番薯餡麵包 (17小時中種)

番薯餡麵包 (17小時中種)

中種麵糰材料：   高筋麵粉140g.    速發酵母1g.     水90g.  

做法：  打到擴展階段，放進冰箱低溫冷藏17小時

主麵糰材料：   高筋麵粉20g.   低筋麵粉40g.     速發酵母1g.     鹽少許.     牛油 20g.      糖 30g.     水40g.

做法：
1.   除牛油外的主麵糰材料搓揉成糰後，加入中種麵糰，(17小時低溫冷藏發酵)，最後加入牛油打至完成階段。
2.   延遲發酵30分鐘後
3.   中間分割，分割成6份，約60g。發酵20分鐘，包餡做型(每份餡約20g)，再發酵至約2倍大入爐。
4.   180度焗約12分鐘。取出放涼。

番薯餡材料：   番薯 150g.     牛油 10g.      砂糖 10g. 

做法：

1.   番薯叮熟或蒸熟至淋後搓爛
2.   加牛油及砂糖攪拌均勻即可

後記：   做形整得唔靚，但第一次整呢個番薯餡尚覺可口。

番薯燕麥曲奇

番薯燕麥曲奇 (食譜bada小美)

材料:  牛油75克.   砂糖40克.   蛋15克.   低筋粉115克.   燕麥片75克.   紫番薯泥45克.       

做 法:    
1.  將粉類預先篩好
2.  將已軟化牛油加入砂糖打至忌廉狀。
3.  再加入蛋液攪拌均勻後，加入低筋粉、燕麵片和紫薯泥，用手抓均勻麵團。
4.  將麵團分成15克小份，壓扁或用叉壓紋。
5.  放入已預熱170度焗爐，焗約10分鐘後轉150度焗多10分鐘或金黃即可。

後記：   整完出嚟同原食譜差咁遠嘅，唔好講個樣，剩係啲色都無得比，我都係用紫色番薯啫，都係大陸入口，點解佢啲紫得咁交關。
曲奇口感比較乾和硬，番薯味唔係好覺，不過應係一隻比較健康嘅曲奇嚟。因相對牛油和糖都落得少。

蜂蜜蛋糕仔

蜂蜜蛋糕仔 (食譜君之)

材料：  低筋麵粉80克.     蛋2隻.     蜂蜜40克.     砂糖35克.    無味植物油30ml

做法：
1.   在盤中打入蛋，將砂糖和蜂蜜加入，坐熱水打至杰(打蛋器上的蛋糊保持2-3鈔不滴落)。
2.   分2次加入麵粉拌勻。
3.   在拌好的麵糊裏倒入植物油攪拌均匀。
4.   把蛋糕糊倒入紙杯仔中，放入預熱180度的焗爐，焗約10分鐘，或表面金黄色即可。

後記：  好多時係餅鋪見到一包包，細細隻一袋的蛋糕仔都會買嚟食，鐘意佢細細粒一啖一隻，又好味。見到呢個食譜第一樣嘢就係諗起蛋糕仔，雖然成品出嚟並唔係一模一樣，不過個樣都好似。佢就帶小小蜜糖味。

忌廉包 (17小時中種)

忌廉包 (17小時中種)

中種麵糰材料：   高筋麵粉140g.    速發酵母1g.     水90g.  

做法：  打到擴展階段，放進冰箱低溫冷藏17小時

主麵糰材料：   高筋麵粉20g.   低筋麵粉40g.     速發酵母1g.     鹽少許.     牛油 20g.  糖 20g.     冰水45g.

做法：
1.   除牛油外的主麵糰材料搓揉成糰後，加入中種麵糰，(17小時低溫冷藏發酵)，最後加入牛油打至完成階段。
2.   延遲發酵30分鐘後
3.   中間分割，分割成6份，約60g。發酵20分鐘，包餡做型(每份餡約30g)，再發酵至約2倍大入爐。
4.   180度焗約14分鐘。取出放涼。

忌廉餡材料：   鮮奶 150g.     牛油 25g.      全蛋 25g.       砂糖 20g.       粟粉 10g.      低筋麵粉 10g

做法：
1.   牛奶與牛油一起放入煲中煮熱
2.   蛋與砂糖拌勻後，分次將(1)中牛奶倒入攪拌均勻
3.   粉類過篩後加入其中拌勻，再用小火煮杰即可
4.   放涼放雪櫃雪凍，分約每份30g，有剩加牛奶開稀唧上面做裝飾。

後記：  今次轉咗喺樂焙買嘅金象牌高筋粉，比之前係二德惠買嘅粉無咁受水。落少啲水已經好黏。塗面的蛋液因蛋白多過蛋黃，所以焗完出嚟顏色唔均勻。忌廉餡每份30g都好似唔係好夠，下次要加重餡至得。

腸仔包(17小時中種)

腸仔包(17小時中種)(食譜參考老趙與小R之王傳仁師傅 - 十七小時低溫冷藏法)

中種麵糰材料：   高筋麵粉140g.  速發酵母1g.   水90g.  

