黑森林蛋糕

黑森林蛋糕

朱古力蛋糕(7吋方模)

材料：  

低筋粉75克.    可可粉15克.     蛋4個.      砂糖80克.      植物油20克.     鮮奶30克.

做法：
1.   低筋粉和可可粉預先篩好備用。植物油和鮮奶先坐暖。

2.   蛋加砂糖打勻至企身，將低筋粉、可可粉加入輕手拌勻再加入暖牛油和奶攪拌均勻。

3.   將麵糊倒入模中，輕敲幾下後入焗爐180度約焗約25分鐘，取出倒扣放至涼透。切3片備用。

內餡：
1.   酒漬櫻桃
做法： 新鮮櫻桃160g加櫻桃酒17g及水17g，放煲內煮約10分鐘，放涼後至雪櫃備用。
2.   500g淡忌廉加50g糖粉打起備用
3.   黑加倫子啫哩粉90g加300g熱水溶解，雪凍後部份切粒，部份整碎備用

4.   另備朱古力碎適量

組合：   蛋糕片塗上煮過的酒漬櫻桃液，第一層抺上忌廉及加上酒漬櫻桃，第二層抺上忌廉及加上黑加倫子啫哩，最後抺上忌廉，側邊貼上朱古力碎及餅面放上裝飾即可。

後記：  第一次整黑森林蛋糕，整得唔係咁靚，好彩只係作為自己的生日蛋糕。蛋糕諗著用500g忌廉已經夠啦，點知只剛剛夠塗抺蛋糕本身，側邊位都只有薄薄一層，本來想係面度唧啲忌廉花紋都無，為有就咁放啲車厘子和啫哩碎。第一次用呢個7吋方模，用4個蛋嚟整，只能免強連面切得3塊，所以要用埋面層做埋蛋糕。抺蛋糕部份真係覺得自己越抺越差，反而覺得第一次抺忌廉嘅蛋糕整得比較好。

係網上搜尋酒漬櫻桃做法，有啲用紅酒或其他類酒，有啲要落糖，有啲無。所以我都係自己胡亂製作，見屋企有支櫻桃酒版，試過味道甜甜地，就嘗試自己整。我只要求有小小酒味和甜甜地就得。