法包

法包（老麵法）食譜參考美味DIY-綠萼

老麵材料： 高筋粉 200g.  水 128g.  依士 3g  鹽 1g

做法： 先將部分溫水將依士浸5分鐘，然後將所有材料完全搓勻混合成球狀，發酵約3-4小時，至麵團中間塌下即可。然後把麵團分為6份，排氣後放進冰格儲存，需要用前放下格解凍或取出室溫皆凍均可。

主麵團材料： 高筋粉 180g.  水 115g.  依士3g.  鹽 1g.   老麵 55g


做法:
1. 先將部分溫水將依士浸5分鐘，然後將所有材料搓至不黏手，表面順滑，滾圓，發酵約1.5小時
2. 排氣，滾圓，發酵約半小時後，再排氣，分割成2分，滾圓，鬆弛約5分鐘
3. 整型，先壓扁至長方形，然後上下向中間摺，再摺多一次成長形，捏好收口，放焗盆上發酵
4. 當最後發酵6-7成約20分鐘後，把載著冰塊的錫紙盆放入預熱220度的焗爐的最下層
5. 發酵完成後，在包面劃痕，然後放於爐的中層，在麵團面噴水，220度焗30分鐘，中途再快速打開爐門噴3-4次水
6. 當麵團充份著色，把麵包轉放底層至熟。

後記：之前都整過一次法包，但包面唔夠硬脆和唔記得劃痕，所以都唔係好似法包。今次雖然好啲，包面己夠硬和脆，但可能發酵時間唔夠，好似好細條咁，不過真係好有口感。第一次做老麵，睇網友的食譜話老麵好好用，既可做麵包又可做中式包點，可令到麵包更軟熟。但好可惜今次因時間關係，我只能將老麵發得3個小時，麵團還沒有塌下，就要分割。

載著冰塊的錫紙盆放在焗爐的最下層

轉放底層