提子雪糕

提子雪糕

材料： 
A.     去皮鮮提子300克.     糖60克.     檸檬汁1茶匙     
B.     牛奶350克.      淡忌廉200克.  

做法：
1.     先將去皮提子壓爛，然後加糖及檸檬汁用慢火煮至收乾水份，稍放涼。
2.     放涼後加入牛奶及淡忌廉拌勻，便可放雪櫃過夜備用。
3.     倒入預先冷凍的雪糕攪拌25分鐘至杰便可。

後記：   老公前2日買咗啲提子，但唔甜啲皮又厚又硤，唔好食，咁佢就話，你睇下可以用嚟整啲乜。吓，提子喎，之前從來無諗過提子呢種材料，只見過用嚟做蛋糕或果塔裝飾。最終決定用嚟整雪糕，因而家成日都係諗整乜嘢雪糕咋。不過就要多啲功夫，要逐粒提子去皮先。
今次提子煮得太耐，稍放涼已好杰，仲杰過平時的果醬，本來諗著加啲利賓收納來加色，不過又驚利賓納啲味道大搶，破壞咗原味。或者下次又可試下整利賓納雪糕或威路士提子汁雪糕，我諗都會好好味。
26/8/09後補：

今日係蘋果日報又有刊登換購雪糕機印花，有興趣網友唔好錯過喇。