焗藍莓芝士蛋糕

焗藍莓芝士蛋糕(6吋模)  (食譜參考為食猫)

餅底材料︰  消化餅4塊.  牛油30g

餡料︰  藍莓醬48g.  忌廉芝士170g.  糖40g.  淡忌廉100g.  蛋35g.

做法：

1.          將消化餅輾成餅碎。

2.          熱熔牛油後，與餅碎混合，壓在餅模上放入雪櫃備用。
3.          40g糖加入忌廉芝士打至滑身。
4.          將藍莓醬、蛋和淡忌廉逐一加入芝士漿打勻。
5.          將芝士糊倒入餅底，坐於注有熱水的焗盤上，以140度焗40分鐘，取去注水的焗盤再焗15分鐘。待涼後，置雪櫃凍食。

後記：好耐無整過焗嘅芝士蛋糕喇，諗番第一個芝士蛋糕係差不多一年前，睇咗美味DIY網友綠萼的極品藍莓芝士蛋糕之後整嘅，今次係第二個，呢個食譜簡單啲。耐無食，又覺得幾好味喎，不過唔可食太多，我只食咗圖中的一角，好之味，酸酸甜甜咁。因我比較喜歡食唔洗焗嘅凍芝士餅多啲，覺得無咁漏，所以多數都係整凍餅，不過耐無食焗嘅，有時又會想食咁。耐無整乜步驟都唔記得晒，個模又無掃牛油和用粉圍邊，所以焗完為有用刀刮出嚟。下次都要做多啲事前準備先得。