光酥餅

光酥餅

材枓： 

(1)     高粉  100g.   低粉  55g.  糖70g.   梳打粉  1g.   泡打粉  3g.
(2)     牛奶  55g.   蛋  20g.    牛油  20g.

做法：

(1)            將(1)材料放入盤中拌勻，加入牛奶及蛋液用筷子撈勻，再加入牛油輕手搓至均勻即可，避免過度搓至出筋。再用保鮮紙蓋著靜置15分鐘。
(2)            靜置後，將麵團放已灑高粉的枱面上，分成6等份。略搓長，然後放直從上而下按，略整圓及壓扁，放焗盤上，灑上適量高粉於餅面。
(3)            放已預熱180度焗爐焗約15分鐘即可。

後記：  呢兩星期因要處理一些事情，就算放假都無心機整嘢食，直至呢兩日事情有比較明朗化嘅進展，心情無咁煩，又見到有網友想要光酥餅食譜，所以又開番個爐玩吓，整啲簡單啲嘅嘢食。睇番上次整光酥餅原來唔經唔覺已經係2年前嘅事，好彩仲搵得番食譜出嚟，材料真係好簡單，又易整，我只係將原食譜(出自Honney的美食廣場)的份量略為修改。
唔知係唔係焗好後無即時取出放涼，我將餅留係焗爐一段時間才取出，餅面食落口感比較硬，要等到第二日食先比較似。

自己覺得可以和大家分亨食譜係一件開心嘅事，尤其我地呢啲只係自己玩玩吓，唔捨得花錢出去學的人嚟講(我只係講緊我自己)，整到一啲易整又疑似成功嘅成品，嗰種感覺真係好開心。所以真係好多謝各網友無私的分亨。