蘋果批 (18 cm)
材料：
批皮： 牛油 150g. 低筋麵粉 240g. 砂糖70g. 蛋 40g.
做法：
1. 牛油和低粉，輕輕用手指搓至麵包糠狀，再加入糖拌勻。倒入蛋醬，稍微拌至呈團狀即可，不要過度攪拌。
2. 覆蓋保鮮紙，放進雪櫃雪至少1個鐘至完全冰涼。
3. 取出麵糰，稍為按壓，分成2份，桿成圓形薄片，放進派盤，整理服貼之後。用叉子在批皮上刺孔，另一張麵皮也桿成一樣大小。
4. 將放涼後的餡料倒入批盤裡鋪平，蓋上另一張批皮，將多出來的批皮切去。在蓋好的批皮中刺孔，然後用叉子在批皮邊緣壓出紋路。
5. 小量蛋漿加水拌勻，掃在批皮上。
6. 放已預熱180度的焗爐底層焗30分鐘。至表面金黃色，取出脫模放回焗爐只用底火150度再焗10分鐘，便可取出放在網架上待涼。
蘋果餡材料： 蘋果3顆切粒. 砂糖 80g. 粟粉 1小匙. 肉桂粉1小匙. 牛油30g. 檸檬汁半個
做法：煲內放入蘋果粒，混合砂糖、粟粉及牛油拌勻，煑至蘋果淋身，最後將肉桂粉和檸檬汁倒入拌勻即可放涼備用。
後記：
今次餡料用咗3個蘋果，份量剛好，不過自己稍覺甜咗啲，但個仔話OK。焗批自己通常都會將焗好的批脫模後再放回焗爐用底火焗多一陣，可令成個批皮都咁鬆脆。
火腿芝士及咸牛肉芝士麵包 (17小時中種)
中種麵糰材料： 高筋麵粉140g. 速發酵母1g. 水90g.
做法： 搓到擴展階段，靜置15-30分鐘後，放進冰箱低溫冷藏
17小時
主麵糰材料： 高筋麵粉60g. 速發酵母1.5g. 鹽少許. 牛油 20g. 糖 14g.
牛奶30g.
內餡材料： pizza cheese 6塊. 火腿1塊. 罐頭咸牛肉適量
做法：
1. 除牛油外的主麵糰材料搓揉成糰後，加入中種麵糰，最後加入牛油搓至麵糰光滑。
2. 延遲發酵30分鐘後
3.
中間分割，分割成6份，約60g。發酵20分鐘，包餡做型，再發酵至約2倍大，掃上蛋液(份量外)入爐。
4. 180度焗約12分鐘。取出放涼。
後記：
今次麵糰好好搓，可能水份落多咗啲，雖然都係搓不到薄膜，但就好光滑。麵包焗好後覺得比較重身及有收腰情況出現，亦可能延遲發酵未夠。用掍擀捲時有一個拉得太長，仲係未掌握到擀捲技術，令到斷筋，至最後發酵無力，所以比較扁平。因天氣好凍，已經用熱水助發，但最後發酵都要用2個半鐘。
就係呢個拉斷筋，仲生粒大媽瘡添。
湯圓 (食譜妃娟)
材料：
A. 糯米粉60g. 凍水40g.
B. 糯米粉140g. 糖8g. 凍水80g. 植物油12g.
做法：
1. 將A搓成團，分成數份，然後再壓扁放入滾水中，煮至浮起，撈出，和B材料一起搓至光滑。
2. 覆蓋靜置30分鐘
3.
將粉糰搓長，分割成約12g一份。以虎口包餡收口，最後輕輕的搓至光滑即可。
4. 滾水落湯圓，煮至浮起後呈稍微膨脹狀即可撈出。
5.
另煲煮糖水。片糖加庶糖再拍片姜，煮至糖溶即可。
黑芝麻餡、花生餡 (食譜孟老師)
材料： 黑芝麻粉 (花生粉)60克 + 糖粉25克 + 無鹽牛油30克
做法： 待牛油稍微軟化後，即可用手搓揉成糰，再分成每個約8g-10g，接著冷凍凝固。
後記：
上次整過孟老師的湯圓食譜，佢材料中無放油，搓時非常黏手。今次試整妃娟食譜，比較好搓。以前整湯圓通常都係就咁用糯米粉加水搓就算，無話又要先煮咗一部份嚟搓，雖然係比較多功夫，但口感又真係煙韌啲。
3辮做形麵包 (17小時中種)
中種麵團材料： 高筋麵粉175g. 速發酵母1.5g. 鮮奶110g.