做法：  打到擴展階段，放進冰箱低溫冷藏17小時

主麵糰材料：   高筋麵粉60g.   速發酵母2g.  鹽少許.  牛油 20g.  糖 14g.  水50g.

做法：
1.   除牛油外的主麵糰材料搓揉成糰後，加入中種麵糰，(17小時低溫冷藏發酵，今次實際發酵62小時)，最後加入牛油打至完成階段。
2.   延遲發酵30分鐘後

3.   中間分割，分割成6份，約60g。發酵20分鐘，包餡做型，再發酵至約2倍大入爐。

4.   180度焗約12分鐘。取出放涼。      

後記：  香腸洗完無抺乾就做形，所以貼著腸仔部分的麵包比較濕，下次唔可以咁懶。

紅豆包 (17小時中種)

紅豆包 (17小時中種)(食譜參考老趙與小R之王傳仁師傅 - 十七小時低溫冷藏法)

中種麵糰材料：   高筋麵粉140g.  速發酵母1g.   水90g.  

做法：  打到擴展階段，放進冰箱低溫冷藏17小時

主麵糰材料：   高筋麵粉60g.   速發酵母2g.  鹽少許.  牛油 20g.  糖 14g.  水10g.   蛋30g.
紅豆餡適量(每個約20g)

做法：
1.   除牛油外的主麵糰材料搓揉成糰後，加入中種麵糰，(17小時低溫冷藏發酵，我實際發酵40小時)，最後加入牛油打至完成階段。
2.   延遲發酵30分鐘後
3.   中間分割，分割成6份，約57g。發酵20分鐘，包餡做型，再發酵至約2倍大入爐。

4.   180度焗約12分鐘。取出放涼。

後記：  今次麵包有用雞蛋液掃面，焗咗12分鐘己好夠色。今次最後發酵時間比較上次足夠，食落口感比較鬆軟。麵包機其實無可能將麵糰打到完成階段，用機打咗2次後，本來再想用手試下搓多陣，但太黏手，終於放棄。

粟米沙律麵包(十七小時中種)

粟米沙律麵包(十七小時中種) (食譜參考老趙與小R之王傳仁師傅 - 十七小時低溫冷藏法)

中種麵糰材料：   高筋麵粉140g.  速發酵母1g.   水90g.  

做法：  打到擴展階段，放進冰箱低溫冷藏17小時

主麵糰材料：   高筋麵粉60g.   速發酵母2g.  鹽少許.  牛油 14g.  糖 20g.  水60g

做法：

1.   除牛油外的主麵糰材料搓揉成糰後，加入中種麵糰，(17小時低溫冷藏發酵，我實際發酵40小時)，最後加入牛油打至完成階段。

2.   延遲發酵30分鐘後

3.   中間分割，分割成5份，約70g。發酵20分鐘，做型，再發酵至約2倍大入爐。

4.   180度焗約14分鐘。取出放涼。

後記：  中種做出嚟嘅包真係軟熟啲。第一次整中種，未熟讀食譜就整，結果就係將加牛油和中種麵糰的次序倒轉咗，下次應該會好啲，已再整咗一個中種係雪櫃備用。今次最後發酵應該未夠，麵包雖然好軟，但係感覺唔夠鬆。

煙肉芝士包

煙肉芝士包

材料： 

高筋麵粉200g.    即溶酵母4g.    糖26g.    牛油20g.    蛋26g,     水110g.    鹽小小. 
煙肉和芝士適量

做法：
1.   將所有粉類、酵母、糖、蛋以及凍水放麵包機攪拌約10分鐘，等形成一團比較光滑的麵糰後熄機。
2.   將牛油加入在粉團內，再從新開機，繼續搓至麵糰有彈性(約15分鐘)。
3.   麵團作第一次發酵約60分鐘，發酵至2倍大。
4.   將麵糰排氣分成6份，每份約65克，滾成圓形，靜置10分鐘。
5.   靜置後，用手按扁成橢圓形，由上而下按壓成欖形，排於烤盤上放入焗爐內，焗爐內置熱水，讓其發酵至2倍大，大概1小時。

6.   取出麵糰，預熱焗爐至180度，於麵包上掃上蛋汁(分量外)，及放上芝士及煙肉。焗約14分鐘，取出放涼。

後記：  最近係YAHOO拍賣網，bid咗部Princess麵包機，雖然無專用麵糰攪拌機咁好，但對於我嚟講都好過用手搓嘅，尤其係比較濕的麵糰。bid佢返嚟最主要都係用嚟搓麵糰。麵包機最唔好係喺攪拌時，部機已開始熱，未到攪拌至完成階段，麵糰已開始發酵。希望用耐咗，孰習咗部機後，可慢慢改良出品。

第一次用麵包機嘅成品。麵包都好鬆軟，可能水份比較多，到第三日都未變乾。

2013年9月14日後記：

呢個麵包機係YAHOO拍賣BID返嚟$300，睇嚟係全新，但用過後發現只可攪麵糰，一到焗就令到全屋跳制，真係氣死人。

紅豆戚風蛋糕

紅豆戚風蛋糕 (6吋模)

材料：  
A.   低筋粉70克.   蛋黃3個.  砂糖15克.   沙拉油37克.   水40克.   紅豆茸80克
B.   蛋白4個.   砂糖 45克.  

