紅豆西米糕

紅豆西米糕(食譜參考為食貓)

材料： 西米 75g.  糖 22g.  食油 8g.  紅豆蓉適量

做法：

1.        先將西米浸1小時，沖洗乾淨，瀝乾水分，加入糖和生油攪勻。
2.        放鑊內蒸5分鐘(注意:在這5分鐘內要攪3次，每攪一次必需合上蓋)。
3.        蒸好之西米便可放入蛋塔模上（撻模一定要掃油，才可容易摸），第一層西米，第二層豆沙，第三層西米，按平表面。
4.        然後再放回鑊蒸8分鐘，完成。

後記： 因重有好多紅豆茸係冰格未食，所以就要諗多啲有紅豆嘅甜品嚟整，繼上一個西米布甸後(本來唔需要落紅豆茸，都特登落啲落去)，就再整呢個紅豆西米糕，今次用牛油來掃模，蒸完出嚟係完全無油味。個仔食完話個皮唔夠甜。我自己就覺得ok，可能今次放得唔夠多紅豆茸，所以皮多過餡，就會覺得無咁甜。