再嚟蘿蔔糕

蘿蔔糕

材科:   白蘿蔔  1500g (去頭後計).    粘米粉 185g.    鷹粟粉 95g.   
餡料：  臘腸1條.     臘肉適量.    蝦米適量.  
調味料：  糖1茶匙.   鹽1.5茶匙.   雞粉1茶匙.    胡椒粉大量

做法:

1.    臘肉和臘腸用熱水洗一洗及浸一陣(比較易切)，臘肉去皮，然後切薄片，備用
2.    蝦米用熱水浸軟，水可留用
3.    白蘿蔔用刨刨粗絲備用
4.    用少少油爆香臘腸、臘肉和蝦米，加入白蘿蔔連汁，蝦米水炒一陣，加一茶匙糖，一茶匙雞粉，和大量胡椒粉，至蘿蔔透明，最後加一茶匙鹽調味兜勻，熄火
5.    分次篩入粘米粉和鷹粟粉至完全均勻
6.    倒入已塗油糕盆，抺平
8.    水滾後，大火蒸約45分鐘。或用竹筷子插入不見粉漿黏著，最後可洒上少許白芝麻。

                    

                          

後記：  今次呢底蘿蔔糕整得好啱我心水，杰度剛好，味道亦唔錯。呢個粉和蘿蔔的比例係跟鷹粟粉個食譜，但做法就跟自己煮開咁，簡單啲。自己覺得蘿蔔糕唔落蠔油仲好味過落，顏色亦白淨啲。次次蒸完都只係記得試下熟未，就係唔記得落芝麻。