網絡日誌)


材料：  牛油 50g .  砂糖 90g.  蛋 2個.  杏仁粉 50g . 即溶咖啡粉5g加15g熱水.  核桃 50g.  低筋 230g

做法： 

1.   牛油加入糖，打至奶白色呈忌廉狀，蛋黃分次加入拌勻，再加己溶咖啡溶液拌勻。
2.   先加杏仁粉再加入己篩勻的麵粉及核桃，搓勻成粉糰，並分作4份，每份做成直徑約2厘米的長條，放入雪櫃雪2小時。

3.   放預熱150度的焗爐焗20分鐘，取出切成1/2厘米厚的餅塊，再放回150度焗10分鐘，翻面再焗10分即可，餅乾放在鐵綫架上待涼。

後記： 麵團第一次焗時焗20分鐘即可，原食譜用175度焗，我用150度焗爐咗20分鐘時睇過，唔知得唔得，因度數唔同，再焗多5分鐘即見裂痕出現。這餅口感比較硬，不過用來作下午茶點是不錯的選擇，因不太甜和有果仁的香味，咖啡可再加多些，不太食出咖啡的味道。

紅豆餡瑞士捲

紅豆餡瑞士捲

蛋糕體:(烤盤為26cm乘21cm)
材料： 鮮奶33克.  沙拉油7克.  低筋粉40克.  蛋2個.   砂糖35克.   發粉1.5克
做法：

1.  烤箱預熱180度，烤盤鋪上鍚紙

2.  蛋加砂糖坐熱水打勻至40度及企身，將低筋粉先加，輕力拌勻，再放暖的鮮奶和油攪拌勻。
3.   將麵糊倒入烤盤中，輕敲幾下後入焗爐180度約焗11分鐘，取出放在網架至涼透。

紅豆忌廉餡料： 淡忌廉80克.   甜紅豆蓉約60克
作法：
1.   淡忌廉打至8成發，加入紅豆蓉拌勻
2.   將冷卻後的蛋糕片蓋上一張烘焙紙後翻起，除掉鍚紙。再將忌廉餡全部抺在蛋糕片上，塗抹均勻後，用烘焙紙包緊放雪櫃雪凍即可。

後記：喜歡整蛋糕和甜品，但通常都係自己和先生食晒，又驚食得太多糖份，所以蛋糕的糖越落越少。蛋糕出嚟係比較無咁甜。其實蛋糕體的發粉可唔落，我都係比較喜愛有啲口感的蛋糕，太鬆的蛋糕會覺得怪怪地。

椰絲包

椰絲包

材料：  高筋麵粉130g.   低筋麵粉20g.   即溶酵母3g.   糖20g.   淡牛油15g.   蛋23g,   暖牛奶75g.   鹽1/5小匙.  老麵50g

做法：

1.     預先將酵母用部分暖牛奶浸10分鐘。將所有粉類、酵母、糖、蛋、老麵以及暖的牛奶攪勻，搓成一團。

2.     將牛油搽加入在粉團內，繼續搓至軟滑有彈性。

3.     麵團作第一次發酵約60分鐘，視當天溫度而定。

4.     將粉團分成8份，每份約40克，搓成小圓球，靜置10分鐘後。麵糰擀成楕圓形，餡塗在上面捲起來。中間切一刀口，把一端從刀口中拉出來
5.     排好小麵團於烤盤上，用保鮮紙蓋好，讓其自然發酵至1倍大。在麵團上掃上蛋汁(分量外)，

6.    放入已預熱焗爐(180度)，焗12分鐘，即成。

餡料：   軟化奶油15g.  砂糖35g.  蛋半個.  椰絲40g.

做法：
餡料一起攪拌，分成8份

後記：通常每次做麵包的份量都在200g內(只計麵粉的重量)，就剛剛好一盤，可能今次做形關係，有啲迫爆。今次口感比較un，唔係咪焗耐咗啲，因覺得椰絲包應燶小小先似樣。

第一次發酵完

分成8份代靜置

做形

預備入爐

貓舌餅

貓舌餅(食譜參考A-moon)

材料： 牛油60g.  糖粉42g  蛋白60g.  低粉50g

做法
1.  牛油預先放軟，將2/3糖粉分三次加入，充分打發
2.  另碗將1/2蛋白打至起粗泡，逐少加入(1)，用打蛋拂拌勻
3.  另碗將餘下的蛋白和糖粉充分打發至企身綿滑的蛋白霜
4.  將一半的(3)蛋白霜加入(2)拌勻

5.  將餘下的蛋白霜和低粉相隔咁加入(4)拌勻
6.  將(5)放入唧筒，在焗盤上，隔開唧成一條條7.  放入預熱125度的焗爐，焗約25分鐘至餅心金黃及餅邊啡色即可

