芒果卷

芒果卷

蛋糕體:(烤盤為26cm乘21cm)
材料： 鮮奶20克.  低筋粉60克.  蛋150克.  砂糖50克.  發粉1/4茶匙
做法：

1.         烤箱預熱170度，烤盤鋪上鍚紙

2.     蛋加砂糖坐熱水打勻至40度及企身，將低筋粉及暖的鮮奶加入攪拌勻。
3.    將麵糊倒入烤盤中，輕敲幾下後入焗爐170度約焗11分鐘，取出放在網架至涼透。
忌廉餡料： 淡忌廉100克.  糖粉10克.  芒果肉適量
作法：
1.  淡忌廉加糖打至8成發待用.
2.   將冷卻後的蛋糕片蓋上一張烘焙紙後翻起，除掉鍚紙。再將忌廉餡全部抺在蛋糕片上，塗抹均勻後，再鋪上芒果肉捲起，用烘焙紙包緊後放雪櫃雪凍即可。

後記：芒果係我至愛，做蛋糕甜品係最好味。今次無跟任何食譜，諗著都是差不多份量，好彩出嚟效果都唔錯，只係蛋糕體表面重有小小裂痕，口感都好軟孰。我自己一個人都食咗半條有多。