日式芝士蛋糕(芝士片)

日式芝士蛋糕(芝士片) (食譜參考為食貓)

材料: (6吋模)

麵粉 45g.   粟粉 15g.  蛋 3隻.   糖 48g.   卡夫芝士 3片.   淡忌廉 78g.   牛油 38g. 
　
做法：

1) 將芝士片、牛油和淡忌廉坐熱水攪溶至冇粒粒，完全溶解。

2) 離開熱水後分3次加入蛋黃攪勻，再篩入粉類拌勻。

3) 將蛋白分3次加入糖打發至企身，將1/3蛋白加入麵糊中拌勻，再加入其餘蛋白拌勻。

4) 放入已預熱160度的焗爐(預先在爐內放入網架及有水的焗盆)，可中途蓋上鍚紙，免蛋糕面太燶，焗約40分鐘。

後記：第一次用芝士片整日式芝士蛋糕，感覺好似有啲咸咸地咁，口感都很軟熟。老公話用忌廉芝士香啲。呢個食譜粉嘅份量比例上比較多。就算蛋白打得比較企身，焗時蛋糕都無爆開。原食譜焗30分鐘，我整呢個比例上多1/3，所以焗咗40分鐘，見用竹籤插入都無黏著物，就取出放涼，點知當脫底紙時，見到蛋糕底部重係濕嘅，真奇怪，因並不是坐在水裏焗，但蛋糕其實已經熟咗，所以再放回爐焗多5分鐘至底部乾爽。下次相信要在最後10分鐘取走有水的焗盆，應會好啲。