朱古力燕麥球

朱古力燕麥球 (食譜君之)

材料：燕麥片120克.      高筋麵粉40克.       奶粉20克.      細砂糖40克.      53%朱古力100克.      雞蛋10克.      牛油40克.

做法：
1、朱古力切成小塊放入碗中，加入牛油，坐熱水至全融化備用。
2、把奶粉、燕麥片、高筋粉混合。倒入融化的朱古力碗內。
3、用手把所有材料揉匀。揉好的混合物比較乾和鬆散，這時將10克蛋液加入混合物，攪拌均匀。令混合物較為濕潤。
4、用手取少許混合好的麵糰，用力捏成不易散開的小球。
5、捏好全部的小球以後，放入已預熱160度的焗爐，焗約20分鐘左右。

後記： 
又係君之食譜，佢整啲曲奇款款都好靚，又有詳細圖片，只要跟著做，多數都會成功。呢個朱古力燕麥球真係幾好味，口感比較硬，但就好有朱古力味，個仔睇見，仲以為我整咗金沙添。

整開頭幾個時，諗著用雙手搓圓佢，點知會越搓越散，之後先識得係要用力捏成一糰，用另外隻手指壓實，先唔會爆開。