8.  取出在鐵網上待涼

後記：睇見網友A-moon的貓舌餅整得好靚，咁arm又係用蛋白(因重未用完上次嗰啲)，所以一試。這食譜有啲和之前整嘅杏仁薄脆類似。第一盤用125度焗至變薄後轉150度焗，但好快邊邊變焦，出爐後，側邊脆，但中間還有小小淋，所以之後的全用125度焗到透。用唧嘴唧出時見到好似成條唧出牙膏咁，便諗著加上杏仁片壓扁佢，好攪笑，原來佢放入焗爐後會自己變薄嘅。所以我啲貓舌餅會有杏仁片。這焗爐附送的焗盤認真唔好用，因它的中心是有一部分凸出，令到比較稀的材料會流到一邊。圖片是第一盤的出品，之後要翻焗。  

墨西哥包

墨西哥包

材料：  高筋麵粉130g.   低筋麵粉20g.   即溶酵母3g.   糖25g.   牛油15g.   蛋25g,   水70亳升.   老麵50g.

做法：

1.            預先將酵母用暖水浸10分鐘。將所有粉類、酵母、糖、蛋、老麵(整細份)以及暖水攪勻，搓成一團。

2.            將牛油加入在粉團內，繼續搓至軟滑有彈性。
3.            麵團作第一次發酵約60分鐘，視當天溫度而定。
4.            將粉團分成8份，每份約40克，搓成小圓球，靜置10分鐘後。用手將圓球壓扁，將小麵團再整成圓形收口係底，輕輕壓扁。
5.            排好小麵團於烤盤上，用保鮮紙蓋好，讓其自然發酵至1倍大，大概1小時，將墨西哥餡料唧在麵團上。
6.             放入已預熱焗爐(180度)，焗11分鐘即成。

墨西哥餡料：低筋麵粉40g.  牛油40g.  糖30g.  蛋23g

做法：
1.       將牛油隔水坐溶加入糖攪勻 。
2.        加入蛋拌勻再加已過篩之麵粉， 攪拌均勻即可。

3.        將皮料放入唧筒，在麵團上以順時針方式繞圈唧上。

後記：這麵包是應老公要求而做，因他話好似好耐無食過墨西哥包。重好，我唔使諗要整啲乜包。這個墨西哥餡料整完都係有多咗出嚟，不過我應該可唧厚啲，因我用咗個細唧嘴，變咗薄薄一層，我相信餡料厚啲重好味，出爐時個墨西哥皮係脆嘅，好好味。

(原本仲有好幾幅圖，但己變做同一幅)

中式蛋白燉奶

中式蛋白燉奶


材料：  蛋白80g.   糖15g.   奶200g

做法：
1.  蛋白加糖打勻至糖溶
2.  再加奶攪勻，平均分於2隻碗後，水滾才放在蒸架上
3.  慢火蒸約15分鐘，熄火後焗一陣即可

後記：整芒果雪糕用剩5隻蛋白，所以諗吓有乜嘢好整，咁就不如整好耐無食嘅中式燉蛋啦，不過只用蛋白。平時通常一隻蛋可整2碗，咁啲燉奶先會軟滑啲，但今次諗著快啲用晒啲蛋白，咁就用多咗，啲燉奶變咗實咗啲，同埋因無落薑汁，覺得無咁好味。下次都係唔好求求其其，要諗過度過先好整。

芒果雪糕

芒果雪糕(食譜參考Chef's Recipe)

材料：  全脂奶500ml.  砂糖90g(70g).  蛋黃5隻.   重忌廉(淡忌廉) 250ml.  芒果茸500g(400g)

做法：

1. 將蛋黃及砂糖入打散至奶黃色
2. 將全脂奶放入鍋中煮至微杰，把一半奶倒入蛋黃糊中拌勻後，倒入與鍋內的全脂奶混合並不停攪拌，已慢火煮至杰身(這部份我煮到起泡都未能杰身)
3. 熄火，將淡忌廉倒入已杰身的奶以打蛋器攪拌，再倒入芒果果茸拌勻
4. 將雪糕溶液倒入鋼盆，放入冰格雪30分鐘後，取出用打蛋器攪拌，再放回冰格雪30分鐘後，再取出用打蛋器攪拌，重複此步驟7次後，便可放在冰格雪5-6小時即成。

後記： 又係因時間關係，我晚上9:00開始放冰格，每半小時取出攪拌，至半夜2:00時為止，但因太夜喇要瞓覺，睇雪糕應還要再攪多幾次才可。個人認為最初第一和二次最好冰45分鐘比較適合，30分鐘雪糕還沒有太多部分結冰。雪糕雖然和想像中有小小出入，可能因攪拌不夠，不能用匙筆出嚟，(有食譜話可先放在雪格中二十分鐘才筆出就比較易)只能用义抓鬆取出，但味道唔錯。可能我不是用重忌廉，所以奶香味重差小小，下次或可改改奶和淡忌廉的比例。(紅色是我用的份量)