日式芝士蛋糕

日式芝士蛋糕(6吋模)


材料：  忌廉芝士97克.  雞蛋(分蛋)3隻.  淡忌廉75克.  糖40克.  低筋粉15克.  粟粉15克

做法：

1) 將芝士和淡忌廉坐熱水攪溶至冇粒粒，完全溶解。

2) 離開熱水後分3次加入蛋黃攪勻，再篩入粉類拌勻。

3) 將蛋白分3 次加入糖打發至杰身約6成，將1/3蛋白加入麵糊中拌勻，再加入其餘蛋白拌勻。

4) 放入已預熱160度的焗爐(預先在爐內放入網架及有水的焗盆)，焗約10分鐘即蓋上鍚紙，免蛋糕面太燶，全程焗約1小時。

後記：  個仔話鐘意食軟熟啲嘅蛋糕，咁我就整咗呢個比較耐無整嘅日式芝士蛋糕喇(下次會整日本綿花蛋糕)，爐火今次調教至160度，高上次20度，只需焗1個鐘便可，但個面就有爆裂情況出現。