紅豆西米糕

紅豆西米糕(食譜參考為食貓)

材料： 西米 75g.  糖 22g.  芥花籽油 8g.  紅豆蓉適量

做法：

1.        先將西米浸1小時，沖洗乾淨，瀝乾水分，加入糖和生油攪勻。

2.        放鑊內蒸5分鐘(注意:在這5分鐘內要攪3次，每攪一次必需合上蓋)。
3.        蒸好之西米便可放入蛋塔模上（撻模一定要掃油，才可容易摸），第一層西米，第二層豆沙，第三層西米，按平表面。
4.        然後再放回鑊蒸8分鐘，完成。

後記：西米浸咗1小時後覺得無大變化，浸多半個鐘。然後放鑊內蒸咗有8分鐘，因5分鐘後見西米還是大部份都是白色，唔知這樣得唔得，但相信最主要是令到西米變黏性。到最後(4)的程序我蒸咗15分鐘至全部西米變透明為止。西米是很久之前餘下的，所以只有75克，今次做咗5個。紅豆蓉還是之前的紅豆蓉。雖然塔模已上油，但邊邊還是很黏，無一隻能夠無穿無爛咁起出，外觀麻麻。剛剛蒸好時好好食，我覺得自己整的紅豆蓉好好味，不過我未食過街買現成的，可能重好味。

28 Oct 06 (第二次整)

材料： 西米 120g.  糖 35g.  芥花籽油 13g.  紅豆蓉適量

做法：同上

後記：今次依足時間蒸5分鐘，發覺西米只蒸5分鐘，黏性無咁強，比較容易處理。取得第一次的經驗後，在最後程序只蒸咗8分鐘就蒸好。第一次整時因蒸好放涼一陣就脫模，西米還是很軟，所以很難完整脫出。第二次整好雪凍後才脫模就比較完整。今次的份量可做7個。