彈彈波方包

彈彈波方包 (食譜綠萼)

材料：12兩方包模

高筋粉　    200g低筋粉　    50g速發酵母　4g糖　            20g鹽　            2g水　           160g牛奶　        40g牛油　        15g

做法：

1.    所有材料用麵包機打2次，發酵30分鐘，排氣後放入密實盒，放雪櫃冷藏。
2.    第二日取出，放至室溫，用膠刮把麵團取出，分割成3份，靚置10分鐘，桿捲2次，入模。
3.    發酵至八成滿，入爐。
4.    200度焗約35分鐘，取出放涼。

後記：   

跟據綠萼講麵糰十分黏手，好難用手搓，但又好想試下，所以要出動麵包機嚟整。用麵包機攪打2次，麵糰比較熱，第一次發酵30分鐘後，好快已發得好大。通常放工後都唔夠時間整成個過程，所以第一次發酵後就排氣，放入雪櫃，第二日再繼續。最後發酵到8成入爐，但今次200度焗咗35分鐘後，顏色好淺，驚住唔熟，所以焗多10分鐘，但顏色都無大分別。雖然整得唔靚，側面又多窿窿，但組織都尚算鬆軟。

麵糰己用麵包機攪打2次，不過作用都係不大，又要將佢暫時打入冷宮喇。