香蕉戚風蛋糕

香蕉戚風蛋糕

材料：  

A.    低筋粉100克.     蛋黃5克.   糖15克.       植物油 20克.      奶65克.         香蕉茸170克

B.   蛋白5.      糖 50克.  

做法：

1.   預熱焗爐170度，低筋粉預先篩好。香蕉先壓成茸備用。

2.   蛋黃加15克糖打至糖溶解混合，加入植物油、奶及香蕉茸拌勻，再將低筋粉加入。

3.   蛋白打發至起泡，再分次加入50克砂糖，打發到企身。

4.   將1/3的蛋白霜加入(2)裏面，用膠刮拌勻後再將剩下的蛋白加入切底拌勻，入模。拿起模dun兩下。

5.   放入己預熱170度的焗爐，焗10分鐘，轉150度焗40分鐘。出爐後馬上倒扣。

 

手指餅

手指餅(Lady's Fingers)參考自美味DIY

材料：

雞蛋1隻.  砂糖20克.  低粉25克.   

做法：
1. 焗爐預熱185度。

2. 蛋白打發，糖10克分次加入，打至乾性發泡。

3. 用手動攪拌器將蛋黃加10克糖攪拌均勻，再加入打發之蛋白中拌勻。

4. 加入已過篩的麵粉，混合均勻。

5. 用擠花袋，擠在烤盤上。

6. 放入焗爐，185度焗10分鐘，轉150度焗多5分鐘即可。 

後記： 剛轉咗新Yahoo Blog，新嘢就即刻想試用下。 近來已比較少整糕餅甜品，年紀大咗就唔敢食咁多高糖和高脂嘅嘢。所以今次就揀手指餅嚟整，起碼無油先。可能少食咗，一食就停唔到口，好脆，一塊一塊咁，就食晒‧

朱古力戚風蛋糕

朱古力戚風蛋糕

材料：                         

1.   蛋黃5個.   糖30克.    植物油 20克.   鮮奶110克.   低粉 75克.   朱古力粉25克.    Rum酒12克.    提子干30克

2.   蛋白5個.   糖 50克.  

做法：
1.   預熱焗爐170度，朱古力粉和110克熱奶先混和溶解。提子干浸軟隔水。
2.   蛋白加入50克砂糖，打到企身。
3.   蛋黃加30克糖打至混合，加入植物油和酒打勻，再加入已溶解的朱古力漿打至完全混合再加提子干拌勻。
4.   將已過篩低粉加入(3)拌勻，再將1/3的蛋白霜加入裏面，用手打蛋器拌勻後倒回蛋白霜用刮刀切底拌勻，入模。拿起模dun兩下。
5.   放入己預熱170度的焗爐，焗10分鐘，轉150度焗30分鐘。出爐後馬上倒扣。

後記：

之前整戚風全程用170度火，驚佢個面太濃都會中途蓋鍚紙，但焗成個鐘蛋糕面都會好似有一層濕濕地咁。而家咁中途改細火，唔好打開個焗爐門反而唔洗焗咁耐又好似好啲添。今次材料方面好似落得太多奶，下次可減啲。
好耐無寫blog，其實一路都有整甜品蛋糕，不過就真係少咗好多，因整嘅嘢都係之前整過嘅，成份亦無太大變化所以就唔想再寫。雖然朱古力戚風都整過，但今次材料分別比較大及焗的方法改咗啲，所以要記低返。

再嚟蘿蔔糕

蘿蔔糕

材科:   白蘿蔔  1500g (去頭後計).    粘米粉 185g.    鷹粟粉 95g.   
餡料：  臘腸1條.     臘肉適量.    蝦米適量.  
調味料：  糖1茶匙.   鹽1.5茶匙.   雞粉1茶匙.    胡椒粉大量

做法:

1.    臘肉和臘腸用熱水洗一洗及浸一陣(比較易切)，臘肉去皮，然後切薄片，備用
2.    蝦米用熱水浸軟，水可留用
3.    白蘿蔔用刨刨粗絲備用
4.    用少少油爆香臘腸、臘肉和蝦米，加入白蘿蔔連汁，蝦米水炒一陣，加一茶匙糖，一茶匙雞粉，和大量胡椒粉，至蘿蔔透明，最後加一茶匙鹽調味兜勻，熄火
5.    分次篩入粘米粉和鷹粟粉至完全均勻
6.    倒入已塗油糕盆，抺平
8.    水滾後，大火蒸約45分鐘。或用竹筷子插入不見粉漿黏著，最後可洒上少許白芝麻。

                    

                          

後記：  今次呢底蘿蔔糕整得好啱我心水，杰度剛好，味道亦唔錯。呢個粉和蘿蔔的比例係跟鷹粟粉個食譜，但做法就跟自己煮開咁，簡單啲。自己覺得蘿蔔糕唔落蠔油仲好味過落，顏色亦白淨啲。次次蒸完都只係記得試下熟未，就係唔記得落芝麻。

蘿蔔糕

蘿蔔糕

材科:   白蘿蔔  1400g (去頭後計).    粘米粉 140g.    鷹粟粉 120g.   

