朱古力戚風蛋糕

 朱古力戚風蛋糕 (6吋模)

材料：   蛋白3個.   糖 30克.   菜油30克.   奶40克.   低筋粉50克.   朱古力粉10克.   蛋黃3個.  糖22克.   rum酒5克

做法：

1.            預熱焗爐170度，低筋粉和朱古力粉先篩好。

2.            蛋黃加22克糖打至混合，再加入rum酒、暖菜油及奶拌勻。

3.            蛋白加入30克砂糖，打到企身。
4.            將低粉及朱古力粉加入(2)拌勻，再將1/3的蛋白加入裏面，用手打蛋器拌勻後再將剩下的蛋白切底拌勻，入模。拿起模dun兩下。
5.            放入己預熱170度的焗爐，焗25分鐘(如中途覺得蛋糕面太焦，可蓋鍚紙)。出爐後馬上倒扣。

後記：  戚風蛋糕真係好考功夫，無一次做得滿意。今次唔知係唔係蛋白打發過度，好難攪拌得均勻，所以焗好後仲有部份有白色嘅蛋白，亦因攪拌過度而令到無預期中的鬆發。用咗戚風模焗戚風蛋糕後，每次都好似近面的蛋糕體反而無近底的鬆發。