椰汁紅豆糕

椰汁紅豆糕(食譜蘋果動新聞)

材料：       紅豆250g.      椰汁400毫升.      水1200毫升.     花奶130g.     砂糖250g.     鹽少許.      粟粉100g.       大菜絲 12g.

做法：

1.          將紅豆洗淨浸水4小時或過夜。然後放入沸水，以中火煮滾10分鐘，再熄火加蓋焗10分鐘，重複4次至紅豆腍，備用。
2.          預先浸4小時的大菜絲加入水中，以中火煮至完全溶透，再加入糖。

3.          椰汁加入花奶、粟粉開勻，然後加入大菜水中，不停攪拌，以細火煮沸至稠身，下紅豆、鹽拌勻。

4.          放入容器內，雪至凝固，扣出切件即可。

後記：  今次咁樣煮及焗紅豆真係好粉同埋唔會爛，好正。我用埋煲紅豆啲水嚟整，所以成舊糕都係紅豆色。原食譜按比例，紅豆只落100g，但我地勁鐘意食紅豆，所以用咗250g嚟整。而糖嘅份量落得比食譜多，但出嚟都唔係好甜，最好先試味先，喜甜的可再加。第一次用粟粉加大菜絲整糕點，口感唔錯。

報紙貼士：

紅豆點樣先可煲到又腍又起沙？

1.          紅豆最好浸一晚。

2.          煲紅豆時千萬不要加任何糖或鹽。

3.          以半焗半煮方式，這樣紅豆就腍到入心。