做法： 搓到擴展階段，靜置15-30分鐘後，放進冰箱低溫冷藏17小時
主麵糰材料： 高筋麵粉75g. 速發酵母1.5g. 鹽少許. 牛油 25g. 糖 25g. 鮮奶20g.
蛋液35g. 提子乾50g.
做法：
1. 除牛油外的主麵團材料搓揉成糰後，加入中種麵糰，最後加入牛油搓至光滑，再加提子乾略搓至溶入麵團。
2.
整形收口，延遲發酵30分鐘後。
3.
排氣分割，分割成12份後搓圓，約每份42g。靜置15分鐘後，略搓長，再靜置15分鐘，搓長至所需長度，結辮做形，放焗盤發酵至約2.5倍大，掃上蛋液(份量外)入爐。
4.
180度焗約13分鐘熄火，約2分鐘後取出放涼。
後記：
平時通常整200g麵團，今次加多50g，就好似比平時要出多好多力先搓好，其實都未夠好，只係自己只能搓到咁。今次最主要試下結辮，最初係諗著結4手，但睇完video後，4手好似比較複雜，都係試咗3手先。平時麵團約60g，通常焗12分鐘，今次126g一個，諗著焗耐少少時間，但到13分鐘己見比較深色，所以先熄火，等佢係爐入面焗多2分鐘，確保熟透。
係youtube找到這video，就係跟佢結辮。
咖啡朱古力曲奇
材料： 牛油100g. 沙糖75g. 蛋1 隻. 低筋麵粉160g. 可可粉6g. 研磨咖啡粉5g.
碎朱古力粒適量
做法：
(1) 焗爐預熱至170 度。牛油與糖霜徹底拌勻至變白，然後分次拌入蛋。
(2)
麵粉、可可粉、咖啡粉篩勻，與(1)拌勻即可，不要過份攪拌。放雪櫃雪30分鐘後取出。
(3)
將約18g曲奇料滾成球形，表面黏上碎朱古力粒，壓平成塊狀。入焗爐用170 度焗10 分鐘後，轉150度焗多15分鐘即可。
後記：
本來係諗著整朱古力曲奇，點知原多剩番得6克可可粉，所以加番啲研磨咖啡粉落去加強味道。自從份工唔使去香港做嘢後，(之前多數去灣仔二德惠買材料)，發覺元朗啲烘焙材料比起市區啲真係貴啲，有啲仲貴成倍價錢。
香橙戚風蛋糕
材料 (10吋水泡模)：
A. 蛋白4個. 砂糖 50克.
B. 低筋粉90克. 蛋黃4個. 砂糖20克. 粟米油40克. 橙汁90克.
做法：
1. 先將蛋白分3次加入50克糖，打到8-9成發泡。
2.
蛋黃加20克糖打勻。再加入油及橙汁完全拌勻混合後，再加入粉拌勻。
3.
將1/3的蛋白霜加入(1)，用手動打蛋器攪拌後，再全部倒回蛋白霜中，切底拌勻，入模。拿起模dun兩下。
4.
放入已預熱170度的焗爐，焗40分鐘(如中途覺得蛋糕面太焦，可蓋鍚紙)。出爐後馬上倒扣。
後記：
今次的呢個蛋糕係參考上2次香橙戚風的份量而修改，出嚟口感都好鬆軟和濕潤，好好味，可能因耐無食而覺得好味，只係唔係好夠橙味。本來應加少許橙皮茸，但刮咗幾刮都只係刮得少少，就放棄咗。
唔知點解上個網誌有好多好似病毒咁嘅留言，有成30幾個，相同內容及BLOG客，被我DELETE咗後，無幾耐又出現，真係無符。
所以暫時最新網誌不設回應。
焗栗子 (食譜參考君之)
材料：
A. 栗子約600克. 植物油1大匙.
B. 砂糖15克. 水10克.
做法：
1. 栗子洗净風乾，用較剪在每個栗子上面剪一下。
2.
倒入1大匙植物油、攪拌栗子，至栗子表面都均匀裹上一層植物油。
3. 把栗子平鋪放焗盤上，放入已預熱至180度的焗爐焗約20-25分鐘。
4.
出取，掃上預先混合溶化的砂糖水後，再放回焗多5分鐘即可。
後記：
好耐之前已焗過一次，今次就多掃一層糖水，但發覺分別不太。試過用刀切，其實係好難切開栗子殼，仲好易切親手指添，用較剪就容易得多。將近焗好時，有一兩粒仲爆開咗。