做法：

1.   蛋黃加15克糖打至混合。再加入油及水攪拌至糊狀後，將紅豆茸加入拌勻，再加入粉拌勻。

2.   蛋白分3次加入45克糖，打到乾性發泡。

3.   再將1/3的蛋白霜加入，用手動打蛋器輕手攪拌後，再全部倒回蛋白霜中，切底拌勻，入模。拿起模dun兩下。

4.   放入已預熱175度的焗爐，焗約40 - 45分鐘(如中途覺得蛋糕面太焦，可蓋鍚紙)。出爐後馬上倒扣。

          

                       

後記： 今次蛋糕焗好後個形都保持到，無話個面縮返落去，變得扁晒咁，組織都好細密。不過放涼後個面都仲有小部份濕濕地。下次可將部份油份改用水，感覺會無咁肥膩。

鳳梨酥

鳳梨酥 - Carol 自在生活

自製鳳梨醬

材料:   罐頭菠蘿一大罐,   細砂糖40g,   麥芽糖1大匙,   煮食油20g   太白粉適量

做法：

1.     菠蘿用刀切碎，或用攪拌機攪碎放鍋中
2.     將細砂糖及麥芽糖加入，小火慢慢熬煮，再將煮食油加入拌炒至濃稠沸騰
3.     最後將太白粉慢慢加入拌勻至濃稠即可

鳳梨酥外皮:

材料：   牛油120g.    糖粉25g.    全蛋1個+蛋黃1個.      帕梅善起士粉25g.    奶粉20g,   低筋麵粉150g.   中筋麵粉50g.

做法：:
1.     將已回溫的牛油和糖放入盆中，用打蛋器攪打成乳霜狀
2.     將蛋液攪散，分3次加入攪拌均勻

3.     依序將帕梅善起士粉，奶粉加入攪拌均勻

4.    將過篩的粉類加入，用括刀切拌混合均勻

5.     外皮分成每個約15g滾圓，桿開成大圓片，將鳳梨餡放唧筒唧在餅皮上，收口捏緊滾圓
6.     放入已預熱到170度的焗爐，焗約10分鐘翻面再烤10分鐘至表面呈現均勻的金黃色即可從模具中取出移至鐵網架上放涼

後記：  想整鳳梨酥好耐，終於下定決心整時，街市又忽然無新鮮菠蘿賣，咁為有買罐頭。諗著用攪拌機可以慳啲功夫，點知只係按咗幾下，差啲渣都無，要用隔篩先隔到啲。所以煮埋都唔係好多。鳳梨餡真係好黏手，攞上手就點都擺唔到落餅皮度，所以要放入唧筒先可以整到。食就幾好味，尤其出爐一陣，仲熱熱地時，好好食，不過就覺得自己整得個皮唔係好夠鬆。

杏仁糊

杏仁糊 (食譜獨角仙)

材料:   大南杏 120g.   北杏 30g.   米 25g.   冰糖 140g.   水12 50ml.(五杯)   花奶適量


做法:
1.  杏仁和米一同洗淨，加水(份量外)預先浸透。
2.  將杏仁和米加3杯水放入有過濾網的攪拌機攪約3分鐘成杏仁米漿，倒出，再加2杯水再攪約3分鐘。全倒在煲中，放冰糖，一邊煮一邊攪至煮滾，下花奶便成。

後記： 上次感冒後，成日乾咳，所以煲咗幾次杏仁糊食，聽人講話南北杏可以潤肺，唔知係咪心理作用呢，食咗又好似好啲咁。原食譜只用12g米，之前試過，覺得好稀，自己鐘意食杰啲，所以落多小小米。

香橙戚風蛋糕

香橙戚風蛋糕 (食譜紅杉樹姐姐的博客)

材料 (10吋水泡模)：  
A.   蛋白4個.   砂糖 60克.  
B.   低筋粉100克.   蛋黃4個.  砂糖15克.   煮食油60ml.   橙汁90ml.  

做法：
1.   先將蛋黃加15克糖打發。再加入油及橙汁完全拌勻混合後，再加入粉拌勻。
2.   蛋白分3次加入60克糖，打到乾性發泡。
3.   將1/3的蛋白霜加入(1)，用手動打蛋器攪拌後，再全部倒回蛋白霜中，切底拌勻，入模。拿起模dun兩下。
4.   放入已預熱180度的焗爐，焗30分鐘(如中途覺得蛋糕面太焦，可蓋鍚紙)。出爐後馬上倒扣。

後記：  

戚風蛋糕食譜都有好多種，各有各不同份量的比例，焗爐溫度由150度至200度都有，所以次次整出嚟都唔會一樣，亦係好玩之處。今次又比我搵到呢個食譜，唔好理係咪真係最好，但睇完佢咁有誠意分享佢個人經驗及心得，己得益不少。

今次蛋糕面都係有部份有少少濕，下次要焗多5分鐘應比較好。