餡料：  臘腸1條.     臘肉適量.    蝦米40g.  

做法:

1.    臘肉和臘腸用熱水洗一洗，臘肉去皮，然後切薄片，備用
2.    蝦米用熱水浸軟，水可留用
3.    白蘿蔔用刨刨粗絲備用
4.    用少少油爆香臘腸、臘肉和蝦米，加入白蘿蔔連汁，蝦米水炒一陣，加2茶匙糖，一茶匙鹽，一茶匙雞粉，少少蠔油和一湯匙胡椒粉調味，至蘿蔔透明便熄火
5.    分次篩入粘米粉和鷹粟粉至完全均勻
6.    重新開火, 炒至適合的杰度便熄火
7.    倒入已塗油糕盆，抺平
8.    水滾後，大火蒸約45分鐘。或用竹筷子插入不見粉漿黏著，最後可洒上少許白芝麻。

後記： 

之前已試咗一底，好多人都話比例為5:1，即5斤蘿蔔 (淨肉計)， 便用1斤粉類。但第一底份量差不多，不過可能炒得耐咗和乾咗啲，所以比較實，今次呢底就好啲喇。所以都係要實戰過先會有經驗。上次餡料炒好後另剩起，至炒好蘿蔔後才加入一齊炒，出嚟顏色會比今次呢底白啲。但覺得咁一齊炒，蘿蔔糕臘味會濃啲。臘味的份量其實好隨意，可跟個人喜好加減。

今年係我第一次自己整蘿蔔糕，原來係好容易，最難啲部分其實只係切臘味，因比較硬，又要切到好薄，所以要用多少少時間，不過全部過程約一個鐘就攪掂，唔計蒸糕時間。雖然我年年唔使整都有得食，不過今年就可整埋比阿媽食，出面買要幾拾蚊底，咁我又慳番啲。
唔慳唔得喇，份工做埋今個月無得做，老細話為唔到皮，所以要結業。今年大把時間整糕和做清潔喇。

咖啡戚風蛋糕

咖啡戚風蛋糕

材料：  
1.   蛋黃4個.   糖15克.    植物油 27克.   鮮奶44克.   低粉 70克.   即溶咖啡粉10克.    熱水10克.    咖啡甜酒10克
2.   蛋白4個.   糖 45克.  

做法：

1.   咖啡粉和熱水先混和溶解。

2.   蛋白加入45克砂糖，打到企身備用。

3.   蛋黃加15克糖打至混合，加入植物油及奶拌勻後，再加入已溶解的咖啡溶液及咖啡甜酒拌勻。

4.   將已過篩低粉加入(3)拌勻，再將1/3的蛋白霜加入裏面，用手打蛋器拌勻後倒回蛋白霜切底拌勻，入模。拿起模dun兩下。

5.   放入己預熱170度的焗爐，焗40分鐘(如中途覺得蛋糕面太焦，可蓋鍚紙)。出爐後馬上倒扣。

        

芝麻脆餅

芝麻脆餅 (食譜Hong Kong Recipes)

材料:   低筋粉 100克.    發粉 1/4茶匙.     梳打粉 1/8茶匙.     糖 45-50克.      雞蛋 20克.      牛油 25克.    水 10克.     白芝麻 適量

做法:

1.  低筋粉、發粉及梳打粉混合過篩。
2.  加入糖、雞蛋、牛油及水混合，用手輕輕搓勻。
3.  將麵糰分成約12克一份，先搓至圓形，然後稍為壓扁，再用手輕輕壓在芝麻上。
4.  放入已預熱170度焗爐內，170度焗10分鐘後轉150度焗10分鐘左右或稍轉金黃即可。

                          

            

後記：  最近炒咗啲白芝麻，所以係網上找到呢個芝麻脆餅食譜試下。呢個餅無改錯名，口感真係好脆，個仔好鐘意呢種口感，話好味。自己就比較少用梳打粉嚟整曲奇，雖然會係脆啲，但感覺梳打呢個名好似好多化學物質咁，唔想食咁多。

呢個餅好易整，連攪拌器都唔洗用，將所有材料搓勻就得，簡單快捷。

聽Grace建議，將牛油改用食用油，效果真係一樣咁脆。今次加少少黑芝麻，睇落仲靚添。

焦糖布丁蛋糕

焦糖布丁蛋糕(食譜克萊兒的點心小棧)

(6吋模份量)
 
焦糖材料：   砂糖30g.   水10g.

