紅豆慕士綠茶蛋糕

紅豆慕士綠茶蛋糕

綠茶蛋糕(7吋方模)

材料：   低筋粉65克.    綠茶粉5克.     蛋3個.      砂糖60克.      植物油20克.     鮮奶20克.

做法：

1.   低筋粉和綠茶粉預先篩好備用。植物油和鮮奶先坐暖。
2.   蛋加砂糖打勻至企身，將低筋粉、綠茶粉加入輕手拌勻再加入暖牛油和奶攪拌均勻。

3.   將麵糊倒入模中，輕敲幾下後入焗爐180度約焗約25-30分鐘，取出倒扣放至涼透。

紅豆慕士：

材料：   紅豆茸200克.  牛奶50克.    淡忌廉100克.   砂糖20克.    魚膠粉5克.    水30克.

1.   淡忌廉加糖打至7分發備用
2.   魚膠粉加水放微波爐叮溶備用
3.   紅豆茸加牛奶攪拌，加入魚膠粉水拌勻，再拌入己打發的淡忌廉。
4.   將紅豆慕士倒在蛋糕面抺平，放入雪櫃至凝固即可切件

後記： 今次整呢個蛋糕主要想清咗啲紅豆茸，整得比較求其，因無預足材料就整。綠茶蛋糕無乜綠茶味，5克綠茶粉可能太少。紅豆慕士部份，淡忌廉又原來剩得100克，全部慕士材料攪拌後，感覺比較稀，最主要係唔夠打起淡忌廉。點解人地啲蛋糕嘅切邊可以切得咁整齊，自己就切得一忽忽。