綠茶芝士紅豆戚風蛋糕

綠茶芝士紅豆戚風蛋糕


先做紅豆戚風蛋糕(6吋模) 

材料: 1.  沙拉油25克 .  鮮奶40克.  糖25克.  自發粉55克.  蛋黃3個.  紅豆蓉60克. 
2.  蛋白3個.  糖35克.

做法: (1) 將蛋黃加入糖打至稍起泡，再分次將沙拉油加入拌勻，加入奶拌勻，再加入自發粉及紅豆蓉拌勻備用。
(2) 將材料2打至企身，挖1/3至(1)中拌勻再全部倒回拌勻即可入模入烤箱。
(3) 烤箱需先預熱至170度，烤焗15分鐘後見蛋糕面開始轉色，可將溫度轉至160度，總共大約焗40分鐘。如用竹簽插入沒有粉黏著即可。倒扣放涼後可切開備用。

綠茶芝士(參考Wing's Recipe)

材料： 忌廉芝士 120g.  淡忌廉 90g.  糖 42 g.  牛奶 62 g.  魚膠粉 7g.  水 42g.  綠茶粉 7g

做法：

1.       魚膠粉加水隔熱水坐溶待用。

2.        忌廉芝士加入糖打滑至均勻。
3.       綠茶粉加入暖牛奶拌勻，拌入芝士醬中續打，再拌入魚膠溶液。
4.       鮮忌廉以打蛋機打至八成鬆發，輕輕覆入芝士醬中。
5.       倒1/2芝士餡落戚風蛋糕餅上，再放上另一塊戚風蛋糕，加上餘下的芝士餡便可。放入雪櫃凝固。

紅豆蓉是參考(Eupho Café)的，再簡化。
1.        先將紅豆浸過夜。倒咗啲水，另加水煲至淋。紅豆隔水後，一半份量壓爛。
2.        放落巳加適量油(食油或牛油)的鑊炒至稍乾，加糖再炒至乾水。濕度和甜度都可自行調教。

後記：  蛋糕出來的顏色好靚，紅紅綠綠咁。紅豆戚風蛋糕軟孰得嚟又有一粒粒紅豆的口感，本來想買現成紅豆蓉，但見到食譜都十分容易，就試吓自己整，都幾好味。紅豆蓉用唔曬，放咗落冰箱，唔知得唔得。