做法：  直接用玻璃兜將砂糖和水用小火煮至焦糖色，熄火代涼凝固

布丁蛋液材料：   砂糖25ｇ.   全蛋3隻.    牛奶230ｇ.   雲呢拿香油數滴

做法：  蛋用打蛋器打散加香油攪勻，牛奶和糖用小火煮溶，沖倒入蛋液中攪勻放涼

蛋糕體材料： 
1.   低筋麵粉50g.  蛋黃3隻.   牛奶50g.   牛油45g
2.   蛋白3隻.   細砂糖30g.   

做法：

1.   牛油加熱融化，熄火，篩入低筋麵粉拌勻，蛋黃分次加入用橡皮刀拌勻，牛奶也分次倒入拌勻(如加蛋黃時比較難拌勻，可將盤放在已熄火的熱水上，這樣比較容易拌勻)

2.   蛋白打至發泡，分次加入砂糖，繼續打發到中性發泡（提起攪拌頭，蛋白泡呈略為彎曲狀但不會滴落），用橡皮刀把蛋黃麵糊輕輕拌入蛋白泡中，攪拌均勻。

3.   把布丁液過濾倒入已凝固焦糖的玻璃兜，再把蛋糕麵糊倒在布丁液表面。用橡皮刀輕輕撥平麵糊表面，把玻璃兜個放進另一個大烤盤裡，在烤盤之間注入熱水，水量高度以稍為高過布丁為佳，如此放進焗爐隔水焗約40分鐘即可。等蛋糕降溫時即可脫模。脫模時可用細薄的刀輕輕沿著烤盤四周刮一圈，翻轉倒扣即可扣出（要小心焦糖灑出來）。

4.   爐溫170°C，蒸焗至表面上色，轉成150°C繼續烤到熟（假如表面繼續快速上色甚至裂開，可將爐溫轉至更小），以竹籤插入不沾麵糊即可。

         

 

後記：  聖誕本來諗著整聖誕麵包、聖誕蛋糕或聖誕曲奇嚟應下節，不過唔知點解樣樣都得個想字，終於只係整咗個焦糖布丁蛋糕出嚟。相信最主要原因都係材料簡單，樣樣都有，唔需要再去買。
呢個蛋糕上次整係約一年前阿媽嘅生日，當日蛋糕大受好評。平時因各兄弟姐妹都分散各地，好難咁人齊，可以聚首一堂(咁人齊另一原因是阿爸剛過身)。佢地有啲都係第一次食我整嘅蛋糕，可能覺得出奇，我真係會整到一個似模似樣嘅蛋糕啦，所以都十分比面，讚口不絶。轉眼又一年，都未知幾時會咁齊人再聚，不過梗係希望係喜慶事啦。

牛奶方包(中種)

牛奶方包(中種)

中種麵糰材料：   高筋麵粉175g.      速發酵母1.5g.     水100g.  

做法：  搓到擴展階段，靜置1小時後(室溫15度)，放進冰箱低溫冷藏2日

主麵糰材料：   高筋麵粉75g.     速發酵母1.5g.     鹽2g.     牛油 25g.      糖 20g.     牛奶30g.   淡忌廉40g.

做法：
1.   除牛油外的主麵糰材料搓揉成糰後，加入中種麵糰，最後加入牛油搓至麵糰光滑。
2.   延遲發酵30分鐘後
3.   排氣，分割3份，每份約153g。滾圓，再鬆弛15分鐘
4.   桿捲2次放入模，最後發酵至約8倍。
6.   放入己預熱200度焗爐，焗約40分鐘，取出脫模放涼。

後記：  麵包無預先切開一片片，因屋企人鐘意厚切，好似台式多士咁，所以只係切咗第一塊嚟影相，紀錄番內部組織，剩低就比佢地自由發揮，鐘意點食就點食。今次麵包好軟熟，但稍放涼後，好似有少少收縮咁。
焗麵包時真係成屋都好香，香味好耐都唔散，好鐘意呢種感覺同香味，好溫馨咁。