杏仁瓦片

杏仁瓦片(食譜參考CD廚房)

材料： 砂糖65g.  牛油40g.  全蛋一顆.  蛋白30g.  低筋麵粉40g、粟粉10g.  杏仁片90g

做法：
1、 將牛油加上砂糖一起隔水加熱融化拌勻。
2、 拌勻的牛油砂糖等熱度稍減時加入一顆全蛋一顆蛋白，用打蛋器輕輕攪散不用打發。
3、 再加入篩好的低筋麵粉、粟粉用橡皮刮刀拌勻。最後加入杏仁片拌一拌。
4、 將杏仁片麵糊用湯匙或叉子薄薄的推抹在鋪了烤紙的烤盤上，杏仁與杏仁盡量不要重疊，塗抹的瓦片不要太大約直徑6cm。
5、 放在烤箱中層，165度焗7分鐘，轉150度焗多5分鐘，小心睇火，邊邊好易燶。出爐後盡快放網架上冷卻。

後記：找到兩個杏仁瓦片食譜，一個是為食貓的食譜話味道都幾好，用菜油代替牛油，健康D。另一個是CD廚房的食譜，話超好味。最後都決定試整CD廚房的超好味杏仁瓦片。原食譜用80克糖，睇落好似好多咁，所以我只用65克，但焗好後相信用80克都不會很甜。原食譜用40克蛋白，但我的蛋一隻只得30克蛋白，所以我用30克。第一次用不黏烤布，用來焗瓦片真喺好好用，不用鏟已自動脫落。這個食譜真是十分容易整，重好好味添。下次我會試整為食貓的蛋白杏仁脆片，健康啲食譜的成品，重可以用來孝敬阿媽添。

補充：脆片第二天中間部份開始變淋，可能啲蛋和蛋白份量無跟足原食譜，落少咗(今次啲蛋細隻啲)，麵糊應再稀翻少少，焗出嚟的效果會更薄更脆。