日式綠茶芝士蛋糕

日式綠茶芝士蛋糕(6吋模)

材料： 忌廉芝士95克.  雞蛋(分蛋)3隻.  淡忌廉75克.  糖40克.  低根粉20克.  粟粉10克.  綠茶粉10克

做法：

1.          焗爐預熱165度，預先在爐內放入網架及有水的焗盆在爐內，粉類過篩備用
2.          將芝士和淡忌廉坐熱水攪匀，至冇粒粒，完全溶解。

3.          離開熱水後分3次加入蛋黃拌勻，再篩入粉類拌匀。

4.          將蛋白分3次加入糖打至企身。將1/3蛋白加入麵糊中拌匀，再加入其餘蛋白拌匀，放上網架入爐。

5.          入爐後等蛋糕面微色，轉150度焗，全程焗約1個鐘。

後記：今次是外觀最靚的一次，蛋糕面無爆開(不過燶咗小小)，因今次打蛋白無打至10成，只打到蛋白尖重微微向下。雖然個面無爆開，但就成個蓋在側面裂開再升起，所以冷卻後睇唔出。口感就無將蛋白打到十成咁鬆軟。係唔係永遠無兩全其美呢，可做到又靚又鬆軟又唔爆。我相信應該只係的我技術未夠。比較原味和綠茶味，我喜歡原味多啲，因覺得這芝士蛋糕好似無乜芝士味。蛋糕面亦比較濃，應在後期加上鍚紙蓋一蓋。