芒果糯米糍

芒果糯米糍 (食譜參考美味DIY)

材料：   澄麵粉20g.  糯米粉80g.  砂糖55g.  吉士粉10g.  水150ml..  芒果肉1個.   椰絲適量

做法：
1.  將糯米粉、澄麵粉、吉士粉及砂糖撈勻，慢慢注入清水，將材料溶解至沒有粒狀物，成為軟滑粉醬漿。將粉漿傾倒至盤中蒸熟，約5-6分鐘。

2.  將粉團放涼，平均分約25g一份，約12份。

3.  用乾椰絲黏滿糯米糍皮表面，壓扁包入芒果肉，搓成球形。

後記： 好耐無食芒果糯米糍攞，心思思又要整番次嚟食。係美味DIY重溫VIDEO和食譜時，才留意到原來粉醬唔可以蒸太熟，如果唔係會好黏手，蒸5分鐘就夠，我以前通常都係蒸6分鐘。唔知係唔係我個盤比較深，放涼咗蒸熟嘅粉漿後先發覺有一小部份唔熟，所以今次就係整得咁多咋。做形方面，今次試整咗2條長形嘅，長形重比較容易收口，只雖將粉皮在椰絲上壓扁成長方形，在中間放上芒果粒，將粉皮由一邊折綿被咁折去對邊合上收口便可。這方法比較簡單快捷，希望下次個做形會整靚啲。